Ársrit Ræktunarfélags Norðurlands - 01.01.1975, Blaðsíða 38
graslendinu (328 þús.), en í lyngmóunum (467 þús.) e£ mið-
að er við útreiknaðar tölur.
Heildarfjöldi smádýra í hverjum gróðurlendaflokki
ákvarðast aðallega af fjölda nálormanna, sem eru að meðal-
tali 6-falt fleiri en önnur smádýr samanlagt. Heildardýra-
fjöldi aðalgróðurflokkanna verður því næsta svipaður, eða
um 400 þús. dýr á ferm. (um 500 þús. miðað við útreiknað-
ar tölur), nema í mýrunum, þar sem hann er um helmingi
lægri. Sé nálormunum hins vegar sleppt verður heildardýra-
fjöldinn hins vegar mestur í túninu (122 þús.), en svipaður
(60—70 þús.) í hinum gróðurflokkunum, nema á berangr-
inum þar sem hann er langminnstur (um 14 þús.). Hinn
mikli fjöldi mordýra í einu túnsýninu (sbr. töflu 1) veldur
því að túnin hafa hæstu töluna, en ætla má að heildardýra-
fjöldinn að nálormum undanskildum sé annars mjög svip-
aður í flestum gróðurlendum.
SAMANBURÐUR Á SMÁDÝRALÍFI í MISMUNANDI DÝPTUM
Eins og oft hefur verið getið í þessum greinum, voru að jafn-
aði tekin 5—6 deilisýni í mismunandi dýptum á hverjum
athugunarstað. Liðdýrasýnin voru yfirleitt tekin í samfelldri
röð niður á 12,5—15 cm dýpi, en ormasýnin með ákveðnum
millibilum niður á 20—25 cm dýpi, en þykkt hvers deilisýnis
er 2,5 cm.
1 töflu 7 eru sýnd meðaltöl smádýrafjöldans í mismun-
andi dýptum jarðvegsins í þremur aðalgróðurlendunum,
þ. e. í túnum (I og II), mólendi (III, VI og VIII) og mýrum
(V, 70, 73, 74, 75 og 101), ásamt heildar- og meðaltölum.
Af töflunni sést greinilega, að smádýralífið er langmest
í efstu 2,5 cm jarðvegsins. Ef nálormar eru undanskildir er
þar að finna meira en helming allra þeirra dýra, sem eru í
jarðvegssniðinu. Nokkur mismunur er þó á gróðurlendum
hvað þetta snertir. Flest dýr að tiltölu eru í yfirborðslagi
mýranna, en fæst í túnum, m.ö.o. dýrin dreifa sér mest nið-
ur á við í túnum, en minnst í mýrum.
40