Morgunblaðið - 25.04.2001, Blaðsíða 4

FRÉTTIR
4 MIÐVIKUDAGUR 25. APRÍL 2001 MORGUNBLAÐIÐ
SÍÐASTLIÐINN mánudag voru
hækkaðir magntollar og verðtollar á
innflutta tómata og græna papriku.
Magntollar eru lagðir á innflutt
grænmeti þegar íslensk framleiðsla
annar eftirspurn.
Ekki hefur öllum verslunum staðið
til boða að kaupa íslenska papriku
það sem af er þessu ári þótt hún sé fá-
anleg sums staðar. Magn íslenskra
tómata er, að sögn sumra kaup-
manna, enn takmarkað.
Sé framboð af íslensku grænmeti
ekki nægjanlegt má fresta setningu
magntolla með því að setja nýja
reglugerð. Landbúnaðarráðuneytið
ákveður með reglugerð tímasetningu
magntolla að tillögu ráðgjafarnefnd-
ar um inn- og útflutning landbúnað-
arvara. Að sögn Ólafs Friðrikssonar,
deildarstjóra í landbúnaðarráðuneyt-
inu, er nægjanlegt framboð í dag af
íslenskum tómötum og grænni papr-
iku og því var ákveðið að láta reglu-
gerð frá í mars standa.
Íslensk paprika hefur
ekki staðið til boða
Í dag er lagður 15% verðtollur og
199 króna magntollur á hvert innflutt
kíló af grænni papriku en á aðra liti af
papriku er lagður 30% verðtollur. Á
hvert kíló af innfluttum tómötum
leggst 30% verðtollur og 198 króna
magntollur.
Kolbeinn Ágústsson hjá Sölufélagi
garðyrkjumanna fullyrðir að nægjan-
legt framboð sé af íslenskri grænni
papriku og tómötum en
Hannes Karlsson, deildarstjóri
Nettó, segir hins vegar að framboð af
íslenskum tómötum sé enn takmark-
að og að Nettó hafi ekki staðið til
boða að kaupa íslenska papriku það
sem af er þessu ári. Hann segir að
Sölufélagið búist ekki við íslenskum
paprikum og tómötum að ráði fyrr en
eftir helgi. Þegar Hannes er spurður
hvað kílóverðið komi til með að vera á
íslenskri papriku og tómötum í lausu
segir hann að Sölufélag garðyrkju-
manna sé hætt að senda út verðlista
og ekki sé hægt að fá uppgefið verð
fyrr en varan sé fáanleg.
Í gær voru ekki til í Nettó í lausu ís-
lenskir tómatar og engar íslenskar
paprikur. Til voru eins og í vetur for-
pakkaðir íslenskir tómatar á 698
krónur kílóið. Hollenskir tómatar
voru til í lausu á 315 krónur kílóið en
þegar þeir voru fluttir til landsins
voru magntollar ekki skollnir á.
Einungis fékkst innflutt paprika í
Nettó í gær, kílóið af grænni papriku
var selt á 739 krónur en kílóið af
rauðri var selt á 329 krónur kílóið.
Haraldur Haraldsson hjá Fjarðar-
kaupum segir að íslenskir tómatar
komi pakkaðir í verslunina til hans og
þeir séu verðmerktir á 698 kr. kílóið
frá Sölufélagi garðyrkjumanna. Þeir
eru á hinn bóginn seldir á 689 krónur
kílóið í Fjarðarkaupum. Haraldur
segir að Fjarðarkaupum hafi ekki
staðið til boða að kaupa íslenska tóm-
ata í lausu enn sem komið sé. Því séu
seldir tómatar frá Hollandi í Fjarð-
arkaupum á 365 krónur kílóið en þeir
tómatar voru fluttir til landsins áður
en 199 króna magntollar á hvert kíló
skullu á.
Haraldur segir að engar íslenskar
paprikur hafi staðið Fjarðarkaupum
til boða á þessu ári en þar eru til sölu
paprikur frá Hollandi og Belgíu. Kíló-
verðið er 698 krónur.
Reynir á framboð í vikunni
Guðmundur Marteinsson, kaup-
maður í Bónusi, segist hafa fengið
fyrstu kassana af íslenskri grænni
papriku í byrjun viku en enn hefur
ekki reynt á fulla pöntun af papriku
þar sem þeir áttu fyrir birgðir af inn-
fluttri papriku.
Hann segir að innfluttir tómatar
séu að klárast og hann muni panta ís-
lenska tómata í þessari viku og þá
komi í ljós hvort framboð anni eft-
irspurn. Guðmundur segir að í Bón-
usi séu til pakkaðir íslenskir tómatar
eins og hafi verið í sölu í vetur og kíló-
ið kosti það sama, 698 krónur, en
veittur er 10% afsláttur við kassa.
Sigurður Reynaldsson, innkaupa-
stjóri matvöru hjá Hagkaupum, segir
að íslensk græn paprika sé komin í
verslanir Hagkaups og kosti 778
krónur kílóið. Verðið mun lækka á
næstu dögum.
Íslenskir tómatar í lausu verða, að
sögn Sigurðar, til í lok vikunnar. Þeir
íslensku tómatar, sem til eru í Hag-
kaupi núna, eru pakkaðir og kosta
698 krónur kílóið. Hann segir að tóm-
atar í lausu muni kosta það sama þeg-
ar þeir verða fáanlegir. Hollensku
tómatarnir, sem til eru í lausu núna,
kosta 367 krónur kílóið en þeir eru
