Morgunblaðið - 11.01.2001, Qupperneq 60

FRÉTTIR
60 FIMMTUDAGUR 11. JANÚAR 2001 MORGUNBLAÐIÐ
MORGUNBLAÐINU hefur borist
eftirfarandi frá Ingólfi Sverrissyni,
deildarstjóra hjá Samtökum iðnað-
arins:
„Vegna fullyrðinga talsmanns
Pasaia Shipyard á Spáni á opinber-
um vettvangi um að Samtök iðn-
aðarins séu ekki sjálfum sér sam-
kvæm í afstöðu til útboðs vegna
varðskipanna Ægis og Týs, svo og
vegna staðhæfinga um að íslenskur
og spánskur skipaiðnaður sitji við
sama borð í samkeppnisstöðu er
ástæða til að taka fram eftirfarandi:
Allt frá árinu 1987 hafa verið í
gildi reglur (6. og 7. tilskipunin) inn-
an ESB um leyfilegar niður-
greiðslur til skipasmíða og meiri-
háttar viðgerðarverkefna. Núver-
andi reglur voru staðfestar árið
1998 (nr. 1540/98) og leyfa styrki að-
ildarlanda á EES-svæðinu til skipa-
iðnaðar viðkomandi landa allt að 9%
af smíðaverði. Það er síðan á valdi
stjórnvalda viðkomandi ríkis að ák-
veða hvort heimildin er nýtt eða
ekki. Íslensk stjórnvöld gera það
ekki og styrkja íslenskan skipaiðnað
ekki neitt. Aftur á móti gera
spænsk stjórnvöld það í samræmi
við ofangreindar reglur auk þess
sem þau hafa nýtt sér aðra mögu-
leika sem þær leyfa einstökum ríkj-
um. Þar má nefna styrki til end-
urskipulagningar, fjárfestingar- og
þróunar, styrki til landshluta og
rannsóknastyrki ásamt styrkjum til
aðgerða í umhverfismálum.
Af þessu má ljóst vera að um
verulega mismunun er að ræða í
samkeppnisstöðu íslensks skipaiðn-
aðar gagnvart þeim spænska og
fleiri landa innan EES.
Það takmark ESB að jafna sam-
keppnisstöðuna að þessu leyti hefur
því miður ekki tekist ennþá og mis-
munun því staðfest í raun. Þegar
því takmarki hefur verið náð má
e.t.v. segja að um jafnstöðu verði að
ræða. Fram að þeim tíma eru full-
yrðingar um tvískinnung í afstöðu
Samtaka iðnaðarins í máli, eins og
því sem hér er til umræðu, rangar
og staðhæfingar um jafna stöðu
spánskra og íslenskra skipasmíða-
stöðva hrein og klár ósannindi.“
Staðan ekki jöfn á
Spáni og Íslandi
Samtök iðnaðarins um stöðu
skipasmíðaiðnaðarins
STARFSMENN skíðasvæða höfuð-
borgarsvæðisins hafa verið á nám-
skeiði í Bláfjöllum og í Skálafelli.
Fyrri daginn fengu starfsmenn æf-
ingu í skyndihjálp með aðstæður á
skíðasvæðum í huga, en seinni dag-
inn var farið yfir öryggismál skíða-
svæða auk þess sem boðið var upp
á þjónustunámskeið frá IMG-
stjórnendaþjálfun sem sniðið var
sérstaklega að þjónustu á skíða-
svæðunum. Áætlað er að starfs-
mannanámskeið sem þetta verði
framvegis haldið í upphafi hvers
starfsárs og er það í samræmi við
þau markmið um bætt öryggi og
þjónustu á skíðasvæðunum sem
sett voru fram í nýlegri stefnumót-
unarskýrslu Bláfjallanefndar, segir
í fréttatilkynningu.
Starfsfólk skíðasvæða höfuðborgarsvæðisins sem sótti námskeiðið.
