Morgunblaðið - 27.03.2001, Qupperneq 23
ERLENT
MORGUNBLAÐIÐ ÞRIÐJUDAGUR 27. MARS 2001 23
RÚSSNESKA stjórnin kom í gær á
fót sérstakri sveit, undir forystu
háttsettra embættismanna, sem á að
berjast gegn hermdarverkum eftir
þrjú sprengjutilræði í Suður-Rúss-
landi um helgina. 23 biðu bana og
rúmlega 130 særðust í tilræðunum
og talið er að tsjetsjenskir uppreisn-
armenn hafi verið að verki.
Míkhaíl Kasjanov forsætisráð-
herra stofnaði sveitina þar sem ótt-
ast er að tsjetsjenskir uppreisnar-
menn hyggi á fleiri sprengjutilræði í
héruðum í grennd við Tsjetsjníu og
stærstu borgum landsins. Í sveitinni
eru meðal annars Níkolaj Patrúshov,
yfirmaður öryggislögreglunnar
FSB, Ívan Golúbev aðstoðarinnan-
ríkisráðherra, ríkissaksóknarinn
Vladímír Ústinov og héraðsstjóri
Stavropol, Alexander Tsjernogorov.
Pútín lofar hörðum aðgerðum
Tilræðin á laugardag voru gerð í
bæjunum Míneralnje Vodí og Jes-
entúkí í Stavropol, grannhéraði
Tsjetsjníu, og Kákasus-lýðveldinu
Karatsjajevo-Tsjerkesja.
Vladímír Pútín Rússlandsforseti
hefur lofað fjölskyldum fórnarlamb-
anna að grípa til „mjög harðra að-
gerða“ gegn tsjetsjenskum hermd-
arverkamönnum. Lögreglan og
öryggissveitir hafa hafið mikla leit
að tilræðismönnunum og hermt er
að þrír menn hafi verið handteknir í
Grosní, höfuðstað Tsjetsjníu, vegna
gruns um að þeir hafi skipulagt til-
ræðin.
Rússneska dagblaðið Kommers-
ant sagði að tilræðin sýndu að ekkert
væri að marka yfirlýsingar yfirvalda
um að verið væri að uppræta hryðju-
verkahópa Tsjetsjena. Dagblaðið
Ízvestía sagði að rússneskur al-
menningur væri orðinn þreyttur á
stríðinu í Tsjetsjníu og gæti ekki
stutt hernaðaraðgerðir Rússa í hér-
aðinu miklu lengur ef blóðsúthelling-
unum linnti ekki.
Barátta gegn
hryðjuverka-
mönnum hert
Moskvu. Reuters, AFP.
FRELSISFLOKKURINN í Aust-
urríki beið mikinn ósigur í borgar-
stjórnarkosningum í Vín á sunnudag
en stjórnarandstöðuflokkar juku
fylgi sitt. Austurrísk dagblöð sögðu
að úrslitin væru mikið áfall fyrir
Jörg Haider, leiðtoga Frelsisflokks-
ins, sem lét mikið að sér kveða í
kosningabaráttunni og beindi eink-
um spjótum sínum að leiðtoga gyð-
inga í Austurríki og innflytjendum.
Frelsisflokkurinn missti um fjórð-
ung fylgis síns frá síðustu kosning-
um árið 1996 og er þetta mesti ósigur
flokksins frá því að Haider varð leið-
togi hans fyrir 15 árum.
Fylgi flokksins minnkaði úr 27,9%
í 20,3%. Jafnaðarmenn með borgar-
stjórann Michael Häupl í broddi
fylkingar juku hins vegar fylgi sitt úr
39,2% í 46,8% og náðu meirihluta í
borgarstjórninni, fengu 52 sæti af
100.
Ósigurinn rakinn til árása
á leiðtoga gyðinga
Fylgi Þjóðarflokks Wolfgangs
Schüssels kanslara, sem myndaði
ríkisstjórn með Frelsisflokknum í
febrúar á síðasta ári, jókst lítillega,
úr 15,3% í 16,4%.
Græningjar fengu 12,5% at-
kvæðanna en voru með 7,9% í síð-
ustu kosningum.
