Morgunblaðið - 25.04.2001, Page 14

HÖFUÐBORGARSVÆÐIÐ
14 MIÐVIKUDAGUR 25. APRÍL 2001 MORGUNBLAÐIÐ
DAVÍÐ Oddsson forsætis-
ráðherra afhenti við-
urkenningar í ljóða- og
smásagnakeppni Bókasafns
Garðabæjar í fyrradag en
keppnin var haldin í tilefni
af 25 ára afmæli bæjarins.
Ljóðasamkeppnin var op-
in öllum Garðbæingum 16
ára og eldri en rétt til þátt-
töku í smásagnasamkeppn-
inni höfðu grunnskólanem-
endur í Garðabæ og var
þeim skipt í tvo flokka eftir
aldri.
Sturla Þorsteinsson, for-
maður dómnefndar, til-
kynnti úrslitin og sagði
hann af því tilefni að
greinilegt væri að ritun
stæði ekki höllum fæti með-
al Garðbæinga því dóm-
nefndarmenn höfðu úr
miklu að velja. Samtals bár-
ust rúmlega 50 smásögur í
keppnina og ljóð eftir 17
höfunda og sagði Sturla
það hafa verið skemmtilegt
en erfitt verkefni að velja
sigurvegarana.
Í ljóðasamkeppninni varð
Sólveig Alda Pétursdóttir
hlutskörpust með ljóð sitt
Verðlaunagarðar. Oddný
Sv. Björgvins varð í öðru
sæti með ljóðið Gengið í
Garðabæ og Katrín Kára-
dóttir með ljóðið Lækurinn
okkar.
Í samkeppninni um smá-
sögur 7.–10. bekkjar varð
Sigríður Mjöll Björnsdóttir
í fyrsta sæti með sögu sína
Ólífutrén í hæðunum en
sagan fjallar um þrjár kon-
ur sem starfa saman á veit-
ingastað á Spáni. Í öðru
sæti varð Unnsteinn Jó-
hannsson með sögu sína
Einn sem fjallar um strák
sem verður fyrir einelti. Í
þriðja sæti í flokki nem-
enda í 7.–10. bekk varð
Anna Sigrún Ingimarsdóttir
sem skrifaði söguna Ævi-
saga bókar en eins og titill-
inn ber með sér fjallar sag-
an um líf bókar nokkurrar.
Í samkeppni um smásög-
ur í hópi barna í 4.–10.
bekk varð Erla María Árna-
dóttir í fyrsta sæti með
sögu um bænaengil guðs
sem býr í sjöunda himni og
er allt of fljótur í förum.
Sagan nefnist Engillinn
Fljótur. Í öðru sæti varð
Kjartan Óli Guðmundsson
sem skrifaði söguna Mat-
arstríðið en þar er því lýst
hvernig sætabrauð og
grænmeti í eldhúsi sögu-
manns vaknar til lífs og há-
ir bardaga sín á milli. Þá
varð Sverrir Þorgeirsson í
þriðja sæti með söguna
Svarta þokan þar sem
heimsókn á sjúkrahús er
m.a. lýst.
Loks fékk Berglind Árna-
dóttir, nemandi í Flata-
skóla, sérstaka viðurkenn-
ingu fyrir leikrit sem hún
sendi inn og ber nafnið
Garðabær.
Verðlaunaafhending í ljóða- og smásagnakeppni í tilefni af aldarfjórðungsafmæli Garðabæjar
Engillinn Fljótur, Ólífutrén í
hæðunum og Verðlaunagarðar
Morgunblaðið/Kristinn
Davíð Oddsson forsætisráðherra afhenti vinningshöfum viðurkenningar og peningaverð-
laun. F.v. forsætisráðherra, Berglind Árnadóttir, Sigríður Mjöll Björnsdóttir, Sólveig Alda
Pétursdóttir, Unnsteinn Jóhannsson, Erla María Árnadóttir, Anna Sigrún Ingimarsdóttir,
Sverrir Þorgeirsson, Oddný Sv. Björgvins og Kjartan Óli Guðmundsson.
Garðabær
JÓHANN Óli Hilmarsson
fuglafræðingur er ekki
banginn við starann, held-
ur fagnar komu hans og
gerir raunar allt sem
hægt er til að laða hann
að heimili sínu við Úlfars-
fellið.
„Ég veit ekki til þess,
að starinn sé orpinn, en
hann er farinn að tína í
hreiður veit ég,“ sagði Jó-
hann, þegar blaðamann
bar þar að garði. „Fólk
bregst ekki við á réttan
hátt, þegar starinn er
annars vegar. Ef það vill
ekki hafa fuglinn nærri á
það einfaldlega að fjar-
lægja hreiðrið strax í
byrjun og loka svo gatinu,
eins og kom fram í Morg-
unblaðinu í síðustu viku.
Hitt er svo annað mál,
að þótt fuglinn verpi und-
ir þakskegginu er ekki
þar með sagt, að flóin
berist inn í híbýli manna,
nema greið leið sé þangað
inn. Ég hvet fólk því til
að setja upp hreiður-
kassa, annaðhvort í tré í
garðinum eða þá utan á
bílskúrinn, og njóta svo
þessara skemmtilegu
fugla.“
Flær á öllum fuglum
Jóhann Óli sagði, að
það væru flær á öllum
fuglum og þeir sem hafi
einhvern tíma tínt dún,
ættu að þekkja dúnflóna.
Reyndar væri sú flóarteg-
und, sem lifir á staranum
kennd við hænsni og oft
kölluð hænsnafló. Það
væri nábýli starans við
manninn, sem hefði gert
hann svona óvinsælan.
