Morgunblaðið - 26.01.2001, Page 47

HESTAR
MORGUNBLAÐIÐ FÖSTUDAGUR 26. JANÚAR 2001 47
FRAMLEIÐNISJÓÐUR landbún-
aðarins hefur ekki í annan tíma
sett jafn mikið fjármagn í styrki til
hrossaræktar eins og þessi árin að
sögn Bjarna Guðmundssonar. Nú
er í annað sinn úthlutað til rann-
sóknarverkefnis Tilraunastöðvar-
innar á Keldum og rannsóknar-
hóps í Sviss á sumarexemi, en
ákveðið var að veita 30 milljónum
króna til verkefnisins og skipta
upphæðinni á þrjú ár. Vegna þessa
verkefnis er ekki mikið um að önn-
ur stór verkefni í hrossarækt séu
styrkt, en ýmis smærri verkefni
aftur á móti. Hann segir að allar
umsóknir séu skoðaðar vandlega
og metnar og því sé mikið lagt upp
úr að þær séu nákvæmar og vand-
að sé til þeirra að öllu leyti.
Mikilvægt að umsóknir
séu vandaðar
Bjarni sagði að á síðustu árum
hafi greinilega verið lögð meiri al-
úð við umsóknirnar sem bendi til
þess að allur undirbúningur verk-
efnanna sé vandaðri. Nú orðið fari
15–20% allra umsókna í gegnum
héraðsráðunauta eða atvinnuráð-
gjafa. Þeir veiti góða þjónustu en
séu jafnframt duglegir við að sjá
fyrir hvaða verkefni eru raunhæf.
Umsóknirnar séu því oft búnar að
fara í gegnum síu hjá þeim áður en
þær berast Framleiðnisjóði. Því
hafi hlutfall þeirra umsókna sem
vísað er frá eitthvað minnkað.
Mikilvægt er að allar nauðsyn-
legar upplýsingar fylgi umsókn-
inni. Henni þarf að fylgja
kostnaðaráætlun, sem nákvæmust
rekstrar- og fjárfestingaáætlun og
upplýsingar um hvernig fjármagna
á fyrirtækið að öðru leyti.
Þær umsóknir sem helst eru
styrktar af Framleiðnisjóði eru
þær sem stuðla að nýsköpun, þró-
un og atvinnusköpun í sveitum.
Verkefnið þarf að þjóna heildinni
og stuðla að stækkandi markaði
erlendis. Smám saman hefur verið
horfið frá því að veita beina fjár-
festingastyrki og hefur fólki verið
ráðlagt að taka lán til fjárfestinga.
Vilja kynnast íslenska
hestinum á heimavelli
Bjarni sagðist vera ánægður
með að í auknum mæli berist um-
sóknir frá hestamönnum eða
hrossabændum sem eru að byggja
upp ferðaþjónustu á jörðum sín-
um. Í mörgum tilfellum er það
gert til að taka á móti útlend-
ingum sem sækjast eftir að kynn-
ast íslenska hestinum í sínu upp-
runalega umhverfi. Sumir
umsækjenda hafa starfað við nám-
skeiðahald og reiðkennslu erlendis
en eru nú að færa starfsemina
heim. Hann segir þetta mjög já-
kvæða þróun. Oft sé um að ræða
fólk sem þegar er búið að byggja
upp markað erlendis og fær við-
skiptavinina til landsins í stað þess
að fara sjálft til útlanda.
Framleiðnisjóður tekur á móti
umsóknum allt árið og reynir að
afgreiða þær innan tveggja mán-
aða. Hámarksupphæð nýsköpunar-
styrkja til einstaklinga er 1,5 millj-
ónir króna, en styrkurinn er þó
aldrei hærri en 30% af kostnaði við
verkefnið.
Á heimasíðu Framleiðnisjóðs,
www.fl.is, er að finna allar upplýs-
ingar um starfsemi sjóðsins, um-
sóknir o.fl. og þar eru jafnframt
ársskýrslur þar sem m.a. eru tald-
ir upp þeir sem hlotið hafa styrki.
Jákvætt að
námskeiðahald
færist hingað
í auknum mæli
Samdráttur í hrossasölu og lágt verð á hrossum gæti orðið til þess að þeir sem áfram
vilja stunda hrossarækt þurfa að vera hugmyndaríkir og finna upp á nýjungum.
