Ársrit Ræktunarfélags Norðurlands - 02.02.1952, Blaðsíða 13

13
árstillag, eða 50.00 kr.x) árstillag, einnig gátu hreppabúnað-
arfélög gerzt félagar gegn 10.00 kr. ársgjaldi. Æðsta stjórn
félagsins var aðalfundur, sem haldinn skyldi ár hvert, og
gátu hverjir 20 félagar, eða 15 félagar og búnaðarfélag sent
einn fulltrúa á fundinn. Var í upphafi ákveðið, að fundirn-
ir yrðu haldnir til skiptis í sýslunum á félagssvæðinu, sem
þegar í öndverðu var bundið við Norðlendingafjórðung frá
Hrútafirði til Gunnólfsvíkur.
Af þessu er ljóst, að ekki var til þess ætlast, að Rf. hefði
afskipti af málum hreppabúnaðarfélaganna eða landbúnað-
armálum almennt. Markmið þess var að skapa með tilrauna-
starfsemi vísindalegan grundvöll undir alhliða ræktun lands-
ins: grasrækt, garðrækt, skógrækt og kornrækt, og safna
áhugamönnum um þessi mál saman til stuðnings við þau, og
jafnframt breiða út þá þekkingu, sem ynnist með tilraunun-
um. Um framkvæmdir þessara mála varð vitanlega aðallega
komið undir stjórn félagsins og framkvæmdarstjóra, því að
sjálfur félagsskapurinn hlaut með þessum hætti að verða
alllaus í reipunum, og einkum var hætt við, að er tímar liðu
yrðu vanhöld á innheimtu árgjalda. Til þess að knýta félags-
böndin fastar bar stjórnin fram tillögu um fasta deildaskipt-
ingu félagsins á aðalfundi 1905. Voru tillögur stjórnarinnar
samþykktar með nokkrum minni háttar breytingum. Aðal-
atriði hinna nýju ákvæða voru, að nú skyldu félagsmenn
skipa sér í deildir, er skyldu að jafnaði vera einn hreppur
eða kaupstaður, en deild yrði ekki stofnuð með færri en 20
félagsmönnum eða 15 einstaklingum og einu búnaðarfélagi.
Hver deild skyldi hafa eitthvert ætlunarverk, sem valið væri
í samræmi við störf og stefnumið aðalfélagsins. Einnig skyldu
deildirnar taka upp starfsemi hreppabúnaðarfélaganna, þar
1) Ævitillagið hækkaði 1906 í 20 kr., og 1910 í 10 kr. þannig hélst það til
1926 er það hækkaði í 20 kr. en var lækkað aftur í 10 kr. 1934 og loks hækkað
í kr. 30,00 1945.