„Gyðingahatur Jörgs Haiders
leiddi að lokum til ósigurs,“ sagði
dagblaðið Der Standard og vísaði til
harkalegrar gagnrýni Haiders á leið-
toga gyðinga, Ariel Muzicant, í kosn-
ingabaráttunni. Haider sakaði Muz-
icant meðal annars um að vera
óþjóðrækinn, breiða út lygar erlend-
is um að gyðingar og aðrir minni-
hlutahópar væru ofsóttir í Austur-
ríki, og vera viðriðinn vafasöm
fasteignaviðskipti í Vín.
Muzicant hefur höfðað meiðyrða-
mál gegn Haider vegna þessara
ásakana. Haider er þekktastur er-
lendis fyrir umdeild ummæli um
austurríska nasista og hann baðst
síðar afsökunar á þeim.
Haider hefur sagt af sér sem leið-
togi Frelsisflokksins en er enn mjög
áhrifamikill í flokknum. Hann fór
fyrir flokknum í kosningabaráttunni
og flutti ræður á fundum flokksins í
Vín síðustu dagana fyrir kosningarn-
ar.
Frelsisflokkurinn dreifði einnig
veggspjöldum þar sem orðin „út-
lendingar“, „glæpir“ og „eiturlyf“
voru spyrt saman.
„Árásir Haiders á gyðinga höfðu
augljóslega þveröfug áhrif og fældu
kjósendur frá flokknum, eða vöktu
að minnsta kosti ekki hrifningu
þeirra,“ sagði stjórnmálaskýrandinn
Ferdinand Karlhofer. Hann bætti
við að margir kjósenda Frelsis-
flokksins væru óánægðir með fram-
göngu hans í ríkisstjórninni sem hef-
ur beitt sér fyrir erfiðum umbótum,
meðal annars sparnaðaraðgerðum.
„Margir stuðningsmanna Frelsis-
flokksins kusu ekki og sátu heima,“
sagði Karlhofer.
Jafnaðarmenn og græningjar
sögðu að úrslitin væru mikið áfall
fyrir stjórnina en Schüssel og ráð-
herrar hans neituðu því og sögðu að
kosningarnar hefðu ekki snúist um
landsmálin, heldur aðeins málefni
Vínar.
Næstu þingkosningar í Austurríki
eiga að fara fram eftir tvö og hálft ár.
Frelsisflokkurinn bíður ósigur í borgarstjórakosningum í Vínarborg
Talið mikið áfall fyrir Haider
Reuters
Jörg Haider á lokakosningafundi Frelsisflokksins í Vín á laugardag.
Vín. Reuters, AP.
TALIÐ er að 58 drengir á aldrinum
15–18 ára hafi farist í eldsvoða í
Kyanguli-heimavistarskólanum í
suðausturhluta Kenýa snemma í
gærmorgun og tugir að auki
brenndust illa. Grunur leikur á um
að brennuvargur hafi verið að
verki. Grátandi ættingjar biðu fyrir
utan sótugt skólahúsið í gær en
björgunarmenn reyndu að finna
vísbendingar um orsakir brunans.
Sumir foreldranna höfðu áður brot-
ið niður hlið í örvæntingu sinni til
að komast að húsinu.
„Við höfum grun um að þetta hafi
verið íkveikja,“ sagði yfirmaður lög-
reglu í nágrannabænum Machakos,
Julius Narangwi. Að sögn eins
kennarans, Francis Ngunga, kom
nemandi út úr svefnsalnum um
nóttina til að segja eftirlitskonu á
staðnum að bleyta væri á gólfi sal-
arins. Er þau komu aftur að dyr-
unum sem hann hafði notað var bú-
ið að læsa þeim og húsið í ljósum
logum. Aðrar dyr á salnum voru
einnig læstar en nokkrum drengj-
um tókst að brjótast út um einar
dyrnar. Rimlar eru fyrir gluggum
hússins til að verjast innbrotsþjóf-
um.
Þak múrsteinshússins, sem er ein
hæð, hrundi í eldsvoðanum. Flest
líkin voru á gangi milli raða af rúm-
um, nokkrir drengjanna höfðu dáið
í svefni. Einn af sjónarvottum á
staðnum sagði að sex verðir hefðu
verið að störfum en komið of seint
á staðinn vegna þess að þeim hefði
ekki borist nein viðvörun. Húsið var
í björtu báli og drengirnir innilok-
aðir. „Við gátum ekki hjálpað
þeim,“ sagði maðurinn.
