Morgunblaðið - 26.01.2001, Blaðsíða 14

FRÉTTIR
14 FÖSTUDAGUR 26. JANÚAR 2001 MORGUNBLAÐIÐ
UNDIRRITAÐUR var nýr samn-
ingur á milli Viðskiptaháskólans á
Bifröst og ríkisins í gær. Sam-
kvæmt samningnum, sem er til
þriggja ára og kveður á um fjár-
veitingar til reksturs vegna
kennslu, er gert ráð fyrir að nem-
endum skólans fjölgi úr um 200 í
300 á tímabilinu eða um helming
og að íbúar svæðisins verði um 450
í lok ársins 2003 en í dag eru þeir
um 300. Þá var einnig undirrituð
yfirlýsing um rannsóknar-, þróun-
ar- og nýsköpunarverkefni við
skólann og nýtt deiliskipulag
svæðisins kynnt en samkvæmt því
verða íbúar þess um 600 árið 2005.
„Þessi samningur færir okkur
tækifæri,“ sagði Runólfur Ágústs-
son, rektor Viðskiptaháskólans á
Bifröst. „Meira biðjum við ekki um
og meira viljum við ekki. Með
þennan samning í höndunum, sem
gerir ráð fyrir sama framlagi af
hálfu ríkisins fyrir hvern nemenda
í viðskiptanámi og til annarra há-
skóla, getum við sem við þennan
háskóla störfum skapað honum þá
framtíð sem við verðskuldum.“
Framlag ríkisins er um 53
milljónir króna á þessu ári
Framlag ríkisins er samkvæmt
samningnum áætlað um 53 millj-
ónir króna árið 2001, samkvæmt
reglum um nemendaframlag. Rík-
issjóður leggur einnig til 10 millj-
ónir króna vegna nemenda í frum-
greinadeild skólans og 7 milljónir
á ári á samningstímanum vegna
þess að skólinn er utan höfuðborg-
arsvæðisins.
Það voru þeir Björn Bjarnason
menntamálaráðherra, Runólfur og
Guðjón Auðunsson, formaður há-
skólastjórnar, sem undirrituðu
rekstrarsamninginn, en þeir Björn
og Runólfur undirrituðu yfirlýs-
inguna.
Á samningstímanum mun há-
skólinn vinna sérstaklega að því að
auka gæði þeirrar þjónustu sem
hann býður með auknu framboði
tengdra fræðigreina og auka fram-
boð námsefnis sem nemendum
býðst í fjarkennslu. Í haust mun
m.a. ný námsbraut í viðskiptalög-
fræði taka til starfa við skólann og
þá hefur verið undirritaður sam-
starfssamningur við Samtök versl-
unar og þjónustu um námskeiða-
hald og fjarnám fyrir stjórnendur.
Runólfur sagði að samningurinn
við ríkið færði háskólanum nauð-
synlegt svigrúm til vaxtar og
stækkunar sem stjórnendur og
starfsmenn hefðu undirbúið að
undaförnu í samráði við háskóla-
stjórn.
„Við horfum björtum augum á
framtíðina. Þá framtíð skapar hins
vegar enginn fyrir okkur. Sú fram-
tíð veltur á því að nýta það svig-
rúm til vaxtar, hagræðingar og
aukinna rannsókna sem samning-
urinn færir okkur.“
Um 600 manna
háskólaþorp
Við undirritun samningsins var
einnig kynnt nýtt nýsamþykkt
deiliskipulag fyrir háskólasvæðið,
það gerir ráð fyrir að um 600
manna háskólaþorp verði risið á
svæðinu árið 2005.
„Sex hundruð manna háskóla-
þorp er stærra en mörg hefðbund-
in byggðalög víða um landið. Slík-
ur þéttbýlisstaður þar sem allt
byggir á þekkingar- og háskóla-
starfi verður einstæður hérlendis
og er í raun einungis merki þess
hvað hægt er að gera á lands-
byggðinni með frumkvæði og ein-
beittum samkeppnisvilja. Fyrir-
tæki á landsbyggðinni eru ekki
dæmd til að vera í frumvinnslu.
Það er hægt að byggja þar upp
þekkingarfyrirtæki sem standast
bæði innlenda og erlenda sam-
keppni,“ sagði Runólfur.
Fyrsti áfangi uppbyggingarinn-
ar á háskólasvæðinu hófst í raun í
gær með undirritun verksamninga
við fyrirtækin Loftorku og Sólfell
um byggingu 12 nýrra náms-
mannaíbúða sem taka á í notkun
um miðjan ágúst á þessu ári. Þá
var skrifað undir viljayfirlýsingu
milli háskólans og Borgarbyggðar
um samstarf við uppbyggingu
svæðisins og þjónustu sveitar-
félagsins þar. Þannig mun sveit-
arfélagið strax á komandi sumri
endurnýja bæði fráveitukerfi stað-
arins og aðveitu á köldu vatni
ásamt því að byggja við leikskól-
ann Hraunborg sem rekinn er á
staðnum á þess vegum.
Nýr samningur á milli Viðskiptaháskólans á Bifröst og ríkisins undirritaður
Áætlað að
nemendum
fjölgi um 50% á
þremur árum
Morgunblaðið/Rax
Samkvæmt nýjum samningi milli Viðskiptaháskólans á Bifröst og rík-
isins, sem undirritaður var á Bifröst í gær, mun nemendum skólans
fjölga úr 200 í 300 á næstu þremur árum. Runólfur Ágústsson, rektor
Viðskipaháskólans á Bifröst, Björn Bjarnason menntamálaráðherra og
Guðjón Auðunsson, formaður háskólastjórnar.

