Ársrit Ræktunarfélags Norðurlands - 02.02.1952, Side 62

62
in stjórn, öllum opin. Engar fundargerðir skráðar og engar
samþykktir gerðar.
Allvíða á landinu ætti að vera sæmileg aðstaða til þess að
fitja upp á svona lagaðri starfsemi.
Að lokum verður að víkja nokkuð að starfsemi ráðunauta
í landbúnaðinum, þótt það hafi raunar þegar verið gert, því
að mikill hluti þeirrar fræðslu, sem rædd hefur verið hér að
framan, verður og er beint eða óbeint á þeirra vegum, en til-
högun ráðanautastarfseminnar hefur verið í deiglunni und-
anfarin ár og er svo enn, svo að þess er engan veginn að
vænta, að hún sé komin í fast forrn eða kerfi. Það, sem nú er
keppt að, er að um allt land sé starfandi viss fjöldi leiðbein-
andi manna í jarðrækt og búfjárrækt, jafnvel líka í bygging-
armálum, en auk þessa séu svo starfandi landsráðunautar
hjá Búnaðarfélagi Islands og jafnvel fleiri stofnunum. Á
hinu leytinu er svo rannsóknarstarfsemin framkvæmd af til-
raunaráðum, tilraunastjórum og starfsmönnum á landbún-
aðardeild Atvinnudeildar háskólans. Síðartaldi flokkurinn á
að skapa innlend búvísindi, rannsaka alls konar nýmæli,
leita nýrra úrlausna. Ráðunautarnir eru boðberar þeirra ný-
mæla, sem rannsóknarstarfið hefur leitt í ljós eða koma í
ljós í störfum bændanan sjálfra. Þetta er ekki auðvelt að
framkvæma á annan handhægari hátt heldur en gegnum
fundahöld, fyrirlestrastarf eða ritað mál.
Æskilegt væri, að ráðunautarnir væru útbúnir með hand-
hægar myndavélar, svo að þeir gætu tekið myndir af öllu
markverðu varðandi búnaðinn, er fyrir augu ber, og sýnt þær
aftur á bændafundum í þar til gerðurn sýningarvélum. Ur
þessu mætti svo gera sýningarflokka, er gætu gengið að skipt-
um milli leiðbeiningarmanna. Safn búfræðilegra kvikmynda
til útlána og aðstaða sem víðast til að sýna þær, er og mjög
mikils virði.
Verulegur þáttur í starfi héraðsráðunautanna er undir-
búningur verklegra framkvæmda, svo sem framræsla, og út-