Morgunblaðið - 09.03.2001, Síða 4

FRÉTTIR
4 FÖSTUDAGUR 9. MARS 2001 MORGUNBLAÐIÐ
Áhri far íkt grennandi l íkamskrem
Vinnur á vökva- og fi tusöfnun
D R A I N E
M I N C E U R
Útsölustaðir:
Andorra Hafnarfirði, Bjarg Akranesi, Bylgjan Kópavogi, Fína Mosfellsbæ, Hjá Maríu-
Amaró Akureyri, Hygea Kringlan, Hygea Laugavegi, Snyrtivöruverslunin Glæsibæ.
Á MORGUN, laugardag, hefst
lengsti eins manns gönguskíða-
leiðangur sem hleypt hefur ver-
ið af stokkunum hér á landi.
Ferðagarpurinn Guðmundur
Eyjólfsson úr Reykjavík leggur
þá af stað frá Hornvík á Vest-
fjörðum áleiðis til Vopnafjarðar
þar sem hann vonast til að ljúka
ferðinni í vikunni 5. til 12. apríl.
Leiðangurinn nefnir hann Frá
strönd til strandar 2001. Alls er
fyrirhuguð um 600 km löng
gönguleið og ýmsar hættur eru
á leiðinni. Válynd veður eru
helsta ógnunin, auk jökuláa sem
Guðmundur þarf að vaða. Allt
hefur þetta þó mikið aðdrátt-
arafl fyrir metnaðarfullan úti-
vistarmann. „Ég hef ódrepandi
áhuga á fjallamennsku og er
haldinn ákveðinni ævintýraþrá,
auk þess sem áhugi á landinu
knýr mig til að takast svona ferð
á hendur,“ segir Guðmundur.
„Ég tel að með því að fara þessa
leið veitist manni einstakt tæki-
færi til að upplifa náttúru lands-
ins,“ bætir hann við.
Sex ára gömul hugmynd
Undirbúningur að ferðinni
hefur staðið yfir síðustu mánuði
en hugmyndina sjálfa segir
Guðmundur vera sex ára gamla.
Hann neitar því ekki að góður
árangur pólfarans góðkunna
Haralds Arnar Ólafssonar í
fyrra hafi haft sín áhrif í þá
veru að láta drauminn loks ræt-
ast. Svo vill til að Haraldur Örn
er góður vinur Guðmundar og
mun, ásamt öðrum, verða í
bakvarðasveit hans.
Aðspurður um leiðina segir
Guðmundur talsverða erfiðleika
mæta sér strax í byrjun. „Þegar
ég fer frá Hornvík þarf ég að
fara yfir talsvert fjalllendi sem
gæti reynst mér erfitt. Þá er
ekki síður hætta á að óveður
slái mann út af laginu eins og
raunin hefur orðið með marga
leiðangra. Norðan jökla eru síð-
an ár, sem gætu reynst erfiðir
farartálmar. Snjóleysi gæti líka
tafið förina ef maður neyðist til
að selflytja farangur yfir snjó-
laus svæði. Við undirbúning
leiðangursins hefur snjóleysið
einmitt valdið mér mestum
áhyggjum, þótt horfurnar hafi
batnað nokkuð að undanförnu.“
Mikil áhersla lögð
á fjarskiptin
Guðmundur dregur á eftir
sér 50 kg sleða með búnaði og
vistum og mun hann gista í
tjaldi á leiðinni, en í undantekn-
ingartilvikum hyggst hann leita
skjóls í hálendisskálum. Á leið-
inni verða honum tvisvar send-
ar vistir, til Brúar í Hrútafirði
og Hveravalla. Fjarskipti eru
traust, enda segist hann hafa
lagt mikla áherslu á að hafa þau
í góðu lagi þar sem hann verður
einn á ferð. „Ég notast við nýtt
fjarskiptakerfi, Tetra, sem er
verið að setja upp á landinu.
Þennan búnað get ég notað
bæði sem síma og talstöð og
nægilegt er að kveikja á tækinu
til að sjá staðsetningu mína. Ég
áætla að kveikja á tækinu tvisv-
ar á dag og þannig má fylgjast
með því hvernig mér miðar.
Ennfremur verð ég með VHF-
talstöð og að lokum nýjan
Breitling-neyðarsendi í arm-
bandsúrinu mínu.
Guðmundur er þrítugur og
hefur stundað fjallamennsku í
14 ár, hérlendis og erlendis.
Hann hefur starfað sem leið-
sögumaður á Grænlandi og ver-
ið leiðbeinandi á námskeiðum
Íslenska alpaklúbbsins í klifri
og fjallamennsku.
Lengsti eins manns gönguskíðaleiðangur hérlendis hefst á morgun
Morgunblaðið/RAX„Er haldinn
ævintýraþrá“
600 km leið er framundan hjá Guðmundi Eyjólfssyni göngukappa.