        
   



 



  

   




 
 

  
   
 




  







 
 




NOKKUÐ magn tjöru losnaði úr
bundnu slitlagi á Norðurlandsvegi
allt frá Borgarnesi norður að
Staðarskála í fyrrakvöld. Tjaran
hlóðst smátt og smátt utan á hjól-
barða og innan á aurbretti bif-
reiða, þó sérstaklega flutningabíla
og annarra stærri bifreiða. Tjöru-
kögglar losnuðu síðan frá og ollu
nokkrum skemmdum á bifreiðum.
Samkvæmt upplýsingum frá lög-
reglunni í Borgarnesi voru sumir
kögglanna á við fótbolta að stærð.
Lögreglan hafði í gær haft spurnir
af skemmdum á þremur bílum. Í
einu tilvikinu hafði hliðarrúða í
fólksbíl brotnað.
„Það er nú kannski gallinn að
við vitum ekki nákvæmlega hvað
gerist í sjálfu sér en þetta hefur
engu að síður gerst áður,“ segir
Magnús Valur Jóhannsson, um-
dæmisstjóri Vegagerðarinnar í
Borgarnesi, aðspurður um ástæð-
ur fyrir þessu ástandi vegarins.
Við samspil ákveðna aðstæðna,
t.d. þegar hlánar eftir frostakafla
geta komið fram svokallaðar
„blæðingar“ í slitlaginu. Svipaðar
blæðingar eru nokkuð algengar á
sumrin þegar mjög heitt er í veðri
en koma sjaldnar fyrir á veturna.
Magnús segir að getum hafi verið
leitt að því að ástæðan fyrir þessu
sé sú að malbikið þiðni hraðar en
undirlagið.„Einn þátturinn er sá
að vetrarþjónusta [Vegagerð-
arinnar] er orðin mikið meiri.
Vegirnir eru nánast alltaf auðir.
Hér áður fyrr fóru þeir undir snjó
og klaka, getur maður sagt, en nú
er þeim haldið sem mest auðum.“
Við rannsókn hafi ekki komið
fram gallar í efnasamsetningu slit-
lagsins.
Magnús segir að ef ökutæki hafi
orðið fyrir skemmdum eigi eig-
endur þeirra eða ökumenn að
setja sig í samband við lögreglu.
Vegagerðin muni bæta tjónið.
Tjara hlóðst á hjólbarða á Norðurlandsvegi
Kögglar á stærð við
fótbolta á veginum
Morgunblaðið/Rax
Talsvert stórir tjörukögglar eru enn á Norðurlandsvegi.
FÉLAG fasteignasala hefur verið
dæmt til að færa fasteignasala í
Reykjavík inn á félagaskrá að við-
lögðum 10.000 króna dagsektum.
Dómurinn var kveðinn upp í Hér-
aðsdómi Reykjavíkur af Sigríði
Ingvarsdóttur, héraðsdómara.
Fasteignasalinn var tekinn af
félagaskrá með ákvörðun stjórnar
þess í október 1999. Ástæðan var
sögð óviðurkvæmileg framkoma
við viðskiptamenn hans en hann
hafði áður fengið skriflega áminn-
ingu. Deilt var um hvort hann
væri enn félagsmaður í félaginu en
fasteignasalinn hélt því fram. Þá
sagði hann að fundargerð fyrr-
nefnds fundar hafi verið gölluð
enda aðeins rituð af einum manni
sem sé í varastjórn. Þá þurfi at-
kvæði 4/5 stjórnarmanna til að
vísa honum úr félaginu en ósannað
sé að svo hafi verið. Að auki sé í
texta fundargerðarinnar aðeins
lýst yfir vilja til að honum sé vísað
úr félaginu. Fasteignasalinn hélt
því að auki fram að hann hafi ekki
fengið að vita um ástæður þess að
hann var felldur af félagaskrá auk
þess sem ýmsir formgallar hafi
verið á framkvæmdinni. Með
ákvörðuninni hafi því m.a. verið
brot á andmælarétti og meðal-
hófsreglunni.
Stjórn Félags fasteignasala hélt
því fram að brottvikning fast-
eignasalans úr félaginu ætti sér
stoð í lögum félagsins. Stjórn
félagsins hafi sjálfsforræði í slík-
um málum enda ekki skylduaðild
að félaginu, það færi ekki með
stjórnsýsluvald og félagsaðild sé
ekki nauðsynleg forsenda fyrir
rekstri fasteignasölu. Félaginu
hafi í raun verið skylt að víkja fast-
eignasalanum úr félaginu enda
hefði hann ítrekað brotið gegn
lögum félagsins og siðareglum.
Héraðsdómur komst hins vegar
að þeirri niðurstöðu að ákvörðunin
hafi ekki verið studd viðhlítandi
rökum og óljóst sé hver brot stefn-
anda voru. Yrði því að telja hana
ólögmæta vegna þessa galla á
henni og var hún því felld úr gildi.
Dómurinn hafnaði hinsvegar að
ákvörðunin sjálf hefði verið tekin
með ófullnægjandi hætti eins og
fasteignasalinn hélt fram.
Félag fasteignasala var auk
þessa dæmt til að greiða fast-
eignasalanum 350.000 krónur í
málskostnað.
Einar Gautur Steingrímsson,
hrl. sótti málið fyrir héraðsdómi
en Ingólfur Hjartarson hrl. fór
með málið fyrir hönd Félags fast-
eignasala.
Dæmdur inn
á félagaskrá