Ársrit Ræktunarfélags Norðurlands - 01.01.1975, Blaðsíða 12
I. Kynning á seinni hluta.
Síðan Tilley og Terry fundu upp tveggja þrepa meltiað-
ferðina hafa orðið til margar aðferðir víða um heim byggð-
ar á sama grunni.
Á Rannsóknarstofu Norðurlands var ákveðið, að Tilley
aðferðin hæfði best þjónustustarfsemi stofnunarinnar, en
vandi var að velja úr hinum mörgu afbrigðum.
í síðari hluta greinar minnar er gerð grein fyrir vali þeirr-
ar aðferðar, sem nú er notuð á Rannsóknarstofu Norður-
lands.
II. HLUTI.
MELTANLEIKAÁKVÖRÐUN í GLERVÖMB, IN VITRO
MELTIAÐFERÐIN, TEKIN í NOTKUN
Á RANNSÓKNARSTOFU NORÐURLANDS
A. Inngangur.
Hjá Rannsóknastofnun landbúnaðarins að Keldnaholti
hefur Tilley in vitro aðferðin, óbreytt að kalla, verið í
notkun síðan 1964 undir stjórn Gunnars Olafssonar11.
Með þessari aðferð er hægt að ákvarða meltanleika þurr-
efnis í 70—80 sýnum á viku. Þessi litlu afköst eru aðal-
ókostur Tilley aðferðarinnar og má rekja til þess, að nota
verður skilvindu til að skilja frá ómelta leif sýnisins, bæði
við lok 48 stunda gerjunartíma og eftir 48 stunda pepsí-
meltingu. Skilvindan hefur alltaf verið tímafrek, en er
reyndar það besta, sem völ er á í þessari aðferð, eins og síð-
ar greinir.
Vegna lítilla afkasta er Tilley aðferðin varla nothæf til að
vinna úr þeim fjölda þjónustusýna, sem R.N. fær til með-
ferðar. Þetta er aðalástæðan til þess, að aðferðin, sem Alex-
ander og McCowan fundu upp12 og Alexander hefur lýst
vandlega13, var tekin til athugunar og loks valin á R.N. í
sept. 1972.
14