Árbók Landsbókasafns Íslands - Nýr flokkur - 01.01.1985, Blaðsíða 82
82
LANDSBÓKASAFNIÐ 1983
Nanna Ólafsdóttir bókavörður valdi efni og sá um sýninguna.
Landsbókasafn efndi um vorið til sýningar á handritum skrifarans
mikla Þorsteins fræðimanns Halldórssonar í Skarfanesi, en tilefnið
var, að frú Kristín Skúladóttir frá Keldum færði safninu að gjöf
biskupasagnahandrit Þorsteins, sem frá segir á öðrum stað í þessu
yfirliti, auk þess sem birt er í heftinu grein landsbókavarðar um
Þorstein Halldórsson.
Sjöfn Kristjánsdóttir bókavörður hafði aðalumsjón með sýning-
unni.
Landsbókasafn minntist um haustið með sýningu aldarafmælis
Páls Eggerts Ólasonar, sem raunar var 10. júní 1983. Þótt Páll væri
aldrei fastur starfsmaður safnsins, vann hann stórvirki í þágu þess,
svo sem með samningu Skrárinnar um handritasöfn Landsbókasafns-
ins, 1.—3. bindis og 1. aukabindis. Sýnd voru verk Páls, útgáfur,
þýðingar og ýmislegt, sem um hann var ritað. Guðrún dóttir Páls gaf
Landsbókasafni Islands í tilefni sýningarinnar eiginhandarrit
doktorsritgerðar hans um Jón Arason, eins og áður hefur verið getið.
Ólafur Pálmason deildarstjóri annaðist uppsetningu sýningarinnar
í samvinnu við starfslið handritadeildar.
Á jólaföstu var efnt til sýningar á hluta bókagjafar þeirrar hinnar
miklu, er Landsbókasafni íslands barst um haustið frá Landsbóka-
safninu í Nuuk á Grænlandi, en frá gjöfinni segir fyrr í þessu yfirliti.
Ólafur Hjartar deildarstjóri sá um uppsetningu sýningarinnar og
naut við það að nokkru aðstoðar frú Benedicte Þorsteinsson, græn-
lenzkrar konu, sem hér hefur verið búsett um árabil.
Landsbókasafn átti nokkra aðild að sýningu, sem efnt var til í apríl
í Norræna húsinu í samvinnu við Háskólabókasafnið í Ósló og Den
illegale presses forening. Annemarie Lorentzen ambassador Norð-
manna átti frumkvæði að sýningunni, en efni hennar voru rit þau, er
gefin voru út í Noregi á stríðsárunum þrátt fyrir bann þýzku
herstjórnarinnar.
Erling Gronland, fyrrum forstöðumaður þjóðdeildar Háskólabóka-
safnsins í Ósló, en síðar starfsmaður við Norsk Krigstrykksamling,
hafði aðalumsjón með uppsetningu sýningarinnar. Kom hann gagn-
gert til íslands í því skyni og naut þá m. a. aðstoðar Ólafs
Pálmasonar deildarstjóra í Landsbókasafni.