Ársrit Ræktunarfélags Norðurlands - 01.01.1975, Page 97

JÓNAS PÉTURSSON:
ERINDI, FLUTT í VALASKJÁLF
Á EGILSSTÖÐUM 17. JÚNÍ 1971
Góðir tilheyrendur.
17. júní er þjóðhátíðardagur. Þann dag, 1944 var lýðveldi
stofnað á íslandi. En 17. júní hafði lengi áður verið há-
tíðisdagur. Þennan dag fæddist Jón Sigurðsson, sem án
ágreinings hjá þessari annars deilugjörnu þjóð var frelsis-
hetja. Jón var borinn undir júnísól, þegar hana ber hæst
á himni, — e.t.v. var það engin tilviljun — en þá er fyllstur
fögnuður í sál íslendingsins og það er engin vantrú á guð-
dóminn að taka svo til orða: Vorsólin er guð vors lands.
Birtan og hlýjan hefir til þessa dags verið fullkomnun lífs-
gæða, — beint og í táknrænum skilningi. Það var, og er,
ennþá yndislegra að fagna fæðingu, lífi og starfi Jóns Sig-
urðssonar vegna árstíðarinnar og dagur lýðveldisins var val-
inn með öll þessi sannindi í baksýn.
Og nú brosir við okkur indælt vor. Kaldara þó síðustu
daga, — en vorið hefur víða breytt dapurleik í fögnuð, glætt
viljaþrek, aukið trú, — er framleiðsluþáttur, sem kemur
svo mörgum að liði og leikur á „tölvuna".
Þjóðin er að vaxa. En einhvern veginn beinist vöxturinn
um of á fót eða hönd, eyra eða nef, — blóðrásin virðist of
ör á einum stað, — of hæg á öðrum. — Nýlega heyrði ég at-
hyglisvert hugtak í fyrsta sinn: Hagkvœmni stærðarinnar.
Ekki er úr vegi að velta því ögn fyrir sér.
101