Morgunblaðið - 09.03.2001, Qupperneq 33

LISTIR
MORGUNBLAÐIÐ FÖSTUDAGUR 9. MARS 2001 33
K
O
R
T
E
R
...veldu rétt
kr.
kr.
Frábært
LJÓÐ og djass hafa átt samleið allt
frá dögum „bítnikk“-skáldanna
bandarísku og um 1970 las Jóhann
Hjálmarsson ljóð við djassundirleik í
Svíþjóð. Voru þar með honum þrír
fimmtu Útlendingahersveitarinnar
nafnkunnu: Þórarinn Ólafsson, Jón
Páll Bjarnason og Pétur Östlund. Á
Listahátíð 1972 var Jóni Óskari skáldi
falið að setja saman dagskrá með ljóð-
um og djassi. Jón var gamall píanisti
og hafði m.a. föndrað við djass og
fyrstur Íslendinga ort ljóð undir
áhrifum frá djasshryn. Fékk hann
Árna Elfar píanista til að stjórna tón-
listinni en sjálfur valdi hann ljóð eftir
sex höfunda er allir töldust til atóm-
skáldanna, enda taldi hann form
þeirra henta djassinum betur en ljóð
hinna hefðbundnu skálda. Hvort
tveggja var list formbyltingar. Ingi-
björg Stephensen og Róbert Arn-
finnsson fluttu ljóðin en Árni fékk til
liðs við sig Gunnar Ormslev, Helga
Kristjánsson og Guðmund R. Einars-
son. Léku þeir verk eftir Dave Bru-
beck milli þess er þeir spunnu undir
lestrinum.
Ekkert skáld hefur þó verið djass-
sæknara en upphafsmaðurinn, Jó-
hann Hjálmarsson. Nöfn tveggja síð-
ustu ljóðabóka hans draga nöfn af
upphafskvæðunum þeirra og sækja
til Eyrbyggju. Marlíðendur (1998) og
Hljóðleikar (2000). Ljóðin eru mögn-
uð og samdi bandaríska tónskáldið
William Harper verk byggt á því fyrr-
nefnda og nú hefur Carl Möller samið
tónlist við Hljóðleika og þrjú önnur
ljóð bókarinnar. Karl Guðmundsson
leikari og djasstríó Carls Möllers
frumfluttu verkin á Háskólatónleik-
um í Norræna húsinu sl. miðvikudag
og auk þess flutti Carl fjóra ópusa án
ljóða og Karl las tvö ljóð án tóna.
Upphafsverkið var Sir Pipp sem
lengi hefur fylgt ljóðadjassinum og
síðan var komið að kvæðinu Hljóð-
leikar er upphefst svo: ,, Hljóðleikar
sækja nú að okkur. Við mælum fátt./
Þeir sem leita í hús eru ekki allir með-
al okkar.“ Carl lék myrka tóna er
minntu á Nornafjall Mússorgskíjs og
Karl las. ,,Sá sem leitar í hús/ er lif-
andi dauður......Sædrifinn kemur
hann inn/ sest við eldana.“ Síðan var
sitt lítið af hverju. Polkadans Carls,
Cirkus, hefði mátt missa sín í þessari
dagskrá en tónaljóðið um Ikarus,
hundinn sem megnar „að lýsa upp
andlegt skammdegi,“ féll vel að dag-
skránni og söngdansspuninn við Ég
hef flogið var ljúfur. Besti hluti tón/
ljóðleikanna voru þrjú síðustu ljóðin
sem mynduðu magnaða heild ásamt
tónlist Carls.Hann upphófst á Ópinu
þar sem impressjónískir tónar
skreyttu lestur og er tónarnir dóu út
hóf Karl að lesa Drukknun Skúla
Jónssonar í Hallsbæ undir Ólafsvík-
urenni 1852 og hefst
ljóðið á tilvitnun í
Grím Thomsen: „Sjó-
arhljóðs orgelið
drundi.“ Er Karl
hafði lokið síðustu
ljóðlínunum: „Dimm-
an og kafaldið/hjöluðu
um sjódauðann sæta.“
hljómuðu voldugir
tónar frá píanóinu:
,,Víst ertu Jesú kóng-
ur klár.“ Fagurt tóna-
ljóð fylgdi í kjölfarið
og loks voru Hljóð-
leikar endurteknir –
og voru þrungnir enn
meiri krafti en í upp-
hafi tónleikanna. „Hljóðleikar sækja
að/ Nótt er myrk við nes.“
Seinni hluti tónleikanna var heil-
stætt verk og enn betri en ég hafði bú-
ist við. Þó þarf að tónsetja drukknun
Skúla og lagfæra ýmis minni háttar
atriði til að verkið nái áhrifamætti sín-
um til fulls. Þó má einfaldleikinn sem
einkennir tríóið ekki hverfa. Frábær
burstaleikur Guðmundar og léttur
spilamáti Birgis rímuðu vel við tilfinn-
ingaríkan norrænan píanóhljóm
Carls Möllers. Eilítið spillti fyrir
ágætum lestri Karls Guðmundssonar
hversu hörmulegt hljóðkerfi Nor-
ræna hússins er. Það þarf greinilega
samnorrænt átak til að kippa því í lið-
inn.