Ásdís Haraldsdóttir talaði við Bjarna Guðmundsson, formann stjórnar Framleiðnisjóðs,
sem er ánægður með þá sem vilja lokka erlenda hestamenn hingað til lands.
Morgunblaðið/Ásdís Haraldsdóttir
Vel haldin útigangshross í byrjun Þorra.
ÞAÐ hefur viljað loða við Íslend-
inga að þeir séu seinir að taka
ákvarðanir og skipuleggja fram-
tíðina. Nú ber svo við að í bréfi
frá Helgu Zwinz, formanni Ís-
landshestafélagsins í Austurríki,
til Landssambands hestamanna-
félaga kemur fram að íslenska
landsliðið sé eina liðið sem búið
er að ganga frá öllum pöntunum,
bæði á hótelrými, aðstöðu fyrir
hesta liðsins og fleira fyrir
Heimsmeistaramót íslenskra
hesta sem haldið verður í Aust-
urríki í ágúst.
Undirbúningur Heimsmeist-
aramótsins gengur vel. Sigrún
Ögmundsdóttir hjá LH segir að
nú sé búið að sækja um styrki í
afreksmannasjóð ÍSÍ og til Ól-
ympíufjölskyldunnar. Auk þess er
sótt um styrki í Útflutnings- og
markaðssjóð. Búist er við að svör
liggi fyrir í lok febrúar.
Kostnaðaráætlun fyrir Heims-
meistaramótið hljóðar upp á rúm-
ar fimm milljónir króna, en lík-
legt er að sá kostnaður hækki
kjósi heimsmeistararnir frá síð-
asta móti að nýta keppnisrétt
sinn á mótinu. Ef allir fara er
gert ráð fyrir að kostnaðurinn
aukist um eina og hálfa milljón
króna.
Samkvæmt nýju mótaskránni
er búið að ákveða að úrtökumótið
fyrir mótið fari fram 12., 13., 15.
og 16. júní. Enn hefur ekki verið
ákveðið hvar það verður haldið
og hefur LH sent hestamanna-
félögunum á Stór-Reykjavík-
ursvæðinu bréf til að kanna hvert
þeirra hafi áhuga á að halda mót-
ið.
Landsliðið
fyrst til að
ganga frá
pöntunum
NÝTT hrossaræktarblað
Freys er komið út. Blaðið er
mjög veglegt að þessu sinni og
hefur að geyma fjölbreytt efni
um hrossarækt og hrossahald.
Meðal efnis eru greinarnar
Íslenski hesturinn er einstak-
ur eftir Ingimar Sveinsson á
Hvanneyri og Mat á holdafari
hrossa eftir Guðrúnu Stefáns-
dóttur og Sigríði Björnsdóttur
á Hólum.
Auk þeirra eru greinarnar
Hestamiðstöð Íslands eftir
Þorstein Broddason, Besti ár-
angur kappreiða árið 2000 eft-
ir Eirík Jónsson og Átak í
hrossarækt eftir Ágúst Sig-
urðsson. Þá er fjallað um sýn-
ingahald í hrossarækt, gæða-
skýrsluhald o.fl. Hægt er að
panta blaðið hjá Sigríði Þor-
kelsdóttur hjá Bændasamtök-
um Íslands. Netfang hennar
er sth@bondi.is og síminn er
563 0338.
Nýtt hrossa-
ræktarblað
Freys
komið út
LANDSSAMBAND hestamannafélaga hefur gefið út
mótaskrá fyrir árið 2001. Skráin er byggð á upplýsingum
frá hestamannafélögunum í landinu og verður uppfærð á
heimasíðu LH, www.lhhestar.is, ef hún breytist og þegar
nýjar upplýsingar bætast við. Enn vantar upplýsingar
frá ýmsum hestamannafélögum, en að sögn Sigrúnar Ög-
mundsdóttur á skrifstofu LH hefur ítrekað verið leitað
eftir þeim.
