Morgunblaðið - 26.01.2001, Blaðsíða 4

FRÉTTIR
4 FÖSTUDAGUR 26. JANÚAR 2001 MORGUNBLAÐIÐ
Áhri far íkt grennandi l íkamskrem
Vinnur á vökva- og fi tusöfnun
D R A I N E
M I N C E U R
Útsölustaðir:
Andorra Hafnarfirði, Bjarg Akranesi, Bylgjan Kópavogi, Fína Mosfellsbæ, Hjá Maríu-
Amaró Akureyri, Hygea Kringlan, Hygea Laugavegi, Snyrtivöruverslunin Glæsibæ.
FJÖLMENNT var á ráðstefnu á veg-
um umhverfisráðuneytisins á Horna-
firði í fyrrakvöld um væntanlega
stofnun Vatnajökulsþjóðgarðs. Áætl-
að er að þjóðgarðurinn afmarkist af
jökulröndinni, en á ráðstefnunni kom
fram að kröfur fjármálaráherra um
þjóðlendur í Austur-Skaftafellssýslu,
sem nýlega voru kynntar í héraðinu,
hafa orðið til þess að valda tortryggni
meðal landeigenda í sýslunni í garð
hugmynda um stofnun þjóðgarðs.
Telja landeigendur kröfur fjármála-
ráðherra tengjast hugmyndum um
stærð og umfang þjóðgarðsins og að
engin tilviljun sé að kröfurnar hafi
verið settar fram í Austur-Skafta-
fellssýslu, næst á eftir Árnessýslu.
Í máli landeigenda kom fram að
nauðsynlegt væri að stofnun Vatna-
jökulsþjóðgarðs væri í samvinnu við
landeigendur, en slíkri samvinnu
væri ógnað með kröfum um þjóðlend-
ur.
Siv Friðleifsdóttir umhverfisráð-
herra sagði að kröfugerð fjármála-
ráðherra hafi komið sér í opna
skjöldu og þá sér í lagi hve langt línan
næði niður frá jöklinum. Ráðherra
sagði að með tilliti til stofnunar
Vatnajökulsþjóðgarðs væri hins veg-
ar nauðsynlegt að ákvarða hvert
eignarhaldið væri á jöklinum. Því hafi
verið lögð á það áhersla að kröfur um
þjóðlendur yrðu settar fram sem
fyrst í Austur-Skaftafellssýslu til að
útkljá deilur og auðvelda þar með
stofnun þjóðgarðsins, enda væri
æskilegast að allt land innan þjóð-
garðsins væri í ríkiseign. Siv minnti á
að kröfugerðin væri ekki endanleg
niðurstaða og hvatti landeigendur til
að sækja sinn rétt, enda yrði ekki
gengið á eignarrétt sem hægt væri að
færa sönnur á.
Á ráðstefnunni kom fram að um-
hverfisráðherra og flestir heima-
manna telja að væntanlegur þjóð-
garður á Vatnajökli muni hafa
jákvæð áhrif fyrir ferðamannaþjón-
ustu og samfélagið í heild. Hins vegar
sé ljóst að verulega fjármuni þurfi til
uppbyggingar á þjóðgarðinum og
lögðu fulltrúar bæjarstjórnar á
Hornafirði áherslu á að talsvert fjár-
magn þurfi að koma frá stjórnvöldum
til uppbyggingar þjóðgarðsins.
Fjölmenn ráðstefna um Vatnajökulsþjóðgarð á Hornafirði
Landeigendur tortryggnir
vegna þjóðlendukrafna
Morgunblaðið/Eiríkur P.
Hornfirðingar fjölmenntu á ráðstefnu umhverfisráðuneytisins um fyrirhugaðan Vatnajökulsþjóðgarð.
ÓLAFUR Davíðsson, formaður
nefndar sem vinnur að endurskoðun
laga um almannatryggingar, segir
að nefndin stefni að því að ljúka
störfum í vor. Hann segir að nefndin
sé að undirbúa að kalla til sín full-
trúa Öryrkjabandalagsins, eldri
borgara, ASÍ og BSRB. Þar verði
þeim kynnt störf nefndarinnar og
hugsanlegar leiðir sem komi til
greina varðandi breytingar á lög-
gjöfinni.
