Morgunblaðið - 09.03.2001, Side 59

FRÉTTIR
MORGUNBLAÐIÐ FÖSTUDAGUR 9. MARS 2001 59
Aðalfundur
Hraðfrystihússins - Gunnvarar hf.
Aðalfundur Hraðfrystihússins - Gunnvarar hf. vegna starfsársins 2000
verður haldinn í kaffisal félagsins í Hnífsdal,
laugardaginn 24. mars nk. og hefst kl. 14:00.
DAGSKRÁ:
1. Venjuleg aðalfundarstörf samkvæmt samþykktum félagsins.
2. Tillaga um heimild félagsins til að kaupa eigin hluti samkvæmt 55. gr.
hlutafélagalaga.
3. Önnur mál sem löglega eru upp borin.
Ársreikningur félagsins, ásamt skýrslu endurskoðenda, mun liggja frammi á skrifstofu
félagsins, hluthöfum til sýnis, viku fyrir aðalfund.
Dagskrá aðalfundar, atkvæðaseðlar og önnur fundargögn verða afhent klukkustund fyrir
fund.
Að loknum aðalfundarstörfum verður hluthöfum, starfsmönnum og öðrum velunnurum
boðið upp á léttar veitingar í Félagsheimilinu í Hnífsdal í tilefni af 60 ára afmæli
félagsins.
STJÓRN HRAÐFRYSTIHÚSSINS - GUNNVARAR HF.
JÓHANN Breiðfjörð heldur fyr-
irlesturinn „Í sjöunda himni“ í sal
101 í Odda í Háskóla Íslands laug-
ardaginn 10. mars kl. 14. Aðgangs-
eyrir er 1.000 kr. Jóhann heldur
fyrirlesturinn á eigin vegum og
leigir einungis aðstöðuna í Odda.
Í fréttatilkynningu segir: „Þessi
fyrirlestur er ekki fyrir viðkvæm-
ar sálir þar sem fjallað verður um
málefni sem geta rist djúpt í hug-
ann, hjartað og sálina. Fyrirles-
arinn mun segja frá eigin reynslu
af því að drukkna og því sem hann
skynjaði í þær 3–5 mínútur sem
líkaminn var látinn. Fyrirlesturinn
var áður haldinn hinn 25. nóvem-
ber en verður endurtekinn vegna
fjölda fyrirspurna. Það skal tekið
sérstaklega fram að umfjöllunin er
ekki trúarlegs eðlis heldur einung-
is byggð á beinni skynjun og
reynslu.
Markmiðið með umfjölluninni er
að lýsa upp þetta dimma málefni
og kenna fólki að nýta meðvitund-
ina um dauðann sér í hag. Hún
getur nefnilega verið okkar mesti
fjörgjafi og getur verið fyrsta
skrefið í áttina að lífshamingju. Í
þessari reynslu er líka að finna
fegurð sem gæti sefað ótta margra
og hlýjað einhverjum um hjarta-
ræturnar.“
Fyrirlesarinn, Jóhann Breið-
fjörð, hefur meðal annars starfað
sem hugmyndasmiður, hönnuður
og ráðgjafi fyrir Lego í fimm ár og
haldið fjölda fyrirlestra um skap-
andi hugsun fyrir almenning og
innan fyrirtækja.
Segir frá
eigin
reynslu
Í TILEFNI af því að Kírópraktora-
félag Íslands (KÍS) hefur hlotið inn-
göngu í Evrópusamband kíróprakt-
ora (ECU) mun stjórn ECU funda
hér á landi 9.-11. mars. n.k. Meðal
þess sem rætt verður er staða kíró-
praktíkur á Íslandi, bæði hvað varð-
ar lagalega stöðu og viðurkenningu
almennings á meðferð kírópraktora.
Í ECU eru nú kírópraktorafélög
17 landa og þegar Ísland verður
formlega komið í hópinn verða þau
18. ECU hefur unnið gríðarlega mik-
ið starf til kynningar á kírópraktík í
Evrópu fyrir Evrópuþinginu, stjórn-
málamönnum og embættismönnum
Evrópusambandsins. Einnig hefur
sambandið hjálpað kírópraktorum í
mörgum Evrópulöndum við að öðl-
ast starfsréttindi og löggildingu.
ECU heldur tvo fulltrúaráðsfundi
á ári hverju og þar mun fulltrúa Ís-
lands gefast kostur á að viðra þau
mál sem eru efst á baugi hér á landi
og leita aðstoðar frá sambandinu.
Með inngöngu í ECU og virku starfi
innan sambandsins kemur starf
kírópraktora til með að eflast á Ís-
landi, segir í fréttatilkynningu.
Fær inngöngu
í Evrópu-
samband
kírópraktora
Krabbameinslækningar
Grein um krabbameinslækning-
ar birtist í blaðinu í gær, eftir
Ragnheiði I. Þórarinsdóttur,
Kjartan Má Kjartansson, Rós-
björgu Jónsdóttur, Árna Ólafsson
og Jón Ásgeir Sigurðsson. Þau
leiðu mistök urðu við uppsetningu
greinarinnar í blaðinu að línurit,
annars vegar um lífslíkur karla
með blöðruhálskrabbamein og hins
vegar karla með lungnakrabba-
mein, hafa víxlast. Enn fremur
eiga tölur í línuriti yfir brjósta-
krabbamein eingöngu við konur.
(Myndatexti greinarinnar var
styttur við uppsetningu). Hlutað-
eigandi eru beðnir afsökunar.
