Morgunblaðið - 22.03.2001, Blaðsíða 24

ÚR VERINU
24 FIMMTUDAGUR 22. MARS 2001 MORGUNBLAÐIÐ
Gagnasafn Morgunblaðsins
nýtist öllum sem þurfa að afla
heimilda og fróðleiks í starfi,
námi og leik.
Í gagnasafni Morgunblaðsins
er að finna fréttir og greinar
Morgunblaðsins frá árinu
1987 fram á þennan dag.
Greinar, fréttir, viðtöl eða um-
fjöllun er auðvelt að finna,
hvert sem viðfangsefnið er og
fylgja myndir, kort og gröf
með.
Kynntu þér gagnasafnið á
mbl.is eða hringdu í síma
569-1122 og fáðu nánari upp-
lýsingar.
gagnasafn
morgunblaðsins
á mbl.is
„ Í verkefnavinnu tengdu náminu nýti ég
mér gríðarlegt magn upplýsinga sem er að
finna í gagnasafninu og kaupi greinarnar í
lausasölu þegar mér hentar.“
FISKAFLI landsmanna síðastliðinn
febrúarmánuð var samtals um
297.586 tonn, samkvæmt tölum Hag-
stofu Íslands. Fiskaflinn í febrúar-
mánuði árið 2000 var nokkuð meiri
eða 382.341 tonn. Munar þar mestu
um samdrátt í loðnuafla, en hann fór
úr 341.592 tonnum í febrúarmánuði
árið 2000 í 253.872 tonn síðastliðinn
febrúarmánuð.
Botnfiskaflinn síðastliðinn febr-
úarmánuð var 41.384 tonn sem er
aukning um 3.680 tonn miðað við
febrúarmánuð 2000, er hann var
37.704 tonn. Af þessari aukningu
munar einna mest um aukningu í
veiðum á þorski, um 1.208 tonn.
Skel- og krabbadýraaflinn síðast-
liðinn febrúarmánuð nam 2.133 tonn-
um sem er nokkru minni afli en í
febrúarmánuði árið 2000.
Heildaraflinn það sem af er árinu
er 458.567 tonn sem er mun minna
en veiðst hafði á sama tíma í fyrra,
þegar veiðst höfðu 589.567 tonn.
Samdrátturinn er aðallega í loðnu-
veiðum en þær drógust saman um
125.000 tonn í janúar og febrúar 2001
frá sama tímabili árið 2000. Botnfisk-
afli sem og skel- og krabbadýraafli
dróst einnig lítillega saman milli ára.







  34 5 

)
6 5 
  
 5   
5  
 - 
 

0  5
  
 


  



Minni afli
í febrúar
GÓÐ loðnuveiði var við Vestmanna-
eyjar í gær og mörg skip á miðunum.
Sumir fengu fullfermi í fáum köstum
og meðal annars var löndunarbið hjá
Ísfélagi Vestmannaeyja.
Sigurður VE landaði 1.300 tonnum
í Eyjum í gær en síðan var byrjað að
landa úr Tunu sem var með 900 tonn.
Antares var með 1.000 tonn og
Harpa VE 900 tonn og gerði Jón
Ólafur Svansson, framleiðslustjóri
hjá Ísfélaginu, ráð fyrir að löndun úr
þessum skipum lyki fyrir hádegi í
dag. „Þótt hrogn séu í þessu fer þetta
allt í bræðslu,“ sagði hann.
Að sögn Eyjólfs Guðjónssonar,
skipstjóra á Gullbergi VE, var ágætis
veiði milli lands og Eyja í gær en
hann fékk 200 tonn í fyrsta kasti.
„Þeir sem gátu kastað beint í lóðn-
inguna meðan hún var og hét fengu
upp í 500 tonn í kasti. Þetta er
óhrygnd loðna og við keppumst við
að bjarga þjóðarskútunni, eins og
landsfeðurnir segja, en það væri
betra að þeir myndu oftar eftir okkur
nema rétt á meðan það er verkfall.“
Örn KE fyllti sig í þremur köstum,
fékk tvö 400 tonna köst og gerir ráð
fyrir að landa rúmlega 1.000 tonnum
í bræðslu á Djúpavogi árla í dag.
„Þetta er sæmileg loðna en hún á
ekki mikið eftir,“ segir Helgi Her-
mannsson stýrimaður og bætir við að
töluvert sé af hrognum í henni.
Víkingur AK var kominn með 650
tonn þegar nótin rifnaði en Sveinn Ís-
aksson skipstjóri tekur undir með
öðrum og segir að veiðin sé góð.
Veislan yfirstaðin
Lárus Grímsson, skipstjóri á
Sunnubergi NS, segir hins vegar að
veiði hafi verið treg þegar líða tók á
daginn en hann segist ekkert hafa
fengið í fyrsta kasti. Hann hafi byrj-
að við Dyrhólaey og þar hafi verið
gott síli í fyrrinótt en síðan hafi það
gufað upp í gær og því hafi hann
haldið vestar.
Hann segir að þröng hafi verið á
þingi á litlum bletti við Eyjar, því
torfan hafi ekki verið fyrir meira en
tvær nætur, og erfitt að eiga við
þetta. „Sumir hafa fengið ágæt köst
hérna en lóðningin er lítil og veislan
er yfirstaðin. Við erum að lemja á síð-
ustu sílin en þetta fer í bræðslu og er
verðlaust. En við lemjum á þessu
meðan stætt er enda allir af vilja
gerðir til að bjarga þjóðarbúinu og
nú skal verða tekið á því. Við gerum
okkar besta en getum ekki meir.“
Morgunblaðið/Sigurgeir
Góð loðnuveiði var rétt norðan við Vestmannaeyjar í gær og mörg skip á miðunum en löndunarbið var í Eyjum.
„Við lemjum
á þessu meðan
stætt er“