„Þegar starar hófu
varp í Reykjavík upp úr
1960 gerðu þeir sér
gjarnan hreiður í loft-
ræstiopum, sem voru þá
oftast óbyrgð, og þess
vegna barst flóin oft inní
hýbýli manna. Svo setti
fólk kannski vírnet fyrir
og þá var fjandinn laus.
Það óorð sem komst á
starann á þessum árum,
hefur hann síðan átt erfitt
að losna við.
Ég er sjálfur með fimm
varpkassa uppi hangandi
hjá mér, tvo á húsinu og
þrjá annarsstaðar á lóð-
inni, því ég vil endilega
hafa þessa fugla hjá
mér,“ sagði Jóhann og
kvaðst ekkert smeykur
við flóna.
„Flóin þrífst nefnilega
ekki á fólki; hún finnur
við fyrsta bit, að þetta er
ekki rétt tegund. Þegar
maður er alltaf að vasast í
fuglum fær maður alltaf
eitthvað á sig, en ég er
löngu hættur að kippa
mér upp við slíkt. Ég
gæti þess bara að klóra
mér ekki og þá eru um-
merkin farin eftir 2–3
daga.“
Fuglafræðing-
urinn fagnar
komu starans
Morgunblaðið/Jim Smart
Jóhann Óli Hilmarsson
og þrír af hreiðurköss-
unum sem hann er bú-
inn að setja upp fyrir
starana við húsið sitt.
Reykjavík
BÖRN á aldrinum 6–16 ára í
Mosfellsbæ fákennslu í skák í
öllum íþróttatímum þessa
viku eins og fram kom hér í
blaðinu í gær. Þau njóta þar
aðstoðar Helga Ólafssonar
stórmeistara og Guðfríðar
Lilju Grétarsdóttur en ekki
Guðlaugar Stefánsdóttur eins
og mishermt var í blaðinu í
gær.
Guðfríður Lilja, sem er
sagn- og stjórnmálafræðing-
ur að mennt, er nífaldur Ís-
landmeistari kvenna í skák og
systir Helga Áss og Andra
Áss Grétarssona sem einnig
eru þekktir skákmenn. Hún
hefur tekið þátt í mörgum al-
þjóðlegum skákmótum og er
fyrsta og eina íslenska konan
sem hefur hlotið alþjóðlegan
meistaratitil kvenna í skák.
Morgunblaðið leit inn á æf-
ingu hjá nemendum í íþrótta-
sal Varmárskóla í gær og var
kennslan þá í fullum gangi.
Þar sátu m.a. að tafli Stein-
unn Gústavsdóttir og Víðir
Víðisson, bæði í 6. bekk.
Höfðu engan
sérstakan áhuga
Aðspurð sögðust þau hafa
kunnað mannganginn áður en
að þessu námskeiði kom og
stundum tefla, en þó ekki
mikið.
„Við höfðum engan sér-
stakan áhuga á skák áður en
við byrjuðum á þessu nám-
skeiði en þetta á örugglega
eftir að auka áhuga nemend-
anna á þessari íþrótt,“ sögðu
þau. Hins vegar voru þau
ekki búin að ákveða hvort þau
myndu taka þátt í skák-
mótinu á föstudag, lokadegi
kennslunnar, en töldu að ef-
laust yrði bara gaman að vera
með.
„Veit um einn sem
er góður að tefla“
En vissu þau um einhverja
upprennandi skáksnillinga í
Mosfellsbæ?
„Ég veit um einn sem er
góður að tefla, hann heitir
Vilhjálmur og er í 6. bekk,“
svaraði Víðir að bragði. „Ég
veit líka bara um einn og það
er bróðir minn en hann er í
gagnfræðaskólanum,“ sagði
Steinunn.
En svo gat alveg verið að
einhverjir efnilegir ættu eftir
að koma fram, sem nú væru í
leynum, bíðandi þess að verða
uppgötvaðir, sögðu þau og
voru ánægð með þetta fram-
tak og áttu alveg eins von á
því að fara að tefla oftar í
kjölfarið.
Upprennandi skáksnillingar?
Morgunblaðið/Jim Smart
Steinunn Gústavsdóttir og Víðir Víðisson, bæði í 6. bekk,
eru ánægð með skákkennsluna sem fram fer í Mosfellsbæ.
Mosfellsbær
BÆJARRÁÐ Kópavogs hef-
ur ákveðið að ganga til samn-
inga við Ísfag ehf. um upp-
steypu og utanhússfrágang á
öðrum áfanga Menningar-
miðstöðvar Kópavogs sem
rísa á við hlið Tónlistarhúss
Kópavogs en það var fyrsti
áfangi miðstöðvarinnar. Þessi
hluti á að hýsa Bókasafn og
Náttúrufræðistofu Kópavogs.
Gert er ráð fyrir að vinnu við
annan áfanga miðstöðvarinn-
ar ljúki í febrúar árið 2002 en
eftir á að bjóða út vinnu við
frágang innanhúss og inn-
réttingar.
Tilboð Ísfags hljóðaði upp
á rúmar 136 milljónir króna
sem er rétt undir kostnaðar-
áætlun en hún var tæpar 138
milljónir króna. Alls bárust
sjö tilboð og var hæsta tilboð-
ið frá Íslenskum aðalverktök-
um ehf. og hljóðaði upp á
rúmar 177 milljónir króna.
Menningarmiðstöð Kópavogs – Safnahús. Myndin sýnir Tónlistarhúsið (Salinn) vinstra megin og Safnahúsið hægra megin
séð frá opna svæðinu vestan þess og sunnan Listasafnsins. Hönnuðir að miðstöðinni eru Alark Arkitektar.
Bókasafn og náttúru-
fræðistofa undir sama þak
Kópavogur