Morgunblaðið - 11.01.2001, Qupperneq 31

ERLENT
MORGUNBLAÐIÐ FIMMTUDAGUR 11. JANÚAR 2001 31
Verð 3.490 þ.
Nýskr. 5. 1999, 2500cc vél, 4 dyra,
sjálfskiptur, svartur, ekinn 35 þ.,
Steptronic, viðarinnrétting,
aðgerðastýri, leður, álfelgur
o.m.fl.
BMW 323i
Grjóthálsi 1
Sími 575 1230/00
b
b
íla
a
lan
n
d
notaðir bílar
bilaland.is
B&L
ÚTSALAN
HEFST Í DAG KL. 10.00
ÚTSALAN
HEFST Í DAG
Kringlunni
s. 533 1740
NÝTT
KORTATÍMABIL
OPIÐ TIL KL. 21.00
Í KRINGLUNNI
ALLA FIMMTUDAGA
NÝTT
KORTATÍMABIL
OPIÐ TIL KL. 21.00
FIMMTUDAGA
KRINGLUNNI s. 533 1730
EFTIR að Francois Mitterrand, fyrr-
verandi Frakklandsforseti, lést fyrir
fimm árum virðist gæfan hafa snúið
bakinu við syni hans, Jean-Chri-
stophe, sem hefur verið
hnepptur í gæsluvarðhald
vegna rannsóknar á ólög-
legri vopnasölu til Angóla.
Talið er að hann hafi þegið
mútur frá þekktum vopna-
sala, og hefur málið vakið
mikla hneykslan í Frakk-
landi, jafnvel þó Frakkar
séu ýmsu vanir hvað varð-
ar spillingarmál.
Jean-Christophe Mitt-
errand er 54 ára gamall, en
hermt er að hann hafi vald-
ið föður sínum forsetanum ítrekuðum
vonbrigðum. Hann hóf starfsferil sinn
sem sjálfboðakennari í eyðimörkum
Alsír, en gekk síðan til liðs við AFP-
fréttastofuna og starfaði sem frétta-
ritari í afskekktum svæðum Afríku, á
borð við Nouakchott í Máretaníu og
Lomé í Togo.
Þegar Mitterrand eldri varð forseti
Frakklands árið 1981 vænkaðist hag-
ur Jean-Christophes. Hann fékk fjót-
lega starf sem ráðgjafi í Afríkumálum
á forsetaskrifstofunni og tók við
stjórn Afríkudeildarinnar árið 1986.
Hann talaði stöðugt um föður sinn og
hlaut af þeim sökum viðurnefnið
„papa m’a dit“ eða „pabbi sagði mér“,
og athygli vakti að hann virtist ekki
gera greinarmun á persónulegum og
formlegum tengslum. Árið 1985 tók
forsetasonurinn til dæmis sæti í
stjórn námufyrirtækis í Gabon í boði
forseta landsins, Omar Bongo, og
fleiri afskipti hans af viðskiptum urðu
til þess að vinir Mitterrands
eldri vöruðu hann við því að
sonurinn gæti kallað yfir hann
hneykslismál.
Sparkað eftir fráfall
forsetans
Jean-Christophe lét jafn-
framt til sín taka í næturlífinu
og gat sér orð sem óforbetr-
anlegur kvennabósi.
Þrátt fyrir að hann hefði
jafnan einhverjar viðskipta-
hugmyndir á prjónunum segja
félagar hans að hann hafi alltaf verið
blankur. Árið 1992 sagði hann upp
starfi sínu á forsetaskrifstofunni og
tók við ráðgjafastarfi hjá hinu gríð-
arstóra vatnsfyrirtæki Compagnie
Generale des Eaux. Þegar faðir hans
lést þremur árum síðar var honum
hins vegar sparkað, og hefur síðan
aflað sér tekna sem „óháður ráðgjafi“.
Lögfræðingar Jean-Christophes
halda því nú fram að 165 milljóna
króna greiðsla frá vopnasalanum
Pierre Falcone inn á bankareikning
hans í Sviss hafi verið þóknun fyrir
ráðgjöf vegna olíusamnings. Sak-
sóknarar telja hins vegar að Falcone
hafi greitt Jean-Christophe féð í mút-
ur fyrir að fá aðgang að tengslaneti
hans í Afríkulöndum í því skyni að
auðvelda vopnasölu þangað.
Jean-Christophe Mitterrand
Pabbadrengur í vafa-
sömum viðskiptum
Jean-
Christophe
Mitterrand
The Daily Telegraph.
AÐ minnsta kosti einn langflugsfar-
þegi deyr í mánuði hverjum í Bret-
landi af völdum blóðtappa, nokkrum
mínútum eftir lendingu á Heathrow-
flugvelli við London. Kom þetta í ljós
í rannsókn á svonefndri „farþega-
segamyndun“.
Læknar telja að þessi tala sé ein-
ungis toppurinn á ísjakanum. Á und-
anförnum þrem árum hefur slysa- og
neyðardeildin, sem er næst flugvell-
inum, tekið á móti 30 flugfarþegum
sem hafa látist af völdum djúpæða-
segamyndunar, eða blóðtappa, en
talið er að sá kvilli tengist þröngum
sætum í flugvélum. Blóðtappar, sem
myndast í útlimum, geta verið ban-
vænir berist þeir í hjarta eða lungu.
Breska flugfélagið British Air-
ways greindi frá því í vikunni að það
muni framvegis afhenda farþegum
bækling þar sem varað er við hætt-
unni á blóðtappamyndun. Sagði
fulltrúi félagsins að farþegum væri
bent á að sitji maður hreyfingarlaus
lengi geti það hægt á blóðrás sem
auki hættuna á veikindum á borð við
blóðtappa.
Mikil umræða skapaðist um hætt-
una á myndun blóðtappa í langflugi,
sem hefur verið kölluð „almenns far-
rýmis heilkenni“, í kjölfar þess að 28
ára bresk kona hné niður og lést
skömmu eftir að hún kom úr 20
klukkustunda flugi í október sl. Í síð-
ustu viku lést 42 ára bresk kona af
völdum blóðstíflu í lungum eftir níu
klukkustunda flug frá San Francisco.
Hún hafði setið á viðskiptafarrými.
Í mánuði hverjum kemur um ein
milljón farþega til Heathrow úr lang-
flugi.
Niðurstöður breskrar rannsóknar
Langflug kostar ár-
lega 2.000 mannslíf
London. Reuters, The Daily Telegraph.