Ársrit Ræktunarfélags Norðurlands - 01.01.1987, Page 47

FRAMTÍÐARSÝN
Eins og sjá má í töflu 4, hefur framboð lands til gróðursetn-
ingar aukist með hverju ári og alltaf bætast við fleiri áhuga-
samir bændur.
f september 1987 hafa verið lagðir fram 545 ha af girtu
landi og 1530 ha af ógirtu landi. Samtals er land til ráð-
störfunar í bændaskógrækt orðið um 2075 ha sem hefur verið
lagt fram af 93 bændum í 11 hreppum. Svo mikið land hefur
verið girt að hægt væri að gróðursetja í dag allar þær plöntur
sem áætlun Skógræktarfélags Eyfirðinga gerir ráð fyrir. Ef
gróðursettar eru 100.000 plöntur á ári og 3.000 plöntur fara í
hektara tæki það rúm 60 ár að fylla allt það land sem er falt.
ALYKTANIR
Ekki hefur verið veitt nægilegt fjármagn til að greiða plöntur
og fylgja eftir miklum áhuga eyfirskra bænda á bændaskóg-
rækt. Skógræktarfélag Eyfirðinga hefur því ekki verið gert
kleift að framleiða þann fjölda plantna sem áætlun um
bændaskógrækt í Eyjafirði gerir ráð fyrir. Þetta framtak
bænda og félagsins fær ekki verðskuldaða athygli fjárveit-
ingavaldsins.
SAMANDREGIÐ YFIRLIT
Þær breytingar og sá samdráttur sem hefur orðið í landbúnaði
á síðari árum, hefur leitt til þess að áhugi bænda á skógrækt
hefur aukist. Skógræktarfélag Eyfirðinga hefur lengi vantað
land til skógræktar og opnaðist þarna nýr möguleiki með
samstarfi við bændur. Félagið hefur staðið að undirbúningi
framkvæmda og gerði árið 1982 áætlun um bændaskóga í
Eyjafirði á árunum 1983-1992. Árið 1983 fóru framkvæmdir
hægt og sígandi af stað. Á árunum 1983-87 voru gróðursett
tæp 40% af því sem gert er ráð fyrir í áætluninni. Gróðursettur
hefur verið sá fjöldi plantna sem fjárveiting, veitt hverju sinni,
hefur greitt, að undanskildu fyrsta árinu, þegar Skógræktar-
4
49