Morgunblaðið - 22.03.2001, Blaðsíða 6
FRÉTTIR
6 FIMMTUDAGUR 22. MARS 2001 MORGUNBLAÐIÐ
GUÐRÚN Þórhallsdóttir Ludwig
og Thomas Mikael Ludwig eru
ekki bara hjón heldur líka vinnu-
félagar. Daglega dvelja hvorki
fleiri né færri en 14 börn á heimili
þeirra í Fossvogi þar sem þau
starfa sem dagforeldrar. Enda er
engu líkara en komið sé á lítinn
leikskóla þegar gengið er inn til
þeirra, lítil kríli sitja í hverju horni
upptekin við púsluspil og annað
sýsl.
„Ég var búin að vera í þessu í
átta ár þegar við byrjuðum að
vinna saman,“ segir Guðrún. „Ég
hafði verið í krefjandi vinnu og við
áttum litla dóttur sem mér fannst
ég hafa vanrækt svolítið og því
ákvað ég að gera þetta um tíma.“
Thomas sem er garðyrkjufræð-
ingur að mennt segir ekki hafa
verið erfiða ákvörðun að ganga til
liðs við konu sína: „Ég var búinn að
vera í vaktavinnu í átta ár og lang-
aði að breyta til og þegar ég var á
frívakt kynntist ég börnunum og
fannst þau mjög skemmtileg. Svo
nefndi Guðrún það að við gætum
starfað saman svo ég sló til.“ Síðan
eru fjögur ár og Thomas segir að
sér líki mjög vel við starf sitt.
Börnin sem dvelja hjá þeim eru á
aldrinum eins árs til þriggja ára og
þótt þau séu fjórtán talsins eru
mörg þeirra í gæslu aðeins hluta
úr degi þannig að alls eru um tíu
heilsdagspláss hjá þeim hjónum.
Þau segja ágætlega ganga að hafa
stjórn á skaranum enda séu börnin
yfirleitt góðir vinir. „Ef maður
spyr krakkanahver þeim finnist
vera bestur eiga þeir í erfiðleikum
með að gera upp á milli. En svo
geta þau verið eins og hundur og
köttur inn á milli, eins og kær-
ustupar eða hjón,“ segir Guðrún og
hlær innilega.
Tyggjó á föstudögum
Þau segja marga kosti við að
vera fleiri en einn í daggæslunni,
til dæmis verði þau síður ein-
angruð og einmana. „Við erum líka
með ákveðna verkaskiptingu,“ seg-
ir Thomas. „Ég leik til dæmis við
þau sem eru búin að borða á
morgnana þannig að Guðrún getur
einbeitt sér að þeim sem eru eftir.“
Þau segjast vera búin að koma sér
upp mjög ákveðnu verklagi sem sé
nauðsynlegt til að allt gangi upp.
Aftur á móti sé fjölbreytnin það
skemmtilegasta við starfið því að
eiginlega sé engin mínúta eins og
dagarnir mjög fljótir að líða þrátt
fyrir langan vinnudag sem er frá
klukkan hálfátta á morgnana til
hálfsex á kvöldin. Það kemur upp
úr dúrnum að lífið hjá börnunum í
Fossvoginum er ekki aldeilis til-
breytingarsnautt. „Við höfum sjón-
varp bara einu sinni í viku, á föstu-
dögum, en þeir eru svolítið
öðruvísi hjá okkur. Þá leyfum við
þeim að horfa á bíó og borða popp.
Þá koma þau líka í kjólum og upp-
áklædd og dansa þá kannski svolít-
ið. Svo fá þau tyggjó þegar þau
fara heim því föstudagarnir eru
tyggjódagarnir. Oft eru brosverð-
laun líka á föstudögum, kannski
íspinni eða eitthvað svoleiðis, en
þau fá þeir sem eru duglegir að
brosa í vikunni. Svo er mjög
skemmtilegt þegar Tom fer með
þau í leikfimi því að þá standa þau í
hring hér á teppinu og reyna öll að
gera eins og hann,“ segir Guðrún
og brosir að tilhugsuninni.