MÓTASKRÁ LH 2001
Janúar:
27. Ljúfur, Punktamót í Reiðhöllinni, Ingólfshvoli
Febrúar:
3. Geysir, Vetrarmót, Gaddstaðaflötum
10. Sörli, Grímutölt – opið, Sörlastöðum
16. Sörli, Árshátíðarmót þátttakenda, ungl. og ungmenni
17. Andvari, Vetrarleikar, Kjóavöllum
17. Fákur, Vetraruppákoma, Víðivöllum
17. Gustur, Vetrarleikar, Glaðheimum
23. Þytur, Opið töltmót, Hestam. Gauksm.
24. Hörður, Vetrarleikar Prins LU, Varmárbökkum
24. , Ljúfur, Punktamót í Reiðhöllinni, Ingólfshvoli
25. Snæfellingur, Stigamót Snæfellings,Grundarfirði
? Faxi, Vetrarleikar,
Mars:
3. Geysir, Vetrarmót, Gaddstaðaflötum
3. Sörli, Opin töltkeppni, Sörlastöðum
10. Sörli og Andvari, Árshátíðarmót, Sörlavöllum
10. Gustur, Fimikeppni Mbl. og Gusts, Reiðh. Glaðh.
16. Þytur, Opið töltmót, Hestam. Gauksm.
17. Hörður, Áslákarvetrarleikar, Varmárbökkum
17. Glaður, Vetrarleikar, Búðardal
17. Andvari, Vetrarleikar, Kjóavöllum
17. Fákur, Reiðhallartölt, Reiðhöllinni
17. Gustur, Vetrarleikar, Glaðheimum
24. Fákur, Vetraruppákoma, Víðivöllum
24. Sörli, Vetrarleikar, innanfélagsmót, Sörlavöllum
24. Gustur, Barkamótið – opið töltmót, Reiðh. Glaðh.
25. Snæfellingur, Stigamót Snæfellings, Hellissandi
30.–1. apr. Framhaldsskólamót í hestaíþróttum, Reiðh. Víðidal
31. Hörður, Ístölt, Skautah. Laugardal
? Hörður, Ísmót, Meðalfellsvatni
? Ljúfur, Punktamót með Tölthestum, Reiðh. Ingólfshv.
? Faxi, Vetrarleikar
Apríl:
7. Ljúfur, Punktamót í Reiðhöllinni, Ingólfshvoli
7. , Geysir, Vetrarmót, Gaddstaðaflötum
7. Sörli, Töltkeppni, Sörlavöllum
7. Gustur, Kvennamót – opið töltmót, Reiðh. Glaðh.
11. Sörli, Skeiðkeppni – opin, Sörlavöllum
11. Gustur, Dymbilvikusýning, Reiðh. Glaðh.
12. Glaður, Vetrarleikar, Búðardal
12. Þytur, Opið töltmót, Hestam. Gauksm.
14. Hörður, Páskamót, opið, Ork. Snorri G. Guðmundss. Varm-
árb.,
14. Gustur, Vetrarleikar – opið mót, Glaðheimum
19. Fákur, Firmakeppni Víðivöllum
19. Kópur, Firmakeppni,
19. Gustur, ÁG-æskulýðsmót – opið, Reiðh. Glaðh.
21. Háfeti, Töltmót, Þorlákshöfn
21. Andvari, Firmakeppni, Kjóavöllum
21. Sörli, Nýhestamót, Sörlavöllum
27. Ljúfur, Íþróttamót, Reykjakoti
28. Gustur, Firmakeppni, Glaðheimum
29. Snæfellingur, Íþróttamót Snæfellings, Stykkishólmi
ódags. Sindri, Firmakeppni,
ódags. Faxi, Vetrarleikar
Maí:
