Frjáls verslun - 01.12.1989, Blaðsíða 31

Feðgarnir Birkir og Ómar reka fyrirtækið saman. Birkir sér um stærri viðskipti eins og kaup og sölu flugvéla og
fjárfestingar en Ómar hefur með að gera flugvélavarahlutaviðskiptin.
bakaleiðinni til Luxemburgar. Þá
sinni ég viðskiptum mínum á íslandi
og hitti vini og vandamenn. Vegna
starfa minna þurfum við í raun að hafa
heimili á þremur stöðum, í Arizona, á
íslandi og í Luxemburg, en 65%-70%
af öllum flugvélaviðskiptum í heimin-
um fara fram í Bandaríkjunum.
Ég á viðskipti og ágætt samstarf
við Flugleiðir og fleiri aðila á íslandi.
Við eigum einnig viðskipti við Cargo-
lux og flest öll flugfélög í Evrópu og
utan hennar. Flugvélamarkaðurinn er
alþjóðlegur, þetta eru alþjóðleg við-
skipti þar sem menn leita tilboða og
kaima þar sem best býðst.“
Eg spyr Birki um það að hvaða leyti
sé betra að reka viðskipti í Luxem-
burg en á íslandi.
„Einn ókosturinn við íslensk
stjórnvöld er sá að þau hafa afskipti
allt of langt niður í þjóðfélagið og
bankakerfið. í Luxemburg setja þau
skýrar reglur, en láta menn svo í friði.
Ramminn er skýr og viðurlög við
brotum eru mjög ströng. Krafa er
gerð um viðunandi eiginfjárstöðu
fyrirtækja og lágmarkskröfur eru
mismunandi eftir eðli atvinnurekstr-
ar. Þannig þarf mikið hlutafjárframlag
til að stofnsetja flugfélag, annars fá
menn ekki rekstrarleyfi. Með raun-
hæfum kröfum að þessu leyti er kom-
ið í veg fyrir að menn ani út í vitleysu,
en að uppfylltum kröfum fá þeir tilskil-
in leyfi.
Stöðugleikinn er einn helsti kostur-
inn við efnahagsumhverfið hér.
Stjómir koma og fara, en það verða
aldrei kollsteypur eins og á Islandi. I
viðskiptum sækjast menn eftir stöð-
ugleika og föstum leikreglum sem
hægt er að laga sig að. Eilífar breyt-
ingar eru erfiðar fyrir viðskipti. Á ís-
landi veist þú ekki hvað dagurinn ber í
skauti sér þegar þú vaknar á morgn-
ana; nýir skattar, nýjar álögur eða
áður óþekktar leikreglur í viðskipt-
um. Það er hættulegt hve íslensk
stjómvöld breyta hratt um stefnu.
Menn vilja eiga viðskipti þar sem þeir
telja sig geta treyst á stöðugleikann
því það verður að vera unnt að gera
áætlanir sem fótunum er ekki kippt
undan fyrirvaralaust.
íslensk stjórnvöld verða að gera
sér þetta ljóst, ef þau á annað borð
hafa áhuga á að laða til sín erlent fjár-
magn til atvinnurekstrar og viðskipta.
Á íslandi vantar líka meiri hvatn-
ILuxemburgarar hafa verið klókir í atvinnuuppbyggingu
landsins. Þeir hafa opnað fyrir útlendingum, sem hafa komið
inn með nýjar atvinnugreinar og fest þær í sessi. En á réttum
tíma hafa heimamenn svo komið inn í rekstur þeirra.
31