Vagnar í öllum
herbergjum
Þegar svipast er um á heimili
þeirra fer ekki á milli mála að allt
er undirlagt undir börnin, leikföng
eru í öllum hornum, jafnvel garð-
urinn er fullur af leiktækjum. Dag-
foreldrunum finnst það þó ekkert
tiltökumál. „Við reynum auðvitað
að gera þetta eins og heimili um
helgar og á kvöldin og þegar dóttir
okkar var heima reyndum við að
hafa þetta sem eðlilegast fyrir
hana. Annars eru vagnar inni í
hverju herbergi en þetta hefur
gengið vel,“ segir Guðrún.
Um þriggja ára aldur fara flest
börnin að tínast burt frá þeim Guð-
rúnu og Thomasi því að þá tekur
leikskólinn við. Þau segjast stund-
um dauðsjá eftir þeim. „Þetta eru
svo miklir afbragðskrakkar,“ segir
Guðrún og bætir kímin við: „Einn
sem hætti hjá okkur í haust kenndi
voðalega í brjósti um okkur og
sagðist ætla að koma til okkar aft-
ur þegar hann væri búinn í leik-
skólanum enda létum við hann
óspart vita af því að við myndum
sjá eftir honum. En svo kom lítill
frændi hans í staðinn og hann er
nú dálítið líkur honum.“ Hún segir
heldur ekki óalgengt að börn í
sömu fjölskyldunum komi til
þeirra. „Sumar mömmurnar eru
komnar af stað núna sem eru með
barn hérna fyrir þannig að þær
koma kannski eftir ár með það
næsta. Það er því næstum hægt að
segja að þetta sé orðið sjálfbært
hjá okkur.“
Þau segjast vel geta hugsað sér
að vinna við þetta þar til þau setj-
ast í helgan stein en þau eru bæði
um sextugt. „Okkur kemur svo
ágætlega saman, annars gætum við
þetta ekki,“ segir Guðrún og bætir
við að þau séu vön að starfa saman
enda ráku þau garðyrkjubýli í
Borgarfirði áður en þau fluttu í
borgina. Thomas segir líka vera
mikils virði að vera sjálfs sín herra.
Fleira kemur þó til og þau við-
urkenna að vera miklar barnagæl-
ur. „Maður verður náttúrlega að
hafa gaman af börnum og hafa
áhuga á uppeldismálum til að end-
ast í þessu,“ segja þau Guðrún og
Thomas að lokum.
Nóg að gera hjá fjórtán barna
„foreldrum“ í Fossvoginum
Morgunblaðið/Ásdís
Við litla húsið í garði Thomasar og Guðrúnar. Sum barnanna voru feimin og földu sig fyrir ljósmyndaranum.
ÁSTÆÐA er til að endurskoða pen-
inga- og gengisstefnuna hér á landi
og íhuga hvort minnka eigi vægi
fastgengisstefnunnar og taka upp
formleg verðbólgumarkmið. Þetta
kemur fram í skýrslu Þjóðhags-
stofnunar sem birt var á þriðjudag
og fjallar um framvinduna og horfur
í þjóðarbúskapnum.
Í skýrslunni segir að vandi Seðla-
bankans við að framfylgja núver-
andi peninga- og gengisstefnu felist
í því að annars vegar hafi hann beitt
háum vöxtum til aðhalds en hins
vegar notað gengisviðmið sem
markmið. Markaðsaðilar hafi litið á
þetta sem ákveðna „gengistrygg-
ingu“ og fyrir vikið séð mikil hagn-
aðartækifæri í þeim vaxtamun sem
hefur verið milli Íslands og annarra
landa. Það hafi síðan örvað erlenda
lántöku og grafið undan þeim ávinn-
ingi sem hverju sinni hefur náðst til
lækkunar verðbólgu. Þannig virki
háir vextir ekki til fulls nema að
óvissa um þróun gengisins komi í
veg fyrir að innlendir aðilar reyni að
hagnast á vaxtamuninum.
