Árbók Landsbókasafns Íslands - Nýr flokkur - 01.01.1985, Blaðsíða 48
48
FINNBOGI GUÐMUNDSSON
„Fátæk giftust þau, Bjarni og Guðríður, en urðu þó á seinni árum
sinnar samveru rík af kviku og dauðu samt jarðagóssi. Hann var
erfiðismaður, drifinn og greindur í allri búsýslan, svo og vel hagur á
alla búsmíði og jafnvel meira, hirtinn og hreinlátur í meira lagi. A
vöxt var hann vel meðalmaður, dökkur á hárslit, ólesandi, en skrifaði
þó læsilega nafn sitt, þá með þurfti, undir ýmsa gjörninga, sem
honum til kom, því hann var á þeim tímum ásamt öðrum hreppstjóri
á Rangárvöllum. Og hvað hér er sagt um Bjarna, þá var kona hans,
Guðríður, honum samfara í sínu standi.
Að Víkingslæk fluttu þau sig frá Rauðnefsstöðum, hvar þau munu
búið hafa hér um 25 ár og deyðu þar bæði á áttunda tug síns aldurs.“
Þorsteinn telur upp jarðeignir þeirra og segir, hvað kom í lilut
hvers einstaks barns, nefnir síðan börnin öll, en rekur úr því ættir
þeirra Bjarna og Guðríðar langt aftur í aldir, áður en hann tekur að
gera nánari grein fyrir foreldrum sínum.
„Halldór Bjarnason er fæddur,“ segir Þorsteinn, „í þennan heim á
Rauðnefsstöðum á Rangárvöllum um síðsumarsleytið A° 1712 og
skírður af séra Gottskálki Þórðarsyni, er þá var þingaprestur á
Keldum. Hann ólst upp hjá sínum foreldrum, þar til hann hafði
numið sinn kristindóm, sem á þeim árum mun ei stórt annað verið
hafa en Litli katechismus Lutheri, áður okkar barnafræði. Hann var
svo til altaris tekinn af sama presti, sra Gottskálki, og þar eftir komu
þær svokölluðu Biskups spurningar, og meina ég hann lærði úr þeim
eitthvað af Stóra stílnum, jafnvel eftir það hann var til altaris tekinn.
Faðir lians mun hal'a flutt sig að Rauðnefsstöðum það sama vor,
sem Halldór fæddist um sumarið, því Bjarni faðir lians bjó þar 19 ár,
og nítján vetra fór Halldór þaðan með hönum að Víkingslæk. Þar var
hann hjá foreldrum sínum til þess hann giftist sinni konu, Valgerði
Þorsteinsdóttur, og hefur hann þá haft fjóra um tvítugt."
Þorsteinn víkur þessu næst að móður sinni og segir: „Um ætt
Valgerðar konu Halldórs er ég að öllu leyti ófróður. Þó ég þar um
nokkuð segi, þá er það á aungum grundvelli, utan ég veit einasta
hennar foreldra nöfn.“ Þau hétu Þorsteinn Valdason og Guðríður
Hafliðadóttir.
„Guðríður kona Þorsteins var ættuð,“ segir hann, „austan úr
Meðallandi. Hennar móðurnafn veit ég ei og ei heldur, hvers son
Hafliði faðir hennar var, ei neitt um hennar ætt meir utan hún var
náskyld Magnúsi Guðmundssyni, sem bjó í Staðarholti í Meðallandi,
föður sra Sæmundar Magnússonar, sem nú er prestur á Helgafelli.“