Auk Ólafs sitja í nefndinni Þórir
Haraldsson og Jón Sæmundur Sig-
urjónsson, tilnefndir af heilbrigðis-
ráðherra, og Bolli Þór Bollason og
Steingrímur Ari Arason, tilnefndir
af fjármálaráðherra.
Ólafur sagði að nefndin væri búin
að vera að störfum í rúmt ár og
stefnt væri að því að hún lyki störf-
um í vor. Hann kvaðst telja óraun-
hæft að ný lög um almannatrygg-
ingar yrðu samþykkt á vorþinginu.
Það þyrfti að kynna málið vel og
kalla eftir viðbrögðum við tillögum
nefndarinnar.
Stefnt að því að bæta
sérstaklega hag þeirra sem
verst eru staddir
„Við viljum reyna að einfalda kerf-
ið og reyna að bæta sérstaklega hag
þeirra sem minnstar tekjur hafa,“
sagði Ólafur.
Ólafur sagði að nefndin hefði ekki
markað neina stefnu ennþá um hvort
ætti að draga úr tekjutengingum eða
auka þær. „Til að bæta hag þeirra
sem lægstar tekjur hafa þarf raun-
verulega að auka tekjutengingar, en
ef það á að einfalda kerfið og draga
úr jaðaráhrifum verður að draga úr
tekjutengingum. Þetta er því ekki
einfalt mál. Við munum vega og
meta þau ólíku sjónarmið sem uppi
eru í þessu máli og reyna að finna
einhverjar niðurstöður sem við mun-
um leggja fyrir ríkisstjórnina.“
Ólafur sagði að nefndin hefði enn
sem komið væri ekki haft samráð við
þá sem málið varðar, en nefndin
væri nú að undirbúa að ræða við Ör-
yrkjabandalagið, samtök eldri borg-
ara, ASÍ, BSRB og hugsanlega fleiri
aðila. Nefndin myndi kynna fyrir
fulltrúum þessara samtaka starf
nefndarinnar og hvaða leiðir kæmu
hugsanlega til greina varðandi
breytingar á löggjöfinni.
Unnið að endurskoðun á almannatryggingalögum
Samráð við aldraða
HÆSITRÉTTUR hefur sýknað ís-
lenska ríkið af kröfum manns, sem
taldi að sýslumanninum í Reykjavík
hefði borið að ganga úr skugga um
að skjal, sem var forsenda starfs-
leyfis bílasala, væri ófalsað.
Málið snerist um bílasala, sem
falsaði bréf frá sparisjóði, þar sem
fram kom að hann hefði fengið
starfsábyrgðartryggingu vegna sölu
notaðra ökutækja. Starfsábyrgðar-
trygging er forsenda þess að bílasal-
ar fái starfsleyfi, en í ljós kom að
þessi bílasali falsaði yfirlýsinguna í
þeim tilgangi að fá útgefið starfs-
leyfi hjá sýslumanninum í Reykja-
vík.
Maðurinn sem höfðaði málið varð
fyrir tjóni vegna viðskiptahátta bíla-
salans og reyndi árangurslaust að fá
það bætt. Hann reyndi þá að fá tjón
sitt bætt úr ríkissjóði með þeim rök-
um að sýslumanni hefði borið að
ganga úr skugga um að bréfið frá
sparisjóðnum væri ófalsað, en útlit
bréfsins hefði gefið fullt tilefni til
þess. Að auki hefði skort á eftirlit
ríkisins með starfsemi bílasalans.
Ekki saknæm
vanræksla sýslumanns
Við úrlausn málsins kvaðst Hæsti-
réttur hafa litið til þess að um var að
ræða tilkynningu um að starfs-
ábyrgð hefði verið veitt, en ekki
tryggingarskjalið sjálft. Útlit bréfs-
ins hefði ekki verið með þeim hætti
að í því hefði falist saknæm van-
ræksla af hálfu sýslumanns að taka
bréfið gilt í stað þess að rannsaka
sjálfstætt hvort það væri ófalsað.
Mál vegna starfa þessa sama bíla-
sala og bílasölu hans, Bílatorgs við
Funahöfða, hafa áður komið til kasta
Hæstaréttar. Í þeim málum voru
kröfur reistar á sömu málsástæðum
og í þessu máli, en í báðum tilvikum
var íslenska ríkið sýknað með vísan
til þess að tjónþolarnir hefðu átt
persónuleg viðskipti við bílasalann
og tekið áhættu í þeim viðskiptum.
