Morgunblaðið - 25.04.2001, Blaðsíða 19

LANDIÐ
MORGUNBLAÐIÐ MIÐVIKUDAGUR 25. APRÍL 2001 19
Vestmannaeyjum - Á sumar-
daginn fyrsta var kunngert um
kjör á bæjarlistamanni Vest-
mannaeyja í fyrsta skiptið. Það
var að frumkvæði menningar-
málanefndar Vestmannaeyja
sem auglýst var eftir umsækj-
endum um stöðu bæjarlista-
manns, sex sóttu um og fyrir
valinu varð ungur listamaður úr
Eyjum, Páll Viðar Kristinsson.
Það var Sigrún Inga Sigurgeirs-
dóttir, forseti bæjarstjórnar,
sem kunngerði um valið að við-
stöddum umsækjendum, bæjar-
fulltrúum, menningarmálanefnd
og gestum á Byggðasafni Vest-
mannaeyja.
Páll hóf listamannsferilinn í
Vestmannaeyjum og sótti nám
hjá Sigurfinni Sigurfinnssyni og
Björgvin Björgvinssyni. Hann
sótti nám veturinn 1990–1991
hjá Myndlistaskóla Kópavogs og
stundaði síðan nám við Mynd-
lista- og handíðaskólann 1991–
1995 og útskrifaðist frá málara-
deild 1995.
Páll Viðar hefur haldið þrjár
einkasýningar tvær í Akóges-
húsinu í Vestmannaeyjum og
eina sýningu á Næstu grösum í
Reykjavík. Hann hefur tekið
þátt í nokkrum samsýningum,
þ.á m. í Norræna húsinu 1995,
Miðbæjarhúsinu í Hafnarfirði
1997, Listaskálanum í Hvera-
gerði 1997 og í Deiglunni Ak-
ureyri 1998.
Þau verk sem Páll Viðar mun
vinna að sem bæjarlistamaður
eru bæði abstrakt og landslags-
myndir. Þá hefur Páll Viðar hug
á að vinna að stórri mynd af
Heimakletti í mósaíkstíl.
Bæjarlistamaður Vestmanna-
eyja verður á launum í fjóra
mánuði.
Morgunblaðið/Ásmundur Friðriksson
Sigrún Sigurgeirsdóttir, forseti bæjarstjórnar, og Páll Kristinsson.
Páll fyrsti bæjarlista-
maður Vestmannaeyja
Borgarnesi - Kór Grunnskólans í
Borgarnesi sýnir söngleikinn
,,Rúmbi risaeðla“ í Félagsmiðstöð-
inni Óðali um þessar mundir. Söng-
leikurinn er eftir Sue Heaser að við-
bættum fáeinum persónum og texta
eftir Sigríði Jónsdóttur og tónlist
eftir Birnu Þorsteinsdóttur. Birna
er stjórnandi kórsins og jafnframt
leikstjóri söngleiksins. Í kórnum eru
nemendur allt upp í 6. bekk og taka
allir þátt í sýningunni. Í upphafi fá
áhorfendur vitneskju um þróun
mannsins, en þess er getið að menn
og risaeðlur hafi ekki verið uppi á
sama tíma þótt svo sé í söngleiknum.
Ýmsar persónur hellisbúa syngja og
dansa en einna mesta athygli vekur
uppfinning Súkka hellastráks sem
finnur upp nammið „súkka-gleði“
sem að öllum líkindum er undanfari
súkkulaðs eins og við þekkjum í dag!
Að minnsta kosti kann Rúmbi risa-
eðla vel að meta það. Sýningin tekur
um 45 mínútur og eru næstu sýn-
ingar í dag, miðvikudag 25. apríl og á
morgun, fimmtudag 26. apríl kl. 18.
