Ársrit Ræktunarfélags Norðurlands - 02.02.1952, Síða 20

20
skiptis í sýslunum. Var það framkvæmt eftir föngum fram tii
1931. Flestir voru fundirnir samt á Akureyri, eða 10 talsins,
og 1 í Kaupangi. 7 voru haldnir í Þingeyjarsýslum, 5 í Skaga-
fjarðarsýslu og 5 í Húnavatnssýslu. Hafa fundarstaðir verið
valdir allt austan frá Skinnastað í Öxarfirði og vestur til
Hvammstanga. Síðan 1931 hafa allir fundir verið haldnir á
Akureyri.
Auk aðalfundarstarfanna voru fundir þessir fræðslu- og
vakningarsamkomur. Þar voru fluttir fyrirlestrar og rædd
landbúnaðarmál, enda sótti þá oft fjöldi manns auk fulltrúa.
Voru þeir oftast sannkallaðir hátíðisdagar, og er þeim, er
þetta ritar, í fersku minni með hve mikilli hrifningu menn
lýstu þeim, er þeir komu heim í sveitirnar að loknum fund-
um. Má óhætt fullyrða, að þeir áttu drjúgan þátt í að efla
gengi félagsins og auka skilning almennings á starfi þess. Er
þess að vænta, að hin nýja skipan félagsins geti orðið til þess
að endurvekja að einhverju leyti hina gömlu aðalfundi og
gefa þeirn gildi að nýju.
b. STJÓRN FÉLAGSINS.
Þess er þegar getið, að hina fyrstu félagsstjórn skipuðu þeir
Páll Briem, amtmaður, Stefán Stefánsson, síðar skólameist-
ari, og Sigurður Sigurðsson, síðar búnaðarmálastjóri. Það
mun sjaldgæft að slíkt mannval hafi verið í stjórn sama
félags samtímis, enda má þakka það þessum þremur mönn-
um, hversu giftusamlega tókst til um að móta störf og
stefnu félagsins í upphafi.
Páll Briem var þessara manna elztur. Hann var þá löngu
þjóðkunnur maður fyrir starfsemi sína á flestum sviðum
þjóðlífsins, en einkum hafði hann borið fyrir brjósti rnenn-
ingar- og landbúnaðarmál. Hann var einn þeirra ma'nna,
sent mest hafði gengist fyrir stofnun Búnaðarfélags Islands,
og var sívökull um hvert það mál, sem til heilla horfði í ís-