Bílasali falsaði bréf til
að fá starfsleyfi
Ekki við
ríkið að
sakast
SLÖKKVILIÐ höfuðborgarsvæðis-
ins var kvatt að Réttarholtsskóla um
hádegið í gær en þar hafði reyk-
bomba verið sprengd í geymsluhólfi
á skólagangi. Þegar slökkvilið kom á
staðinn var lítill sem enginn reykur
eftir innandyra þar. Nægt hafði að
opna glugga og hurðir til að losna við
reykinn.
Reykbomba í
Réttarholtsskóla
SÚ ákvörðun að taka upp alþjóðlegt
atvinnuflugmannspróf á síðasta ári-
gæti haft áhrif á nýliðun í stéttinni en
aðeins einn nemandi náði bóklega
hlutanum í fyrstu tilraun. Pétur
Maack, framkvæmdastjóri flugör-
yggissviðs Flugmálastjórnar, sagði í
samtali við Morgunblaðið að það
myndi ekki koma ljós fyrr en á þessu
ári hvort nýja prófið hefði einhver
áhrif því enn hefði enginn fengið at-
vinnuflugmannsskírteini eftir að hafa
lokið bæði verklegum og bóklegum
hlutum prófsins. Nýja prófið er í
samræmi við kröfur Flugöryggis-
samtaka Evrópu og veitir réttindi til
að fljúga flugvélum sem skráðar eru í
Evrópu en gamla prófið veitti aðeins
réttindi til að fljúga flugvélum skráð-
um hér á landi.
Borist hafa kvartanir til Flugmála-
stjórnar frá nemendum Flugskóla Ís-
lands vegna kennslufyrirkomulags
hins bóklega hluta alþjóðlega at-
vinnuflugmannsprófsins. Nemendur
telja að kennsla og námsefni hafi ekki
verið í samæri við prófin sem haldin
voru og því hafi árangurinn verið
slakari en ella. Fyrirkomulag próf-
anna er þannig að þrisvar á síðasta
ári gátu nemendur þreytt próf. Um
er að ræða próf í fjórtán námskeiðum
sem haldin eru á tveggja vikna tíma-
bili en prófdagar eru 10. Fram að
þessu hafa sjö lokið við bóklega hlut-
ann en eins og áður sagði náði aðeins
einn nemandi öllum prófunum í
fyrstu tilraun. Enginn hefur lokið
bæði við bóklega og verklega hlutann
og því hefur enn sem komið er enginn
fengið alþjóðlegt atvinnuflugmanns-
skírteini og sagði Pétur að það væri
fullkomlega eðlilegt. Hann sagði að
héðan í frá yrðu prófin haldin fjórum
sinnum á ári.
Auknar kröfur til kennara
Pétur sagði að árangurinn hér á
landi væri svipaður og í þeim löndum
Evrópu sem tekið hefðu prófið upp á
síðasta ári. Hann sagði að hið nýja
fyrirkomulag gerði auknar kröfur til
kennara og að aðlögunartíminn hefði
tekið lengri tíma en menn hefðu von-
að í upphafi.
Nemendur hafa spurt að því hvort
það eigi að bitna á þeim að aðlög-
unartíminn hafi lengst, m.a. vegna
þess að prófgjaldið er um 30 þúsund
krónur. Pétur sagði að það hefði ekk-
ert verið rætt hvort eitthvað yrði
komið til móts við nemendur út af
þessu en til þess þyrfti að breyta
reglugerð.
Á síðustu 5 árum fengu að með-
altali um 40 nemendur atvinnuflug-
mannsskírteini. Að sögn Péturs
fengu 23 nemendur atvinnuflug-
mannsskírteini á síðasta ári en árið
1999 fengu 55 slíkt skírteini. Hann
sagði þessa miklu sveiflu milli áranna
líklega helgast af því að fjöldi nem-
enda hefði lagt áherslu á að ljúka
prófum áður en verklegi hluti nýju
prófanna yrði tekinn upp en sam-
kvæmt nýja verklega hlutanum verða
nemendur að klára 5 tíma á flóknari
og dýrari vél en áður tíðkaðist.
Nemendur Flugskóla Íslands kvarta til Flugmálastjórnar vegna nýs prófs
Atvinnuflug-
mönnum gæti
fækkað ♦ ♦ ♦