Morgunblaðið - 09.03.2001, Page 31

ÞETTA brosandi andlit sem
börnin á myndinni leika sér í
kringum tilheyrir ísskúlptúr af
móður Teresu.
Skúlptúrinn var á dögunum
að finna í bænum Zdar nad Sa-
zavou í Tékklandi og var hann
verk tveggja tékkneskra lista-
manna sem studdust við ljós-
myndir af móður Teresu við
listsköpun sína.
Móðir
Teresa í
Tékklandi
LISTIR
MORGUNBLAÐIÐ FÖSTUDAGUR 9. MARS 2001 31
Laugavegi 91, s. 511 1717
Nýjar vörur
bolir frá 500
buxur - 1.900
peysur - 1.900
jakkar - 1.900
skór - 990
DÖMUR - SKÓR
HERRAR
KJALLARI
Ný sending frá...
French Connection
Diesel
Kookai
Imitz
Tark
Billi Bi
Done Shoes
Vagabond
DKNY
Mao
Dico
4 you
Café 17
HEIMILDARKVIKMYNDIN
Zhúkov marskálkur – blöð úr ævi-
sögu verður sýnd í bíósal MÍR,
Vatnsstíg 10, sunnudaginn 11. mars
kl. 15.
Í myndinni segir frá frægasta
hershöfðingja Sovétríkjanna í síðari
heimsstyrjöldinni Georgí Zhúkov, en
hann átti m.a. hlut að sigri sovéska
hersins í orrustunni um Moskvu og
stjórnaði síðan hersveitum sem ráku
flótta Þjóðverja vestur á bóginn, allt
til Berlínar. Kvikmyndin skiptist í 7
kafla og lýsir atburðum allt frá átök-
um sem urðu við ána Khalhun-gol í
Asíu á árinu 1939 og til uppgjafar
Þjóðverja í Berlín 1945 og sigurhá-
tíðar sovéska hersins á Rauða torg-
inu í Moskvu nokkrum vikum síðar,
þegar marskálkurinn reið hvítum
hesti við liðskönnun á torginu.
Heimildarkvikmynd þessi er gerð
undir stjórn Marínu Babak sem
samdi handritið ásamt Igor Itskov.
Hinn kunni fréttamaður og rithöf-
undur Konstantin Simonov kemur
fram í myndinni í viðtali við hers-
höfðingjann. Skýringar eru á ensku.
Mynd um Zhúkov
marskálk í MÍR
SÝNINGAR á Vitleysingunum eftir
Ólaf Hauk Símonarson í Hafnar-
fjarðarleikhúsinu falla niður helgina
9. og 10. mars vegna veikinda.
Er þetta önnur helgin í röð sem
sýningar liggja niðri vegna veikinda
Gunnars Helgasonar sem þó eru óð-
um að ná sér.
Næstu sýningar á Vitleysingunum
verða helgina 16. og 17. mars.
„Mikil aðsókn hefur verið í Hafn-
arfjarðarleikhúsið í vetur og er hér
þegar um að ræða næst vinsælustu
sýningu leikhússins til þessa á eftir
Himnaríki Árna Ibsen,“ segir í frétt
Hafnarfjarðarleikhússins, Hermóðs
& Háðvarar.
Hafnarfjarðarleikhúsið
Sýningar
falla niður
Listasafn ASÍ
Sýningu Sigrúnar Eldjárn í Lista-
safni ASÍ í Ásmundarsal við Freyju-
götu lýkur sunnudaginn 11. mars.
Þar má bæði sjá málverk og bók-
verk. Í salnum uppi eru olíumálverk
en bókverkin eru niðri, í Gryfjunni
svokallaðri.
Sýningum lýkur
Gallerí Fold
Málverkasýningu Kjartans Guð-
jónssonar í Baksalnum í Galleríi
Fold, Rauðarárstíg 14-16, lýkur
sunnudaginn 11. mars.
Gallerí Fold er opið daglega frá kl.
10 til 18, laugardaga frá 10 til 17 og
sunnudaga frá kl. 14 til 17.
♦ ♦ ♦
♦ ♦ ♦
Í GALLERÍI Innsýni, Skólavörðu-
stíg 22c, verður opnuð í dag kl. 20
sýning Hannesar Lárussonar
myndlistarmanns. Innsýni er vett-
vangur fyrir orð og setningar og er
þetta önnur sýningin í galleríinu.
Verk Hannesar fyrir sýningar-
gluggann fjallar um sértækt tungu-
tak listaheimsins eins og það birt-
ist í nokkrum handhægum
lykilorðum og orðasamböndum.
Málpípa hans í verkinu er samþætt
fígúra sem dregur jafnt dám af
hana, manni og páfagauki – gamall
kunningi úr ýmsum fyrri verkum
listamannsins.
Sýninguna er hægt að skoða á
öllum tímum sólarhringsins og
stendur hún yfir í einn mánuð.
Tungutak
í Innsýni
Geisladiskahulstur
aðeins 500 kr.
NETVERSLUN Á mbl.is