Frjáls verslun - 01.12.1989, Blaðsíða 15
anum og voru þeir sem mátu að dugn-
aður, vilji og kunnátta þessara frænda
myndi nægja til að fleyta þeim áfram.
HAGNAÐUR ALLAN TÍMANN
Skipinu var breytt í frystitogara hjá
Slippstöðinni á Akureyri. Hann fékk
nafnið Akureyrin og hélt til veiða í
byrjun desember 1983, eftir kostnað-
arsamar breytingar og viðgerðir.
Hann var sá þriðji í röð íslenskra
frystitogara. Þorsteinn Vilhelmsson
stóð í brúnni og bróðir hans Kristján
var yfirvélstjóri. Þorsteinn Már tók
að sér reksturinn í landi, sem hann
hefur stýrt æ síðan.
í upphafi var reksturinn erfiður á
meðan menn voru að komast upp á
lagið með ný vinnubrögð, þjálfa
mannskapinn og kynnast skipinu. En
fljótlega fór útgerðin að ganga greið-
lega fyrir sig. Samherji hf. náði hagn-
aði þegar á fyrsta rekstrarári, 1984,
og hefur búið við hagnaðarrekstur
síðan.
Þeir frændur eru stórhuga og fóru
fljótlega að huga að frekari umsvifum
þegar ljóst varð að rekstur Akureyr-
arinnar var farinn að ganga í samræmi
við björtustu vonir.
Um mitt ár 1985 keyptu þeir tæpan
helming Hvaleyrar hf. í Hafnarfirði,
sem er hin gamla Bæjarútgerð Hafn-
arfjarðar. Fyrirtækið stundar alhliða
fiskvinnslu og útgerð togarans Víðis.
Móteigendur Samherja hf. eru að-
standendur Hagvirkis og fram-
kvæmdastjóri Hvaleyrar hf. Rekstur
fyrirtækisins hefur verið þungur, en
hluthafamir hafa nýlega lagt fram við-
bótarhlutafé sem þeir vona að nægi til
að koma fyrirtækinu á skrið.
í árslok 1985 lagði Samherji hf. út í
frekari ljárfestingu. Þá var togskipið
Helgi S. keyptur frá Keflavík og skipt
á honum og togaranum Maí sem
Hvaleyri hf. átti. Ráðist var í miklar
endurbætur og Maí var breytt í full-
komið frystiskip. Breytingamar voru
framkvæmdar í Noregi og tóku það
langan tíma að skipið fór ekki á veiðar
fyrr en í byrjun árs 1987. Kostnaður-
inn við þessar framkvæmdir nam á
þriðja hundrað milljónum króna á nú-
virði.
TILLIÐS VIÐ ATVINNUMÁLANEFND
í ársbyrjun 1986 höfðu menn
áhyggjur af atvinnuástandinu á Akur-
eyri, en ekki var búið að ráðstafa einu
af raðsmíðaskipum Slippstöðvarinnar
þótt ýmissa leiða hafi verið leitað.
Niðurstaðan varð sú að fyrir forgöngu
Þorsteinn Vilhelmsson 37 ára skip-
stjóri á Akureyrinni.
Þorsteinn Már Baldvinsson, 37 ára
framkvæmdastjóri Samherja hf.
Kristján Vilhelmsson, 35 ára vél-
fræðingur, sér um viðhald og af-
greiðslu skipanna.
15