Hljóðleikar sækja að
DJASS
N o r r æ n a h ú s i ð
Karl Guðmundsson rödd, Carl
Möller píanó, Birgir Bragason
bassa og Guðmundur Stein-
grímsson trommur.
Miðvikudaginn 7.3.2001.
KARL GUÐMUNDSSON
OG TRÍÓ CARLS
MÖLLERS
Jóhann
Hjálmarsson
Carl
Möller
Vernharður Linnet
Á FERÐ nefnir Hrönn Eggerts-
dóttir myndmenntakennari á Akra-
nesi, sýningu á 32 málverkum í
Stöðlakoti við Bókhlöðustíg. Öll virð-
ast þau ný af nálinni í ljósi hinnar
fersku áferðar, og sýndust mér flest
bera ártalið 2000, en upplýsingar um
ártöl hafa orðið eftir við vinnslu sýn-
ingarskrár. Og miðað við stærð
myndanna virðast þau mikið til hafa
verið gerð með þetta sérstaka rými í
huga, án þess að um beina innsetn-
ingu í nútímaskilningi sé að ræða.
Hrönn getur ekki talist nýgræð-
ingur á sýningavettvangi í ljósi þess
að um áttundu einkasýninguna er að
ræða, jafnframt því að hún hefur
tekið þátt í viðlíka fjölda samsýn-
inga, í báðum tilvikum nær alltaf á
heimaslóðum. Hins vegar er þetta
fyrsta sýning Hrannar í höfuðborg-
inni og má því öðrum þræði skoðast
sem frumraun. Í ljósi þessa var rýn-
irinn mættur á staðinn klukkan rétt
rúmlega tvö daginn eftir opnunina,
en kom að lokuðum dyrum enda op-
ununartíma verið hnikað um klukku-
stund, færður á nón. En fyrir vikið
náði ég ekki að nálgast sýninguna
fyrr en viku seinna, sennilega far-
sælla að fækka sýningardögum og
rýmka um leið sýningartímann, sam-
ræma hann meira listasöfnunum.
Yfirbragð sýningarinnar, þoku-
kennt og mistrað, kom nokkuð á
óvart, ekki svo að þessir þættir séu
öðrum óæðri sem myndefni, heldur
meðhöndlun Hrannar á því. Litir í
bland íburðarmiklir, með rautt og
blátt sem leiðarstef í flestum tilvik-
um og minnir samsetning þeirra
óneitanlega á sitthvað í málverkum
Sjafnar Haraldsdóttur, stöllu henn-
ar og skólasystur. Er svo sem sök
sér, en hér saknar maður mark-
vissra og blóðríkra átaka við lit, efni
og form, ásamt því að burðargrindin
mætti að ósekju vera sterkari.
Margt bendir til þess, að Hrönn hafi
gefið sér fullskamman tíma til
myndrænna rannsókna, og undir-
búnings, þannig ekki gott að ákvarða
af þessum málverkum hvar hún í
raun og veru er á vegi stödd, einkum
vegna þess að maður hefur á tilfinn-
ingunni að hennar eigið sjálf nái ekki
að þrengja sér fram. Er von að
mistrinu og þokunni létti þannig að
móti fyrir skýrari og eðlisbundnari
einkennum málarans Hrannar Egg-
ertsdóttur.
Morgunblaðið/Jim Smart
Eitt af málverkum Hrannar Eggertsdóttur.
Á ferð
MYNDLIST
S t ö ð l a k o t
Opið alla daga frá 15–18.
Lokað mánudaga.
Til 11. mars. Aðgangur ókeypis.
MÁLVERK –
HRÖNN
EGGERTSDÓTTIR
Bragi Ásgeirsson
FYRIRLESTUR verður í Listahá-
skóla Íslands á Laugarnesvegi 91
mánudaginn 12. mars kl. 12.30 í stofu
024. Inga Svala Þórsdóttir fjallar um
eigin verk.