Fyrir þrem árum dóu meira en
tuttugu skólastúlkur í eldsvoða öðr-
um skóla í landinu og hafði þá dyr-
um einnig verið læst yfir nóttina.
Fyrr í mánuðinum dóu yfir 20
stúlkur í bruna í öðru Afríkulandi,
Nígeríu.
58 drengir brunnu inni í Kenýa
Grunur um
íkveikju
Machakos í Kenýa. AFP, Reuters.
ÍSLAMSKA hreyfingin Talib-
an í Afganistan heimilaði í gær
útlendingum að skoða leifar
tveggja risastórra Búdda-lík-
neskja sem voru eyðilögð ný-
lega. „Það tók okkur 20 daga að
eyða styttunum,“ sagði emb-
ættismaður Taliban-stjórnar-
innar þegar hann sýndi rústir
líkneskjanna sem voru nær
2.000 ára gömul. „Það var erfitt
að gereyða þeim. Við urðum að
nota sprengiefni.“
Gúsínskí
leystur úr
haldi
DÓMSTÓLL á Spáni úrskurð-
aði í gær að leysa bæri rúss-
neska fjölmiðlajöfurinn Vladím-
ír Gúsínskí
úr gæslu-
varðhaldi.
Búist er við
að dómstóll-
inn ákveði
síðar í vik-
unni hvort
verða eigi við
kröfu rúss-
neskra yfir-
valda um að
Gúsínskí verði framseldur til
Rússlands vegna meintra fjár-
svika. Úrskurðurinn í gær þyk-
ir benda til þess að dómstóllinn
hyggist hafna kröfunni.
Íbúar Ind-
lands 1.027
milljónir
ÍBÚAR Indlands voru 1.027
milljónir 1. mars samkvæmt
manntali sem aðeins er gert
einu sinni á áratug. Íbúunum
fjölgaði um 181 milljón frá árinu
1991 til 2001, að því er fram
kom í opinberri manntals-
skýrslu sem birt var í gær.
Fórnarlamba
snjóflóðs
leitað
ÞYRLA flutti í gær björgunar-
sveit til vesturhluta Nepals til
að grafa upp lík þriggja Ástrala,
m.a. átta ára barns, og Ísraela
sem talið er að hafi farist í snjó-
flóði á laugardag. Snjóflóðið féll
nálægt þorpinu Dhunche, 260
km norðvestan við Khatmandu.
Konungs-
fjölskyldan í
litlum metum
LEYNILEG viðhorfskönnun,
sem gerð var fyrir bresku kon-
ungsfjölskylduna, bendir til
þess að tæpur helmingur Breta
telji að hún sé mikilvæg fyrir
Bretland, að sögn dagblaðsins
Daily Mail í gær. Rúmur þriðj-
ungur aðspurðra sagði að kon-
ungsfjölskyldan væri úr tengsl-
um við almenning og aðeins
einn af hverjum tíu taldi að op-
inberu fjárframlögin til hennar
væru hæfileg. 71% aðspurðra
vildi þó að Bretland yrði áfram
konungsríki og aðeins 17% voru
hlynnt því að landið yrði lýð-
veldi.
STUTT
Leifar
Búdda-
líkneskja
sýndar
Vladímír
Gúsínskí
SNARPUR eftirskjálfti, sem
mældist 5,2 stig á Richterskv-
arða, reið yfir Hiroshima og fleiri
borgir í vesturhluta Japans í
gærmorgun, tveimur dögum eftir
6,4 stiga skjálfta sem varð tveim-
ur mönnum að bana og olli mikl-
um skemmdum.
Ekki var vitað til þess í gær að
eftirskjálftinn í gær hefði valdið
mannskaða eða miklum skemmd-
um.
Íbúar Hiroshima skoða hér
verslanir sem skemmdust í nátt-
úruhamförunum á laugardag. 172
slösuðust í stóra skjálftanum.
Snarpur
eftir-
skjálfti í
Japan
AP