Ársrit Ræktunarfélags Norðurlands - 01.01.1987, Side 51

takmarkað mjög allt hrútaval. Hér á starfssvæði stöðvarinnar
hefur nú á síðustu árum fengist leyfi til kaupa á hrútum úr
Norður-Þingeyjarsýslu austan Jökulsár og úr Vestur-Húna-
vatnssýslu vestan Miðfjarðargirðinga. Auk þessa hefur ein-
göngu fengist leyfi til kaupa á hrútum úr einstaka sveitum.
Þessar takmarkanir hafa þannig minnkað að mun möguleik-
ann á að velja allra bestu einstaklingana til notkunar og hafa
þannig dregið úr kynbótaárangrinum. Hrútakaup hafa því
orðið að fara fram að verulegu leyti í öðrum landshlutum og
má þar meðal annars nefna Strandasýslu, Snæfellsnes og
Austur-Skaftafellssýslu. Auk þess hafa verið veruleg hrúta-
skipti milli sæðingastöðvanna í flestum árum. Þá hafa sæð-
ingastöðvarnar nú í nokkur ár staðið sameiginlega að kaupum
á hrútum frá Fjárræktarbúinu á Hesti í Borgarfirði.
HÚSNÆÐI
Fyrstu tuttugu ár starfseminnar var aðalhús stöðvarinnar
bragginn góði á Rangárvöllum, en eins og hann var innrétt-
aður í upphafi var þar aðstaða fyrir 6 hrúta. Fljótlega var farið
að laga þá aðstöðu nokkuð jafnt og þétt og við gagngerar
breytingar, sem gerðar voru 1976 var aðstaða að mörgu leyti
orðin ágæt en nokkuð þröng. Þó var hægt að vera með allt að
16 hrúta. Þá var komið upp aðstöðu í öðrum bragga á Rang-
árvöllum til þess að hafa nýja hrúta í einangrun. Var það
húsnæði meðal annars notað þegar allar sæðingastöðvarnar
keyptu sameiginlega 15 lambhrúta í Þistilfirði haustið 1978
en þeir voru síðan hafðir í einangrun í eitt ár meðan þeir voru
í afkvæmarannsókn.
Þessar byggingar, sem starfsemin hafði verið í frá upphafi,
höfðu ekki stöðuleyfi og urðu að víkja fyrir skipulagi. Var því
á árinu 1985 tekið á leigu húsnæði á Möðruvöllum í Hörgár-
dal í svokölluðu Eggertsfjósi um 125 m2 að stærð. Var þar
innréttað fjárhús fyrir 25-30 hrúta svo og ágæt aðstaða til
sæðistöku og blöndunar á sæði. Miðað við svipaða starfsemi
ætti þessi aðstaða að vera nægjanleg næstu árin.
53