     


   

 !  

"
  
 
HÉRAÐSDÓMUR Reykjavíkur hafnaði
í gær þeirri kröfu Landssímans um að
ógilda úrskurð áfrýjunarnefndar sam-
keppnismála um að Símanum væri bann-
að að bjóða upp á stórnotendaáskrift og
mánaðarlegan magnafslátt af GSM-þjón-
ustu. Með því staðfesti áfrýjunarnefndin
úrskurð samkeppnisráðs frá 6. júní 1999.
Héraðsdómi þykir sýnt að sú ákvörðun
Símans að bjóða upp á fyrrnefnda af-
slætti hafi beinst að því að viðhalda og
styrkja stöðu fyrirtækisins á GSM-mark-
aði og hafi því skaðleg áhrif á samkeppni.
Stórnotendaáskrift og mánaðarlegur
magnafsláttur af GSM-þjónustu Símans
gekk í gildi 1. júlí 1998. Samkeppnis-
stofnun barst formlegt erindi frá Tal hf. í
september þar sem krafist var íhlutunar
samkeppnisyfirvalda m.a. varðandi fyrr-
nefnda afslætti af GSM-þjónustu Símans.
Samkeppnisráð beindi þeim tilmælum
til Símans að fella afslættina úr gildi fyrir
1. september 1999. Þennan úrskurð stað-
festi áfrýjunarnefnd samkeppnismála og
þeirri niðurstöðu vísaði Síminn til héraðs-
dóms.
Yfirburðastaða Símans
Í niðurstöðu héraðsdóms segir að mat
á því hvort íhlutunar hafi verið þörf hljóti
að hvíla á samkeppnisyfirvöldum einum.
Það sé hins vegar á verksviði dómstóla að
leggja mat á það hvort rétt og málefna-
lega hafi verið staðið að íhlutun og réttra
formreglna gætt.
Dómurinn taldi að ekki hefði verið sýnt
fram á annað en að öll meðferð málsins
hjá samkeppnisyfirvöldum hafi verið
eðlileg. Samkeppnisráð hafi fært nægj-
anleg rök fyrir þeirri ákvörðun sinni að
að stórnotendaáskrift Símans og mánað-
arlegur magnafsláttur í GSM-þjónustu
hafi skaðleg áhrif á samkeppni.
Í niðurstöðu áfrýjunarnefndar sam-
keppnismála segir að Síminn hafi yfir-
burðastöðu í símaþjónustu hér á landi.
Verðákvarðanir fyrirtækisins verði að
meta í því ljósi. Á það var bent að afslætt-
irnir ættu sér enga hliðstæðu á öðrum
þjónustusviðum fyrirtækisins þar sem
engin samkeppni ríkti. Þá hafi ákvörðun
um þessi sérstöku afsláttarkjör verið
tekin án þess að fyrir lægi hver kostn-
aðurinn yrði eða hvort fyrirtækið myndi
hagnast.
Í niðurstöðu héraðsdóms segir að í
framlögðum fundargerðum Símans sé að
finna ummæli sem styðja það að um-
ræddar aðgerðir hafi beinst að því að
bregðast við samkeppni þess keppn-
inautar sem þá var að koma á markaðinn
og viðhalda og styrkja þá stöðu sem Sím-
inn hafði á GSM-markaðnum.
Í dómnum segir orðrétt: „Samkvæmt
úrskurði samkeppnisráðs var þeim fyr-
irmælum beint til stefnanda að fella
framangreinda viðskiptaskilmála úr gildi
fyrir 1. september 1999. Ekki þykir sýnt
að þessi ákvörðun brjóti gegn meðalhófs-
reglu stjórnsýslulaga eða að unnt hafi
verið að grípa til vægari aðgerða eins og
hér á stóð.“
Kristjana Jónsdóttir héraðsdómari
kvað upp dóminn.
Má ekki veita
magnafslátt
af þjónustu
Héraðsdómur hafnar kröfu Landssímans
RANNVEIG Sigurðardóttir, hag-
fræðingur ASÍ, segir að stjórnvöld
hafi í samtölum við forystu ASÍ lýst
sig tilbúin að leggja fram fjármuni
til að efla verðlagseftirlit. Hún segir
ekki ákveðið hvernig staðið verði að
því af hálfu ASÍ, en það sé mat sam-
bandsins að fullþörf sé á að auka
verðlagseftirlit, m.a. vegna fákeppni
á matvörumarkaði hér á landi.
Ein af forsendum fyrir gerð
þeirra kjarasamninga sem undirrit-
aðir voru fyrir einu ári var að verð-
bólga færi lækkandi. Rannveig
sagði að þó að það markmið hefði
náðst væri verðbólga enn nokkuð
mikil og menn óttuðust það sem
væri framundan í verðlagsmálum.
Þess vegna hefði ASÍ lagt áherslu á
að verðlagseftirlit yrði aukið með