Söngleik-
urinn Rúmbi
risaeðla
♦ ♦ ♦
Selfossi - Tilboð í jarðvinnu vegna
stækkunar Hótel Selfoss voru opnuð
18. apríl. Fjögur tilboð bárust í verk-
ið, frá Hauki Harðarsyni ehf, Nesey
ehf, Ræktunarsambandi Flóa og
Skeiða og Vörubílstjórafélaginu
Mjölni. Lægsta tilboð í verkið átti
Vörubílstjórafélagið Mjölnir, kr.
6,055,600,- sem er 82% af kostnaðar-
áætlun.
Samið hefur verið við Mjölni um
verkið og munu framkvæmdir, und-
irbúningur, girðingarvinna ofl. hefj-
ast strax og síðan uppgröftur að lok-
inni fyrstu skóflustungu sem verður
tekin laugardaginn 28. apríl.
Tilboð vegna
stækkunar
Hótels Selfoss
opnuð
♦ ♦ ♦
Sauðárkróki - Fjölmenni var í hátíð-
arsal Fjölbrautaskóla Norðurlands
vestra á Sauðárkróki þegar leiddu
saman hesta sína bestu upplesarar
hvers grunnskóla sveitarfélaganna
Skagafjarðar og Akrahrepps og
lögðu flutning sinn á sögum og ljóð-
um fyrir dómnefnd.
Áður höfðu Baldur Sigurðsson frá
Kennaraháskólanum og Hjördís
Gísladóttir frá Skólaskrifstofu
Skagafjarðar farið á milli skólanna
og annast forkeppni og valið tvo
bestu lesarana frá hverjum skóla,
nema frá Árskóla á Sauðárkróki, sem
sendi fjóra keppendur, aðeins einn
nemandi kom frá Steinsstaðaskóla
og voru því keppendur alls þrettán.
Við upphaf samkomunnar bauð
Hjördís Gísladóttir keppendur og
gesti velkomna en síðan tók til máls
Bragi Haraldsson frá Leikfélagi
Sauðárkróks, óskaði hann keppend-
um til hamingju með þátttökuna og
ræddi um gildi góðs flutnings og upp-
lifun í lestri og tjáningu talaðs máls.
Þá fór fram tónlistaratriði frá Tón-
listarskóla Skagafjarðar, og einnig á
milli þátta í keppninni.
Baldur Sigurðsson sagði að hér
kæmu fram lesarar sem stæðu á há-
tindi bernsku sinnar, sem læsu með
þeirri einlægni og þeim þrótti sem
einkenndi fullþroska börn, börn sem
stæðu á vegamótum bernsku annars-
vegar en unglings- og fullorðinsára
hinsvegar. Síðan hófst keppnin og
lásu keppendur fyrst sögukafla, síð-
an ljóð eftir Tómas Guðmundsson, en
síðast ljóð að eigin vali.
Dómnefndinni, sem skipuð var
Baldri Sigurðssyni og Baldri Hafstað
frá Kennaraháskólanum, Huldu Eg-
ilsdóttur, deildarstjóra í íslensku við
Fjölbrautaskólann, og sr. Döllu
Þórðardóttur, prófasti á Miklabæ,
var mikill vandi á höndum því að allir
keppendur lögðu sig fram og fluttu
efni sitt með miklum glæsibrag.
Niðurstaða dómnefndarinnar var
sú að sigurvegari væri Signý Ósk
Sigurjónsdóttir, og í öðru sæti Ingvi
Guðmundsson, bæði úr Árskóla, en í
þriðja sæti Kristbjörg Bjarnadóttir,
Grunnskólanum Hofsósi.
Hlutu þau peningaverðlaun, 15, 10
og 5 þúsund króna inneign í Spari-
sjóði Hólahrepps, en allir keppendur
bókagjöf frá bókaútgáfunni Eddu.
Var sigurvegurum og keppendum
öllum þakkað í lok keppninnar með
dynjandi lófataki.
