Frjáls verslun - 01.09.1996, Blaðsíða 41

400 MANNS EIGA HLUTI
Talið er að nærri 400 manns eigi hluti í hestum í gegnum sameignarfélög. Félög
hafa verið stofnuð utan um nokkra þekkta graðfola á undanförnum árum.
eru ekki trygging fyrir aðgangi að
Orra. Eru hryssurnar sérstaklega
valdar með tilliti til kynbóta. Þannig
sóttu eigendur 40 hryssa um afnot af
hlut í Orra í vor en aðeins 10 fengu.
Sigurður dvelur við þá hugmynd að
leyfa markaðsöflunum alfarið að ráða
hvað greitt sé í folatoll.
„Það væri kannski réttara að reka
þessi félög sem hlutafélög og láta arð-
semissjónarmiðið eitt ráða ferðinni.
Þá yrði einfaldlega auglýst eftir til-
boðum í hlutina 10 og þeim hæstu
tekið. Þá færum við að sjá 200-250
þúsund í folatolla og yfir 2 milljónir á
ári í stað 600 þúsunda."
Sigurður tekur fram að í núverandi
fyrirkomulagi felist ákveðin fyrir-
hyggja. Hún sé mjög skiljanleg út frá
ræktunarsjónarmiði en kannski ekki
hægt að standa á henni til lengdar.
Þessi mál væru sífellt til umræðu.
„Núverandi fyrirkomulag kemur
hestinum til góða þar sem hann fær
undir sig góðar hryssur og hækkar á
arfgengislista eða í Blup-einkunn.
Annars fengi hann kannski bara undir
sig misgóðar hryssur í eigu forrríkra
hestaeigenda."
EN ERU HLUTIR í 0RRA FALIR?
„Það væri óðs manns æði að selja
hlut í Orra á nefndu verði eða á 500
þúsund. Eigandinn getur verið að
selja folald á sama verði ár eftir ár.
Hluturinn er ævilöng eign og ég efast
ekki um að hluthafarnir hafi nú þegar
fengið sína peninga margfalt til baka,“
segir Sigurður.
HAGKVÆMT F0RM
Viðmælendur Frjálsrar verslunar
eru sammála um að þetta nýja eignar-
og rekstrarform á góðum hestum sé
mjög hagkvæmt. Það sé mun léttara
fyrir einstaka aðila að eignast hlut í
góðum hesti á þennan hátt. Áhættan
dreifist og trygging fæst fyrir notkun.
Þá séu menn mun betur í stakk búnir
að taka erlendri samkeppni. Milljóna-
mæringar geti komið hingað og valið
hesta eins og sælgæti í hillu meðan
hérlendir áhuga-
menn horfi bara á.
Hérlendir einstakl-
ingar eigi ekkert í
þá samkeppni
nema með stofnun
félaga eins og
þeirra sem hér er
getið.
feigurfráFlugumýri
ásamt afltvæmum.
41