Inga Svala útskrifaðist 1991 úr
málaradeild MHÍ. Það ár fór hún í
framhaldsnám við Listaakademíuna
í Hamborg, útskrifaðist þaðan 1995
og kennir í sama skóla frá 1999. Inga
Svala býr og starfar í Þýskalandi.
Hún er gestakennari við LHÍ.
John Tree heldur fyrirlestur í
LHÍ , Skipholti 1, miðvikudaginn 14.
mars kl. 12.30 í stofu 113.
Tree er breskur iðnhönnuður sem
útskrifaðist frá hönnunardeild
Kingston University árið 1989. Síðan
þá hefur hann unnið á hönnunarsvið-
inu bæði sem hönnuður og leiðbein-
andi.
Námskeið
Námskeið verður um umbrot
prentgripa. Kennd verða undir-
stöðuatriði umbrots í QuarkXPress
umbrotsforritinu. Námskeiðið er
grunnnámskeið, ætlað þeim sem
hafa grunnþekkingu á tölvum. Kenn-
ari er Margrét Rósa Sigurðardóttir,
prentsmiður og kennari í grafískri
hönnun í LHÍ. Kennt verður í tölvu-
veri Listaháskóla Íslands, stofu 301,
Skipholti 1. Inngangur A. Kennslu-
tími er mánudag til fimmtudags 19.–
22. mars, kl. 18–22, alls 20 stundir.
Þátttökugjald 16.000 krónur.
Myndgerð – efni – áhöld – litir
nefnist annað námskeið. Það er
kynning á ýmsum efnum og áhöldum
í myndgerð. Fjallað um litameðferð,
pappírsnotkun og einfaldar grafík-
aðferðir. Unnið verður með blek,
vatnsliti, akrýl- og pastelliti, lakk,
vax o.fl.
Kennari Sigurborg Stefánsdóttir
myndlistarmaður. Kennt verður í
húsnæði Listaháskóla Íslands í Skip-
holti 1, stofu 308, inngangur B.
Kennslutími mánudaga 19. og 26.
mars og miðvikudaga 21. og 28.
mars, kl. 18–22, alls 20 stundir. Þátt-
tökugjald 16.000 krónur.
Þá verður haldið námskeið undir
yfirskriftinni rýmishönnun. Kynntir
verða helstu frumþættir hönnunar
og hvernig þeir koma fram í allri
hönnun. Umfjöllunin verður tengd
ýmsum dæmum úr hönnunarsög-
unni og tilraunum þátttakenda.
Kennari Elísabet V. Ingvarsdóttir
innanhússarkitekt FHI. Kennt verð-
ur í Listaháskóla Íslands, stofu 113,
Skipholti 1. Inngangur B. Kennslu-
tími miðvikudagana 21. og 28. mars,
kl. 18–22, laugardagana 24. og 31.
mars, kl. 10–14.30, alls 20 stundir.
Þátttökugjald 15.000 krónur.
Fyrirlestrar í opna
Listaháskólanum
TÓNLISTARSKÓLI Hafn-
arfjarðar stendur fyrir
píanónámskeiði með ítalska
píanóleikaranum Domenico
Codispoti á morgun, laug-
ardag.
Námskeiðið verður hald-
ið í Hásölum Tónlistarskóla
Hafnarfjarðar og stendur
yfir frá kl. 10:00–12:00 og
13:00–16:00. Virkir þátt-
takendur á námskeiðinu verða 9
nemendur frá 6 tónlistarskólum á
höfuðborgarsvæðinu og eru þeir á
efri stigum námsins og við fram-
haldsnám í Tónlistarskóla Reykja-
víkur.
Leiðbeinandi námskeiðsins,
Domenico Codispoti, er fæddur ár-
ið 1975 á Suður-Ítalíu. Hann nam
píanóleik hjá Ítalanum
Bruno Mezzena, sem var
nemandi m.a. hjá Arturo
Benedetti Michelangeli og
Marguerite Long. Cod-
ispoti lauk námi með
hæstu einkunn og er
margverðlaunaður fyrir
leik sinn.
Fyrir ári lék hann við
góðar undirtektir á
Tíbrártónleikum í Salnum í Kópa-
vogi og á vegum Tónlistarfélags
Ísafjarðar en í þetta sinn er hann
hingað kominn til að leika 1. píanó-
konsert Fr. Chopins með Sinfón-
íuhljómsveit Íslands.
Námskeiðið á vegum Tónlistar-
skóla Hafnarfjarðar er öllum opið
og er gjald fyrir áheyrn 1.000 kr.
Codispoti með námskeið
Domenico
Codispoti