Frjáls verslun - 01.11.1997, Blaðsíða 28

MENN ÁRSINS
Jón Ásgeir Jóhannesson, ásamt eiginkonu sinni, Lindu
Margréti Stefánsdóttur ljósmóður, og börnum þeirra
tveimur. Þau heita Asa Karen og Anton Felix. Það þriðja
var á leiðinni þegar myndin var tekin en meðan á vinnslu
greinarinnar stóð íjölgaði um einn í ijölskyldunni þegar
sonur fæddist þann 11. desember.
ef þeir sáu eitthvað gott. Það var greinilega ákvörðun sem borg-
aði sig.“
GAUMUR í HÓTEL- OG VEITINGAREKSTRI
Bónusfeðgar eru þátttakendur í veitingarekstri en þeir eiga
þriðjungshlut í Hard Rock Café og Grillhúsinu sem Helga Bjarna-
dóttir og Kristbjörg Kristinsdóttir annast rekstur á. Jón Asgeir og
Jóhannes eru sammála um að sú tilraun gangi vel og lofi góðu.
„Það er allt í lagi að taka þátt í öðrum atvinnurekstri en versl-
un með fólki sem kann til verka. Það er nauðsynlegt að vera ekki
með öll eggin í sömu körfunni. Við höfum hinsvegar engan
áhuga á að verða að einhverju Sambandi. Bónus er barnið okkar
og það er okkar aðalstarf að gæta þess.“
Þá gerðist Gaumur hf. aðili að endurreisn Hótel Oðinsvéa sem
nýlega var lýst gjaldþrota. Það var Bjarni Árnason, oft kenndur
við Brauðbæ, sem stóð fyrir þeim rekstri en Þóra, dóttir hans,
verður hótelstjóri nýs hótels. Jóhannes og Bjarni hafa þekkst í um
40 ár og mikill vinskapur er milli ijölskyldnanna.
Að sögn þeirra feðga er stjórnun fyrirtækisins einföld. Jón As-
geir stjórnar öllum daglegum rekstri, sér um samninga við birg-
ja og er þannig framkvæmdastjóri yfir öllu veldinu með bæki-
stöðvar í Skútuvogi meðan Jóhannes er á meira ferðinni milli
staða og samanlagt fylgjast þeir feðgar mjög grannt með öllurn
rekstri.
„Við höfum komið okkur upp kraftmiklum millistjórnendum
og þeim treystum við. A skrifstofunni erum við með einvalalið
sem hefur sýnt okkur mikla hollustu. Við vitum að þar eru verk-
in í góðum höndum. I verslununum er her vinnuglaðra starfs-
manna sem kunna að láta hendur standa fram úr ermum. Mörg-
um finnst erfitt að sleppa tökum á stjórnartaumunum en með
þennan mannskap þuríúm við ekki að vera að stressa okkur og
getum alveg brugðið okkur frá í nokkra daga ef með þarf.
En okkur kemur vel saman og það eru engin átök um stjórn-
ina. Þetta er svona okkar útgáfa af lýðræði."
VINNAN, SUNDIÐ 0G TÆKJASALURINN
Bónus er á margan hátt dæmigert fjölskyldufyrirtæki þrátt
fyrir stærðina. Auk feðganna vinna við það Ása, kona Jóhannesar,
og dóttir þeirra, Kristín. Hún er búsett í Danmörku og vinnur að
ýmsum sérverkefnum fyrir Bónus þar og á meginlandinu, ásamt
manni sínum.
Þeir feðgar hafa áður lýst vinnudegi frá sex á morgnana til
miðnættis fyrstu árin og viðurkenna að enn sé oft langur vinnu-
dagur, enda sé það eðlilegt þegar vinnan og áhugamálið séu eitt
og hið sama.
Þeir segjast þó slaka á og halda sér í formi utan vinnunnar. Jón
Ásgeir fer í World Class á morgnana og tekur stundum vel á. Jó-
hannes segist oft byrja daginn með því að fara í Sundlaug Seltjarn-
arness og synda svolítið. Hann segir reyndar að það sé dagamun-
ur á því hvort synt sé rösklega eða lífsgátan leyst í heita pottinum.
Sumarbústaður við Meðalfellsvatn er afdrep fjölskyldunnar þegar
hvíldar er þörf.
„Fyrst og fremst hefur þetta verið óskaplega skemmtileg bar-
átta og sá, sem vinnur fyrir sjálfan sig og gengur vel, er ekkert að
horfa á klukkuna. Við höfum aldrei haft peningaáhyggjur allan
þennan tíma, sem betur fer.“ SU
EKKI LESA ÞENNAN TEXTA!
Exton hljóð ehf. sem stofnað var fyrir ári síðan, leigir út stór og smá hljóðkerfi fyrir uppákomur af öllu tagi, svo sem ræður,
ráðstefnur, böll og allt upp í stórtónleika í Laugardalshöll, allt eftir óskum viðskiptavina okkar. Fyrirtækið byggir á áratuga reynslu
starfsmanna í hljóðbransanum. Okkar mestu afrek hingað til hafa meðal annars verið samvinna okkar við David Bowie, Sting,
Benny Hinn Heimskórinn og marga fleiri. Einnig seljum við hljóðkerfi og nýtum
okkar reynslu til að leiðbeina viðskiptavinum okkar um bestu kaupin.
Exton er í raun móðurfyrirtæki hljóðsins og er um þessar mundir að fagna fimm
ára afmæli sínu. Við sérhæfum okkur í leigu og sölu á öllum búnaði tengdum
Ijósum og sviðum, hvort sem það er fyrir kvikmyndir, óperur, leikhús eða
brúðkaupsveislur. Þegar þessi tvö fyrirtæki leggjast á eitt verður ekkert verkefni
okkur ofviða.
CtD
L J Ó S & HLJÓÐ
Skipholti 11-13 (Brautarholts megin)
Ljós sími 551-2555 / Hljóð sími 552-8083
28