Starfsfólk skíðasvæða
á þjónustu- og
öryggisnámskeiði
Samskip tóku við rekstri Herjólfs
um áramótin. Fyrirtækið átti lægsta
tilboð í rekstur skipsins þegar
Vegagerðin bauð út reksturinn til
þriggja ára um mitt síðasta ár. Ný-
lega var gengið frá samningum við
Samskip um reksturinn, en allmikl-
ar deilur urðu í fjölmiðlum vegna
málsins. Pálmar Óli Magnússon,
framkvæmdastjóri hjá Samskipum,
segir að engar breytingar verði á
þjónustustigi útgerðarinnar og
ferðaáætlun og fjöldi ferða verði
eins og áður, auk þess sem verið sé
að skoða ýmsar hugmyndir í rekstr-
inum. Til greina komi að bjóða upp
á sérferðir fyrir hópa, t.d. skemmti-
ferðir með starfsmenn fyrirtækja,
en þessi mál séu öll í skoðun. Pálm-
ar segir að Samskipsmenn hafi full-
an hug á að ná góðu samstarfi við
ferðaþjónustuna í Vestmannaeyjum
enda telji þeir að betur megi nýta
skipið í þágu hennar og fá þannig
fleiri ferðamenn til þess að leggja
leið sína til Eyja.
Pálmar segir að útlitsbreytingar
hafi verið óverulegar á Herjólfi og
að sjálfsögðu muni nafnið halda sér.
Herjólfur verður rekinn undir
merkjum Landflutninga-Samskipa,
það er eðlilegt enda er Herjólfur
þjóðvegurinn milli lands og Eyja.
Pálmar segir að þessi rekstur legg-
ist afar vel í þá Landflutninga- og
Samskipsmenn. „Verkefnið er
skemmtilegt og þeir telja sig
heppna að flestir starfsmenn Herj-
ólfs hf. halda áfram að vinna fyrir
okkur,“ segir Pálmar. „Það er mikill
fengur í þessu reynda fólki og við
bjóðum það velkomið í hópinn.“
Morgunblaðið/Sigurgeir Jónasson
Hlökkum til að reka Herjólf
Vestmannaeyjum. Morgunblaðið.
KÓPAVOGSDEILD Rauða
kross Íslands gengst fyrir
tveimur námskeiðum í skyndi-
hjálp fyrir almenning í janúar
og febrúar. Hefst fyrra nám-
skeiðið 22. janúar og hið síðara
19. febrúar.
Hvort námskeið er 16
kennslustundir og er kennt á
tveimur vikum. Á námskeiðun-
um eru kennd fyrstu viðbrögð
við áföllum og slysum, s.s.
blástursaðferð og hjartahnoð,
meðferð brunasára, breinbrota
og blæðandi sára. Námskeiðin
fást metin til eininga við flesta
framhaldsskóla.
Einnig verður í febrúar hald-
ið námskeið í sálrænni skyndi-
hjálp. Það námskeið er 8
kennslustundir og fer kennslan
fram á tveimur kvöldum, 5. og
8. febrúar.
Öll námskeiðin eru haldin í
Snælandsskóla.
Í vor og sumar eru ráðgerð
ýmis fleiri námskeið, m.a. barn-
fóstrunámskeið, en þau hafa
verið vinsæl og vel sótt undan-
farin ár.
Námskeið
í skyndi-
hjálp
VÍSIR.is, Háskólabíó, Skjár 1, Rás
2, Hljóðkerfaleiga EB og Hljómsýn
stóðu að tónleikum í Háskólabíói
29. desember sl. Tónleikarnir voru
haldnir til styrktar Styrktarfélagi
krabbameinssjúkra barna. Að-
gangseyrir nam rétt um einni
milljón króna og var hann afhent-
ur sl. þriðjudag í húsnæði SKB.
Það voru þeir Viktor Hólm Jón-
mundarson sviðsmaður, Ingólfur
Möller rótari, Steinar Erlingsson
hljóðmaður og Kristinn Sturluson
rótari sem afhentu Þorsteini
Ólafssyni frá Styrktarfélagi
krabbameinssjúkra barna ávís-
unina fyrir hönd aðstandenda tón-
leikanna. Þetta er þriðja árið í röð
sem þessir strákar ásamt fleiri
sjálfboðaliðum úr tónlistarheim-
inum taka þátt í framkvæmd þess-
ara tónleika.
Morgunblaðið/Jón Svavarsson
Þorsteinn Ólafsson tekur við ávísun úr hendi Viktors Jónmundssonar,
en hann, ásamt Ingólfi Möller, Steinari Erlingssyni og Kristni Sigurpáli
Sturlusyni, voru fulltrúar starfsmanna og flytjenda á tónleikunum, en
þeir gáfu allir vinnu sína við tónleikahaldið.
Afhentu SKB milljón