1. Hörður, Firmakeppni, Varmárb.
1. , Glaður, Íþróttamót, Búðardal
5. Glaður, Úrtaka v/fjórðungsmóts, Búðardal
5. Sóti, Íþróttamót, Mýrarkotsvelli
6. Sörli, Firmakeppni, Sörlavöllum
8.–10. Sörli, Opin gæðingakeppni A og B, Sörlav, kvöldmót
12. Háfeti, Firmakeppni, Þorlákshöfn
12. Ljúfur, Firmakeppni, Reykjakoti
12. Geysir, Opið íþróttamót WR*, Gaddstaðaflötum
12.–13. Andvari, Íþróttakeppni, Kjóavöllum
10.–13. Fákur, Reykjavíkurmeistaramót WR*, Víðivöllum
12. eða 19. Hringur, Firmakeppni, Hringsholti
17.–19. Hörður, Íþróttamót MR-búðarinnar, Varmárbökkum
19. Léttfeti, Firmakeppni, Flæðigerði
19. Skuggi, Íþróttakeppni, Vindási
19.–20. Sörli, Íþróttamót, Sörlavöllum
19.–20. Gustur, Íþróttamót, Glaðheimum
24. Andvari, Barna- og unglingadagur, Kjóavöllum
24.–27. Fákur, Gæðingamót og tölt sem WR*, Víðivöllum
25. Snæfellingur, Úrtaka fyrir fjórðungsmót, Ólafsvík
26. Faxi, Íþróttamót, Hvanneyri
26. Sóti, Gæðingakeppni, Mýrarkotsv.
26.–27. Andvari, Gæðingakeppni, Kjóavöllum
Júní
1.–3. Hörður, Gæðingamót, Varmárb.
2.–3. Gustur, Gæðingakeppni, Glaðheimum
9. Faxi, Úrtaka fyrir fjórðungsmót, Hvanneyri
9. , Glaður og hesteigendafél. Firmakeppni, Búðardal
9. Háfeti, Gæðingakeppni, Þorlákshöfn
9. Hringur, Félagsmót, Hringsholti
9. Sóti, Firmakeppni, Mýrarkotsvelli
9. Skuggi, Gæðingakeppni, Vindási
9.–10. Geysir, Félagsmót, Gaddstaðaflöt.
9.–10. Sörli , Gæðingak. og kappr. , Sörlavöllum
12. 13. og 15. 16. Úrtökumót fyrir HM 2001,
16. Ljúfur, Félagsmót, Reykjarkoti
16. Svaði, Félagsmót, Hofsgerði
16. Léttfeti, Félagsmót, Flæðigerði
16. Trausti, Gæðingakeppni, Bjarnastaðav.i
15.–16. Héraðsmót USVH, Íþróttakeppni, Kirkjuhvammi
22.–24. Íslandsmót í hestaíþróttum barna og unglinga, Sörla-
völlum
22.–23. Kópur, Hestamannamót á Sólvöllum, Landbroti
23. eða 30. Hringur, Íþróttamót, Hringsholti
29.–30. Glaður, Hestaþing, Nesodda
29.–30. Sindri Hestaþing, opið tölt og kappr. Sindravelli v/
Pétursey
29.–31. Hörður, Töltheimamót WR*, Varmárb.
Júlí:
5.–8. Fjórðungsmót – Vesturlandi, Kaldármelum
18.–22. Feif Youth Camp-æskulýðsmót, Kanada
20.–22. Íslandsmót í hestaíþróttum, ungmenna og fullorðinna
20.–22. Æskulýðsdagar að Skógarhólum
20.–21. Stormur, Félagsmót, Söndum, Dýrafirði
28.–29. Faxi, Faxagleði, Faxaborg
Ágúst
4.–5. Logi, Hestaþing, opin töltkeppni, Hrísholti
11. Svaði, Firma-, bæjar- og töltkeppni, Hofsgerði
11.–12. Hringur, Fjölskyldudagar, bæjarkeppni o.fl.
10.–11. Þytur, Félagsmót, gæðingakeppni, Kirkjuhvammi
12.–19. Heimsmeistaramót í hestaíþróttum, Austurríki
17.–18. Bikarmót , Norðurlands
18. Glófaxi, Bæjarkeppni, Skógarmelar
18. Glæsir, Gnýfari og Svaði: Hestadagar Hofsg. eða í Fljótum
18. Trausti, Vallamótið , Laugarvatnsv.
18.–19. Geisli og Goði, Opið mót, Gilsárvelli
22.–27. Hestamfél. Suðurl. Suðurlandsmót WR*, Gaddstaða-
flötum
25. Hörður, Lokasprettur, Varmárbökkum
25. Þytur, Firmakeppni, Kirkjuhvammi
25. Funi, Bæjarkeppni, Melgerðismelum
30. Andvari, Meistaramót, Kjóavöllum
* World Ranking-mót