Ársrit Ræktunarfélags Norðurlands - 01.01.1987, Qupperneq 6

starfar við rannsóknarstörí, fiskeldisleiðbeiningar svo og ýmis
stjórnsýslustörf, t.d. hjá Framleiðsluráði og við kennslu á
bændaskólunum, hefur aðra menntun en kandídatsnám frá
Hvanneyri að baki. Þó eru mörg þessara starfa til orðin á
síðustu árum.
I lögum um deildina er annars vegar kveðið á um það
markmið að nemendur geti tekið að sér sérfræðistörf fyrir
íslenskan landbúnað en hins vegar segir í reglugerð að námið
skuli miðast við að nemendur öðlist fræðilega og verklega
þekkingu á sem flestum sviðum búskapar. Nú er mér ekki
fullljóst hvort hér er um andstæð markmið að ræða, en túlkun
skólayfirvalda hefur verið sú að miða námið við sem breiðasta
alhliða undirstöðu. Nokkurrar óánægju hefur gætt meðal
nemenda undanfarin ár með þetta fyrirkomulag og hefur
deildin sýnt viðleitni í þá átt að auka hlut valgreina. Nú
munu 74 einingar af 90 vera skyldunámsgreinar. Á það hefur
verið bent að smæð deildarinnar geri erfitt um vik varðandi
framboð á valgreinum og línuskiptingu. Ég hygg þó að
skortur á kennurum valdi ekki hvað síst hér um. Nú er varla
aðstöðuleysi til að dreifa þar sem að á síðustu árum hefur
bókasafnsaðstaða, efnafræðiaðstaða og aðstaða fyrir nem-
endur stórbatnað.
Sú spuning vaknar hvort ekki megi opna námið í báða enda
ef svo má að orði komast. Annars vegar að tengja námið
öðrum skólum. Það sýnist t.d. eðlilegt að álíta að greinar eins
og líffræði, matvælafræði, tölvufræði og hagfræði, sem allar
eru kenndar í Háskóla Islands, geti tengst náminu á Hvann-
eyri þannig að nemendur sæki jafnvel báða skólana. Þá er
ekki fráleitt að hugsa sér að uppeldis- og kennslufræði gæti
verið hluti af BS 90 námi í búvísindum með tilliti til þess hve
búnaðarskólarnir þurfa mikið á þessu fólki að halda. Loks má
benda á aukin tengsl við kaupfélagsstjóraskólann í Bifröst,
einkum með það í huga að nokkur hluti kandídata starfar við
landbúnaðarverslun hvers konar. Hins vegar má svo velta
fyrir sér hugmyndinni um skemmra nám en BS 90. Rökin að
baki þeirri hugmynd eru meðal annars þau að slíkt styrkti
deildina ef það yrði til þess að nemendum fjölgaði og hægt
8