Frjáls verslun - 01.12.1989, Qupperneq 71
verði um að ræða samdrátt í vátrygginga-
starfsemi hliðstæðan þeim samdrætti sem
hefur orðið á mörgum öðrum sviðum.
Astæða þess er sú að einmitt þegar harðn-
ar á dalnum og aðhalds og aðgæslu er þörf,
bæði hjá einstaklingum og fyrirtækjum, er
nauðsynlegt að hugsa fyrir hinu óvænta og
verjast áföllum. Við leggjum mikla áherslu
á ráðgjöf og náið samstarf við viðskiptavini
okkar og verðum varir við að áðumefnd
sjónarmið em mjög ríkjandi enda hlýtur
það að teljast eðlilegt þar sem möguleikar
einstaklinga og atvinnurekstrar til að taka
á sig óvænt áföll em minni einmitt þegar
herðir að. Aukin þjónusta og áhersla á að
uppfylla þessar þarfir viðskiptavinanna tel
ég að leiði til þess að ekki verði um að
ræða samdrátt í starfsemi VÍS.“
Axel segist ekki koma auga á nein
merki uppsveiflu í atvinnulífinu á næsta
ári, „og það er áleitin spurning hvort við
eigum að búast við því að hér verði ein-
hverjar þær breytingar sem leiði til mikill-
ar uppsveiflu er almennt bæti hag og
rekstrarumhverfi atvinnulífsins á skömm-
um tíma. Mikið af þeim breytingum, sem
átt hafa sér stað í atvinnulífinu að undan-
fömu, tel ég vera viðvarandi breytingar og
að ekki séu öll kurl komin til grafar hvað
varðar þessa þróun.
Að sjálfsögðu getur ýmislegt komið til
sem yrði þess valdandi að fjörkippur komi í
atvinnulífið. Uppsveifla í fiskveiðum og
-vinnslu og hagstæð verðlagsþróun á er-
lendum mörkuðum mundi að sjálfsögðu
hafa mestu áhrifin en aðrir þættir gætu
einnig komið til, svo sem nýjar og miklar
ijárfestingar í atvinnulífinu og er þá líkleg-
ast að það yrði á sviði orkuvinnslu og orku-
freks iðnaðar. Eg tel að við eigum ekki að
búast við neinum kraftaverkum í þessum
málum heldur reikna með hægfara og já-
kvæðri uppbyggingu eftir að botninum í
núverandi samdráttarskeiði er náð. Það er
stórt atriði í þessu máli að hér skapist þau
skilyrði að almenningur, sparifjáreigendur
og atvinnurekendur almennt, öðlist trú á
atvinnulífinu og möguleikum þess að halda
hér uppi arðbærum atvinnurekstri til
frambúðar. Þetta er nauðsynleg forsenda
þess að atvinnuvegimir fái til sín fjármagn
til að takast á við nauðsynlega uppbygg-
ingu og aðgerðir til hagræðingar og ffarn-
leiðsluaukningar. Raunaukning framleiðsl-
unnar þarf að eiga sér stað til að tryggja
áframhaldandi aukna hagsæld fyrir okkur
sem hér búum. Á meðan þessi skilyrði eru
ekki enn fyrir hendi er nauðsynlegt að
aðlaga sig ríkjandi aðstæðum, viðurkenna
þá staðreynd að við eyðum enn um efni
fram og að tímabundin frekari rýmun á
ráðstöfunartekjum kann að vera óumflýj-
anleg.“
ByRJIÐ
ARIÐ
með betri innkaupum
Með því að hugsa stórt og gera hagkvæm innkaup má spara
ótrúlega mikið. Um þessi áramót og í upphafi bókhaldsárs
geta þeir sem eru stórtækir hagnast vel og sparað mörg spor
með því að gera magninnkaup á sérstökum tilboðsmarkaði
Pennans í Hallarmúla 2.
Með beinum innflutningi og hagstæðum innkaupum getur
Penninn boðið ýmsar vörur á lægra verði. Þar að auki verður
Penninn nú með sérstakt janúartilboð sem miðast við magn-
innkaup. Hagræðingin fyrir þá sem notfæra sér þetta tilboð
felst ekki eingöngu í lægra verði heldur líka í færri sendi-
ferðum. Auk þess eru hlutirnir við hendina þegar á þarf að
halda.
71