„Veikleiki núverandi gengis-
stefnu er því sá að við hana verður
ekki staðið vegna nálægðar við efri
vikmörkin nema um leið að tryggja
lántakendum í erlendum gjaldeyri
hagnað vegna umrædds vaxtamun-
ar,“ segir í skýrslunni.
Þá er staðhæft að aðhald í efna-
hagsstefnunni á árunum 1998 og
1999 hafi verið ófullnægjandi og þar
sé að finna rætur eftirspurnarþensl-
unnar. Fyrir þann tíma hafi innlend
verðbólga verið á sama róli og í
helstu viðskiptalöndum okkar en
fljótlega hafi farið að sækja í u.þ.b.
tvöfalda verðbólgu hér á landi.
Því er lagt til að vægi ríkisfjár-
málastefnunnar í hagstjórninni
verði aukið. Auk þess er talið æski-
legt að efla ýmsa þætti fjármálaeft-
irlitsins í því skyni að tryggja að
lánastofnanir haldi áhættu sinni inn-
an þeirra marka sem eðlilegt getur
talist með tilliti til þeirra hag-
sveiflna sem búast má við í íslensk-
um þjóðarbúskap.
Skýrsla Þjóðhagsstofnunar um efnahagsframvinduna
Endurskoða þarf pen-
inga- og gengisstefnuna
HARALDUR Johannessen ríkislög-
reglustjóri undrast ummæli sem
höfð hafa verið eftir lögreglunni í
Reykjavík um að mennirnir þrír sem
nú sitja í gæsluvarðhaldi vegna inn-
brots í verslanir Hans Petersen og
Bræðranna Ormsson tengist rúss-
nesku mafíunni.
Alþjóðadeild ríkislögreglustjóra
hefur séð um þann þátt rannsókn-
arinnar sem snýr að gagnaöflun er-
lendis. Haraldur sagði í samtali við
Morgunblaðið í gær að embætti rík-
islögreglustjóra hefði ekki fengið
neinar upplýsingar um að mennirnir
þrír væru meðlimir í rússnesku maf-
íunni eða tengdust henni. „Þá tel ég
óeðlilegt að fjalla með þessum hætti,
opinberlega um mál eða einstaklinga
sem lögreglan hefur til rannsóknar.
Ég tel að betur fari á því að gæta
hófs og varfærni sé í fullyrðingum og
umfjöllun lögreglu um sakamál,“
sagði Haraldur.
Gríðarlegt starf hefur verið
unnið vegna Schengen
Þá segir Haraldur að þau ummæli
sem birtust í Morgunblaðinu í gær,
að það sé mat lögreglunnar að
Schengen-samningurinn sé ekki til
þess fallinn að sporna við því að
skipulögð afbrotastarfsemi muni
aukast hér á landi, hljóti að vera á
ábyrgð þeirra sem létu þau falla.
Þessi ummæli lýsi ekki afstöðu eða
mati yfirstjórnar lögreglu í landinu.
„Gríðarlegt starf hefur verið unnið
vegna Schengen og maður hlýtur að
ætla að það leiði til þess að herða eft-
irlit með afbrotamönnum og efla
samskipti lögreglu þeirra landa sem
eiga aðild að Schengen-samstarf-
inu,“ segir Haraldur.
Ekki upp-
lýsingar um
tengsl við
rússnesku
mafíuna
PÓSTMANNAFÉLAG Íslands
undirritaði í gær nýjan kjarasamn-
ing við Íslandspóst hf.
Samningur, sem félagið gerði við
Íslandspóst 12. febrúar sl., var felld-
ur í atkvæðagreiðslu félagsmanna.
Í fréttatilkynningu frá félaginu
segir að til viðbótar við ákvæði
samningsins frá 12. febrúar hafi nú
náðst fram breytingar á tilfærslum
milli launaflokka, hækkun á upp-
hafsprósentu, hækkun orlofsuppbót-
ar o.fl.
Þá segir að samingur sé í sam-
ræmi við það sem samið hafi verið
um á undanförnum mánuðum á al-
mennum markaði.
Póstmenn
semja á ný
♦ ♦ ♦