Ársrit Ræktunarfélags Norðurlands - 01.01.1987, Side 84

Norðurlandi í nóvember á vegum Tilraunastöðvarinnar á
Möðruvöllum og hélt þar erindi um niðurstöður nokkurra
tilrauna í grasrækt. Ég sótti einnig ráðstefnu Bí og RALA í
Reykjavík í febrúar.
Ársrit Ræktunarfélagsins er síðbúið en er nú rétt að koma
út. Á síðastliðnu ári kom út ein grein í kanadísku tímariti um
kalrannsóknir sem ég skrifaði ásamt tveimur öðrum mönnum.
Ég skrifaði svo grein á þessu ári í Frey ásamt Sigurgeiri
Ólafssyni um túnamítiiinn.
Önnur viðfangsefni.
Vörusala félagsins var með svipuðu sniði og áður. Þessum
þætti starfseminnar hefur verið lítið sinnt en reynt var að
útvega þær vörur sem bændur hafa óskað eftir.
Nokkrar lagfæringar voru gerðar á rannsóknastofunni í
vetur, einkum bætt aðstaða til fitumælinga á loðdýra- og
fiskafóðri með nýjum útblástursskápi.
Uttektinni á búskaparaðstöðu á Norðurlandi lauk með því
að niðurstöður voru kynntar á fundum á Norðurlandi síðla
vetrar og skýrsla gefin út sem fjölrit BRT. Þetta framtak
félagsins vakti talsverða athygli og er nú unnið að svipaðri
skýrslugerð annars staðar á landinu. Frumkvöðullinn að
þessu verki, Egill Bjarnason, á þakkir skildar fyrir framtakið
svo og aðrir sem lögðu hönd á, og þó einkum Jón Viðar
Jónmundsson sem lagði í þetta mikla og góða vinnu.
Ræktunarfélagið hefur sem kunnugt er blandast allmikið í
starfsemi Tilraunastöðvarinnar á Möðruvöllum. Ber félagið
nú fjárhagslega ábyrgð á búrekstrinum. Þá hefur félagið
keypt eitt íbúðarhús á Möðruvöllum og leigt það stöðinni. Á
þessu ári tók svo Ræktunarfélagið að sér að byggja og reka
sóttkvíabú fyrir loðdýr á Möðruvöllum. Fór félagið þess á leit
að tilraunastjórinn sæi um þessa framkvæmd svo sem fram
kemur í skýrslu hans.
Lokaorð.
Starfsemi Ræktunarfélagsins hefur breyst nokkuð á síðari ár-
um. Efnagreiningar eru nú stærri þáttur í starfseminni en
86