Ranglega nefnd
Í frétt á landsíðunni í gær var
sagt frá ungum ökumönnum í
Borgarnesi á námskeiði. Í mynda-
texta var Kristín Lára Geirsdóttir
ranglega nefnd og er beðist vel-
virðingar á því.
Leiðrétt
LÍFVÍSINDI – leiðin á markað er
yfirskrift Nýsköpunarþings sem
haldið er í dag, föstudaginn 9. mars,
í Versölum, Hallveigarstíg 1, kl. 8-
10.
Á þinginu verða afhent í sjötta
sinn Nýsköpunarverðlaun RANNÍS
og Útflutningsráðs og eru fyrri
verðlaunahafar Bláa lónið, Flaga
hf., Íslensk erfðagreining, Hugvit
hf. og Vaki fiskeldiskerfi hf.
Á þinginu mun Guðni Ágústsson
landbúnaðarráðherra flytja ávarp í
upphafi fundar., Steven M. Fergus-
son yfirmaður hjá stærstu heil-
brigðisvísindastofnun Bandaríkj-
anna, National Institute of Health,
flytur erindi um arðsemi lífvísinda,
Jakob K. Kristjánsson forstjóri
Prokaria ræðir þróunina í líftækni á
Íslandi og Ólafur Sigurðsson sjóð-
stjóri hjá Talentu fjallar um fram-
taksfjárfestingu í líftækni.
Nýsköpunar-
þing í dag
evrópsku samstarfi. Ráðstefnan
hefst í dag kl. 13 með ávarpi
Björns Bjarnasonar menntamála-
ráðherra, og enn fremur verður ný
stefna menntamálaráðuneytisins í
rafrænni menntun 2001–2003
kynnt.
Aðalfyrirlesari ráðstefnunnar,
dr. Patricia L. Rogers, fjallar um
breytingar á menntun vegna áhrifa
upplýsinga- og samskiptatækni.
Fyrirlestrar um fartölvuvæðingu
og breytta starfshætti skóla, raf-
rænt nám, sambúð íslensku og
nýrrar tækni, störf kennarans í
upplýsingatæknisamfélagi, bóka-
söfn á upplýsingaöld og nýjar
lausnir sem auðvelda dreifmenntun
verða á dagskrá föstudagsins.
Laugardaginn 10. mars hefst
dagskráin kl. 9 og verður lögð
áhersla á fartölvuvæðingu fram-
haldsskólanna, nýjar kennsluað-
ferðir í háskólum, samskiptaverk-
efni á Netinu, stafrænt námsefni,
dreifnám og notkun tölva í leik- og
grunnskólum.
Báða dagana verða smiðjur þar
sem ráðstefnugestum býðst að
kynnast og prófa nýjungar í
MENNTAMÁLARÁÐUNEYTIÐ
stendur fyrir UT2001 – ráðstefnu
um upplýsingatækni í skólastarfi
9.– 10. mars nk. Ráðstefnan verður
haldin í Borgarholtsskóla og er
yfirskrift hennar „Rafrænt
menntakerfi – breyttir kennslu-
hættir“.
UT2001 er stærsta ráðstefna í
upplýsingatækni sem haldin er á
Íslandi. Á ráðstefnunni munu rúm-
lega 100 sérfræðingar íslenskir og
erlendir halda erindi og er gert
ráð fyrir að þátttakendur verði um
800. Á UT2001 verður fjallað um
notkun upplýsingatækninnar á
leik-, grunn-, framhalds- og há-
skólastigi og er ráðstefnan kjörinn
vettvangur fyrir þá sem áhuga
hafa á þróun upplýsingatækninnar
í skólastarfi og breyttum kennslu-
háttum.
Haldin verða erindi um nýjar og
breyttar kennsluaðferðir, fartölvu-
væðinguna, þróunarstarf, rafræna
menntun, bókasöfn á upplýsinga-
öld, sambúð íslensku og nýrrar
tækni, gagnvirkt námsefni, tækni-
legar lausnir og tækifæri til sam-
starfs og símenntunar sem felast í
kennsluhugbúnaði og tæknilausnir
verða kynntar.
Sérfræðingar í heildarlausnum
fyrir skóla varðandi tengingar og
annan tæknibúnað verða á staðn-
um til að veita upplýsingar ásamt
notendum í skólum þar sem bún-
aður er kominn upp.
Pallborðsumræður undir yfir-
skriftinni 8vitar í upplýsingatækni
verða á dagskrá kl. 15–16, laug-
ardaginn 10. mars, og eru þátttak-
endur eftirfarandi: Björn Bjarna-
son menntamálaráðherra, Atli
Harðarson framhaldsskólakennari,
Bergljót Arnalds rithöfundur,
Margrét Dóra Ragnarsdóttir, Oz.-
com, Sigríður Erla Óskarsdóttir
nemandi og Sölvi Sveinsson skóla-
meistari. Stjórnandi pallborðs er
Guðbjörg Sigurðardóttir, formaður
verkefnisstjórnar um upplýsinga-
samfélagið.
Mennt – samstarfsvettvangur
atvinnulífs og skóla er fram-
kvæmdaraðili ráðstefnunnar.
Frekari upplýsingar um UT2001
er að finna á: www.mennt.is/
UT2001 og www.menntamalaradu-
neyti.is.
UT2001 – ráðstefna um upp-
lýsingatækni í skólastarfi
♦ ♦ ♦
♦ ♦ ♦
alltaf á fimmtudögum