Stóra upplestrar-
keppnin í Skagafirði
Siglufirði - Fyrsta greiðsla úr Verk-
fallssjóði til þeirra félaga í Sjó-
mannadeild Verkalýðsfélagsins
Vöku á Siglufirði, sem taka þátt í
verkfalli sjómanna, fór fram sl.
mánudag. Þeim sjómönnum í deild-
inni, sem ekki hafa sótt um greiðslur
úr sjóðnum er bent á að hafa sam-
band við skrifstofu félagsins. Úthlut-
unarnefndin hvetur önnur félög sjó-
manna til að fara að huga að þessum
málum hið fyrsta. Nefndin þakkar
þann stuðning sem launþegasamtök
í landinu hafa sýnt sjómönnum í erf-
iðri baráttu við útvegsmenn og
stjórnvöld. Sérstaklega er Rafiðnað-
arsambandi Íslands þakkaður mynd-
arlegur stuðningur í verkfallssjóð.
Verkalýðsfélagið
Vaka á Siglufirði
Úthlutar verk-
fallsbótum
Tálknafirði - Héraðssambandið
Hrafnaflóki hélt sitt árlega héraðs-
þing á sumardaginn fyrsta, í félags-
heimilinu á Patreksfirði. Þinghald
var með hefðbundnum hætti. Í há-
degisverðarhléi voru fulltrúum
sveitarstjórnarmanna í Vestubyggð
og Tálknafirði afhentar stórar ljós-
myndir sem teknar voru þegar
stangarstökkskeppnin fór fram á
unglingalandsmótinu í sumar er
leið en með þessu vildi HHF sýna
þakklæti fyrir ánægjulegt samstarf
og stuðning sveitarstjórnanna við
landsmótið.
Þá var kjöri íþróttamanna ársins
lýst. Veittar voru viðurkenningar
fyrir golf, frjálsar íþróttir, knatt-
spyrnu, körfuknattleik og sund.
Íþróttamaður ársins var síðan val-
inn úr hópi þeirra fimm sem til-
nefndir voru og að þessu sinni hlaut
Olga Rannveig Bragadóttir titilinn.
Fyrr í vetur var Olga útnefnd
íþróttamaður UMFT en hún hefur
náð mjög góðum árangri á lands-
vísu í mörgum greinum.
Undirritaður var samstarfssamn-
ingur milli HHF og Eyrarsparisjóðs
þar sem sparisjóðurinn styrkir
HHF um 350 þúsund á þremur ár-
um. Fénu var varið til kaupa á
íþróttabúningum fyrir hóp-
íþróttalið félaga innan HHF, sam-
stals yfir 140 búningar. Á móti
skuldbindur HHF sig til þess að
kynna sparisjóðinn í þeirri útgáfu-
starfssemi sem fram fer á vegum
sambandsins, á mótum og öðrum
viðburðum sem héraðssambandið
stendur fyrir. Það voru Jensína U.
Kristjánsdóttir fyrir hönd Eyr-
arsparisjóðs og Sigurður Viggósson
fyrir hönd Héraðssambandsins
Hrafnaflóka sem undirrituðu samn-
inginn.
Eftir hádegisverðarhlé tóku
þingnefndir til starfa. Meðal þess
helsta sem þingið samþykkti voru
breytingar á úthlutun lottótekna,
þar sem m.a. er minnkað vægi
fólksfjölda en aukið vægi félaga
undir 16 ára aldri í íþróttafélög-
unum innnan HHF. Þá var skipuð
nefnd til þess að undirbúa þátttöku
á landsmóti UMFÍ á Egilsstöðum í
sumar. Ein breyting var gerð á
stjórn HHF, Ásdís Guðjónsdóttir
vék úr stjórninni en í hennar stað
kom Hannes Friðriksson á Bíldudal.
Héraðsþing Héraðssambandsins Hrafnaflóka haldið á Patreksfirði
Sigurður Viggósson og Jensína U. Kristjánsdóttir undirrita samstarfs-
samninginn. Fyrir aftan eru íþróttamenn ársins í nýju búningunum.
Hrafnaflóki og
Eyrarsparisjóður
í samstarf
Morgunblaðið/Finnur