keyptir inn fyrir magntolla.
Jón Þ. Jónsson, markaðsstjóri hjá
Nóatúni, segir að græn íslensk papr-
ika sé fáanleg um þessar mundir í
Nóatúni en erlendir tómatar séu að
klárast og brátt verði teknir í sölu ís-
lenskir tómatar. Hann segir að verðið
á íslenskum tómötum og paprikum sé
í hærra lagi svona í fyrstu en lækki á
næstu vikum ef birtuskilyrði verða
góð fyrir ræktun þessara tegunda.
Magntollar lagðir á innflutt grænmeti þegar íslenskt framboð er nægjanlegt
Ágreiningur um
hvort nóg sé til af
íslensku grænmeti
HÉRAÐSDÓMUR Reykjavíkur
dæmdi í gær ítalskan mann, Claudio
Romanelli, í fjögurra ára fangelsi og
tvær ítalskar konur í 15 mánaða
fangelsi hvora fyrir innflutning á 342
g af kókaíni, 100 skömmtum af LSD
og ígildi 474 e-taflna.
Romanelli var fundinn sekur um
að hafa átt frumkvæði að smyglinu
en hann útvegaði efnin og skipulagði
flutning þeirra til landsins. Fyrir
dómi lýsti hann því að þegar hann
var staddur hér á landi í lok júlí á síð-
asta ári hefði ákveðinn aðili haft
samband við hann og spurt hvort
hann vildi flytja eiturlyf til landsins.
Hann hefði verið félítill og því sam-
þykkt það. Fyrir dómi neitaði mað-
urinn að gefa upp hver þessi aðili
væri og bar við ótta um að ættingja
hans hér yrði gert mein.
Konurnar lýstu því báðar að þær
hefðu hitt Romanelli á Ibiza á Spáni
þar sem þær voru búsettar. Fyrir
dómi greindu þær báðar frá að þær
hefðu verið félitlar og þegar hann
hefði nefnt að hann ætlaði að smygla
fíkniefnum til landsins hefðu þær
boðist til að taka þátt í smyglinu.
Áttu þær að fá jafnvirði rúmlega
130.000 króna auk þess sem ferðir og
uppihald yrði greitt af kaupanda efn-
isins. Hvorug sagðist hafa vitað um
heildarmagn efnanna. Morguninn
sem þau flugu til Íslands lét Rom-
anelli aðra konuna hafa plastpoka
með efninu sem konurnar pökkuðu
inn og komu fyrir í líkama sínum.
Þremenningarnir komu hingað
með flugi frá Barcelona hinn 18.
október og áttu pantað far til baka
tveimur dögum síðar. Við skoðun á
farangri annarrar konunnar fannst
lítill hassmoli og var fólkið þá hand-
tekið. Við yfirheyrslur hjá lögreglu
viðurkenndu Romanelli og önnur
konan að þau hefðu fíkniefni innvort-
is sem þau skiluðu að mestu af sér á
lögreglustöðinni. Hin konan upplýsti
reyndar ekki um fíkniefnin fyrr en
skömmu áður en taka átti af henni
röntgenmynd. Sú reyndist vera með
rúmlega 180 g af kókaíni innvortis en
hin var með um 160 g. Romanelli bar
e-töfluduft og LSD í líkama sínum.
Fyrir dómi sagði hann að e-töfl-
urnar og LSD hefðu verið til eigin
nota en héraðsdómur taldi þá frá-
sögn ekki trúverðuga.
Í niðurstöðu héraðsdóms segir að
innflutningur á kókaíninu hafi verið
samverknaður þeirra allra þó svo að
þau hafi skipt með sér verkum.
Romanelli var með tæplega 50 g af
e-töfludufti og um 2,1 ml af LSD-
vökva. Að mati Rannsóknarstofu í
lyfja- og eiturefnafræði samsvarar
þetta 474 e-töflum og 103 skömmtum
af LSD. Miðað var við meðaltals-
stærð sýna sem borist hafa rann-
sóknarstofunni.
Auk refsingarinnar var fólkið
dæmt til þess að greiða málsvarn-
arlaun skipaðra verjenda sinna og
sakarkostnað. Frá refsingunni
dregst gæsluvarðhald.
Þorgerður Erlendsdóttir héraðs-
dómari kvað upp dóminn.
Skipulagði innflutning á e-töflum, LSD og kókaíni
Fjögurra ára fangelsi
fyrir fíkniefnasmygl
MEÐALLAUN hækkuðu um 1,1%
milli febrúar- og marsmánaðar
samkvæmt launavísitölu Hagstofu
Íslands. Hefur vísitalan hækkað
um 9,2% á síðustu tólf mánuðum.
Launavísitalan hefur hækkað
um 52% að meðaltali á síðustu sex
árum, þ.e. frá fyrsta ársfjórðungi
ársins 1995 til jafnlengdar í ár, en
launavísitalan mælir meðaltal
launaþróunar í landinu á hverjum
tíma.
Ef skoðuð er launaþróun á al-
mennum markaði annars vegar og
hjá opinberum starfsmönnum og
bankamönnum hins vegar, en Hag-
stofan birtir upplýsingar þar að
lútandi ársfjórðungslega, kemur
fram að laun síðarnefnda hópsins
hafa hækkað rúmum 17 prósentu-
stigum meira en fyrrnefnda hóps-
ins. Þannig hafa laun á almennum
markaði hækkað að meðaltali um
45% á ofangreindu sex ára tíma-
bili, en laun opinberra starfs-
manna og bankamanna hafa hækk-
að um rúm 62% á sama tímabili.