verðkönnunum, en ASÍ og félög inn-
an þess áttu í samstarfi við Neyt-
endasamtökin um gerð slíkra kann-
ana. Samstarfinu lauk sl. vor. Ekki
hefði verið reiknað með kostnaði við
verðlagseftirlit í fjárhagsáætlun
ASÍ og þess vegna hefði verið leitað
til stjórnvalda.
Rannveig sagði ekki ákveðið
hvernig staðið yrði að gerð verð-
kannana. Til greina kæmi að ASÍ
eitt og sér stæði fyrir þeim, leitaði
yrði eftir samstarfi við Neytenda-
samtökin eða þessi vinna yrði keypt
af öðrum aðilum. ASÍ legði hins
vegar mikla áherslu á að faglega
yrði staðið að málum.
Rannveig sagðist vera þeirrar
skoðunar að almennt væri litlum
fjármunum varið til mála sem
snertu verðlagseftirlit og neytenda-
vernd. Hún sagðist þess vegna
fagna því að stjórnvöld veittu nú
framlag til þessa málaflokks.
Fagnar frumkvæði ASÍ
Guðmundur Sigurðsson, forstöðu-
maður samkeppnissviðs Samkeppn-
isstofnunar, sagði að Samkeppn-
istofnun fagnaði því ef ASÍ eða
Neytendasamtökin færu út í að gera
verðkannanir í meira mæli en gert
hefði verið. Hann sagði að Sam-
keppnisstofnun gerði reglulega
kannanir á verði vöru og þjónustu.
Þeim yrði haldið áfram en það væru
takmörk fyrir því hverju opinber
stofnun gæti komið til leiðar á þessu
sviði ef neytendur og markaðurinn
væri sinnulaus.
ASÍ áformar að standa
fyrir verðlagseftirliti
HÉRAÐSDÓMUR Vestfjarða hefur
dæmt skipstjóra vélbáts sem gerður
er út frá Ísafirði til að greiða 400.000
króna sekt til ríkissjóðs.
Sýslumaðurinn í Bolungarvík höfð-
aði mál gegn skipstjóranum fyrir
meint brot gegn lögum um umgengni
um nytjastofna sjávar.
Hinn 23. október sl. fóru stýrimað-
ur og háseti af varðskipinu Óðni um
borð í vélbátinn, fyrst og fremst til að
mæla stærð fisks. Í frumskýrslu
stýrimanns kemur fram að talsverðu
af undirmálsfiski hafi verið hent í sjó-
inn, eitthvað hafi virst sleppa lifandi
en þó ekki allt. Skipstjórinn hafi verið
áminntur um brottkast afla og hafi
hann undirritað skýrsluna án athuga-
semda.
Skipstjórinn bar fyrir rétti að hann
hefði sleppt fyrir borð fjórum til fimm
lifandi fiskum sem samanlagt hafi
verið um 1-2 kg að þyngd. Hann sagð-
ist hafa borið það undir varðskips-
menn hvort í lagi væri að sleppa lif-
andi fiski og þeir hafi játað því.
Bátsverji sagðist einnig hafa sleppt
nokkrum fiskum vegna smæðar og
hafi stýrimaður varðskipsins talið það
eðlilegt.
Sinntu ekki fyrirmælum
Stýrimaður og háseti varðskipsins
sögðu þessa frásögn ranga. Stýrimað-
ur sagðist hafa séð báða bátsverja
varpa fiski fyrir borð. Þetta hefði ver-
ið dauður fiskur sem ekki mætti kasta
fyrir borð. Hann hefði beðið þá um að
hætta en þeir héldu áfram upptekn-
um hætti. Framburður háseta varð-
skipsins var á sömu lund.
Dómnum þótti ekki varhugavert að
leggja frásagnir varðskipsmanna til
grundvallar um fjölda fiska og at-
burðarás að öðru leyti.
Í dómnum segir að skýrt sé kveðið
á um það í lögum að allan afla úr
nytjastofnum sjávar sem fæst á línu,
hvort sem um er að ræða stóran fisk
eða smáan, skuli koma með að landi.
Skipstjóri ber ábyrgð á því að
þessu lagaboði sé fylgt.
Hann var því dæmdur til að greiða
400.000 krónur í sekt, sem er lög-
bundin refsing fyrir fyrsta brot af
þessu tagi.
Í dómnum er tekið fram að engu
skipti þótt brotin séu framin af gá-
leysi. Ekki sé hægt að lækka refs-
inguna með vísan til þess að skipstjór-
inn hafi talið skylt að sleppa fiskinum
en samkvæmt reglugerð á að sleppa
lifandi þorski og ufsa undir 50 cm og
ýsu styttri en 45 cm sem fæst á hand-
færi.
Héraðsdómur
Vestfjarða
Sekt fyrir
að kasta
afla fyrir
borð