Ársrit Ræktunarfélags Norðurlands - 02.02.1952, Qupperneq 14

[ 1
sem búnaðarfélagsmenn óska þess, og kæmu þær þá algerlega
í þeirra stað. Með þessu ákvæði, er fyrsta sporið stigið í þá
átt að skipuleggja búnaðarsamtökin í Norðlendingafjórð-
ungi. Á þessum sama fundi voru samþ. lög 12 félagsdeilda.
Á þessum árum var komin upp hreyfing víða um land um
að sameina hreppabúnaðarfélög í stærri heildir. Er ekki
ósennilegt, að stofnun Rf. Nl. hafi ýtt undir þá hreyfingu.
Austfirðingar urðu fyrstir 1904, og sniðu þeir samband sitt
og starfshætti í ýmsu eftir Rf., m. a. með því að koma á fót
tilraunastöð. Búnaðarsamband Vestfjarða var stofnað 1907
og Suðurlands 1908. En ekki var tekin upp tilraunastarfsemi
í þeim.
Enda þótt lagabreytingin 1905 hnigi í þá átt að gera Rf.
að búnaðarsambandi fyrir Norðurland, var þó auðsætt, að
meira yrði að gera, til þess að því marki yrði náð. Var stjórn-
inni því falið á aðalfundi 1909, að gera tillögur til lagabreyt-
inga í þá átt. Voru tillögur stjórnarinnar samþykktar á aðal-
fundi 1910, en ekki skyldu hin breyttu liig taka gildi fyrr en
sýslunefndir og búnaðarfélög á félagssvæðinu hefðu tjáð sig
fús að taka þeim skilyrðum, er þar yrðu sett.
Nýmælin í lögum þessum voru í 7., 13. og 14. gr. þeirra,
og eru þessi helzt: Elreppabúnaðarfélögin á félagssvæðinu
verða öll meðlimir Rf. og geta sent fulltrúa á fundi félagsins
og fengið jarðabætur sínar mældar endurgjaldslaust árlega
af búfróðum manni, sem jafnframt leiðbeini mönnum í
búnaði. Þau skuli nú greiða til Rf. 1.00 kr. fyrir hvern
félagsmann, nema þeir séu allir félagar Ræktunarfélagsins,
en þá telzt búnaðarfélagið deild þess.
í 13. gr. er gert ráð fyrir að sýslurnar komi upp sýnireit-
um, og skuli þá Rf. hafa eftirlit með fyrirkomulagi þeirra
og styrkja þá með að minnsta kosti 1 /4 kostnaðar. Og loks
er í 14. gr. ákveðið að félagið ráði búfróða menn til að ferð-
ast um félagssvæðið, helzt einn í hverri sýslu. Skulu þeir
mæla jarðabætur, semja lögboðnar skýrslur um þær, hafa