 



   
  
 

      

  



   
  
 


 
 !"  



   

   

!"##
 52% hækkun
launa á sex árum
Morgunblaðið/Árni Sæberg
GOTT var í sjóinn í gær og fór Eyj-
ólfur Bjarnason, trillukarl í Hafn-
arfirði, í róður til að vitja um
grásleppunetin sín. Aflinn var rúm
tunna af grásleppuhrognum og
nokkrir rauðmagar. Á hafnarbakk-
anum seldi Eyjólfur þeim Jóni Berki
og Daniló Meyer rauðmaga í soðið.
Rauðmagi
seldur
í Hafnar-
fjarðarhöfn
ELLEFU ára drengur var barinn
ítrekað í andlitið í gærmorgun af
skólafélaga sínum en til deilna hafði
komið á milli þeirra í skólabifreið í
Mosfellsbæ. Samkvæmt upplýsing-
um frá lögreglunni í Reykjavík var
drengurinn fluttur á slysadeild
Landspítala – háskólasjúkrahúss í
Fossvogi og síðan lagður inn á Land-
spítalann við Hringbraut til öryggis.
Drengur bar-
inn í andlitið
KONA sem kom á heimili sitt í Suð-
urbæ Hafnarfjarðar snemma á
sunnudagsmorgun fann 14 ára ung-
menni sem hún þekkti ekki, sofandi
undir rúmi sínu.
Í dagbók lögreglunnar í Hafnar-
firði kemur fram að unglingurinn var
nokkuð undir áhrifum áfengis og gat
ekki gert grein fyrir ferðum sínum í
híbýlum konunnar eða hvað valdið
hefði vali hans á náttstað.
Ölvaður
undir rúmi
♦ ♦ ♦