Morgunblaðið - 25.04.2001, Blaðsíða 20

VIÐSKIPTI
20 MIÐVIKUDAGUR 25. APRÍL 2001 MORGUNBLAÐIÐ
SKINNAIÐNAÐUR hf. var
rekinn með rúmlega 60 milljóna
króna tapi á fyrri hluta yfir-
standandi rekstrarárs, sem
hófst 1. september síðastliðinn
og stendur til 31. ágúst næst-
komandi. Á sama tímabili árið
áður var félagið rekið með 72
milljóna króna hagnaði en í til-
kynningu til Verðbréfaþings
kemur fram að inni í þeirri tölu
var hagnaður vegna sölu eigna
upp á 143,5 milljónir króna. Ef
ekki er tekið tillit til söluhagn-
aðar í samanburðinum minnkaði
tap af reglulegri starfsemi fyrir
afskriftir og fjármagnsgjöld um
59 milljónir króna á milli ára.
Í tilkynningunni segir að
þessi afkoma sé í takt við það
sem gert var ráð fyrir í áætlun-
um félagsins en þess getið að
fyrri hluti rekstrarársins sé
ávallt mun lakari en sá síðari hjá
félaginu.
Rekstrartekjur Skinnaiðnað-
ar hf. á tímabilinu voru 344,6
milljónir króna og jukust um
rúmar 145 milljónir á milli ára.
Rekstrargjöld námu 373,6 millj-
ónum. Fjármagnsgjöld námu
31,1 milljón króna og þar af var
gengistap verulegt. Ennfremur
jukust afskriftir um rúmar 7
milljónir króna á milli ára. Rek-
startap tímabilsins var því 60,1
milljón króna. Eigið fé Skinna-
iðnaðar hf. 28. febrúar sl. nam
62,3 milljónum króna og eigin-
fjárhlutfallið var 7,7%.
Stjórn Skinnaiðnaðar hefur
óskað eftir því við VÞÍ að félagið
verði tekið af skrá þar en það
hefur undanfarin ár verið skráð
á Vaxtarlista VÞÍ. Ástæða þess-
arar beiðni er sú að félagið á erf-
itt með að uppfylla skilyrði VÞÍ
um markaðsverðmæti auk þess
sem mjög lítil viðskipti hafa ver-
ið með bréf félagsins að undan-
förnu.
Rúmlega
60 milljóna
króna tap
ÞRÁTT fyrir mun minni ásókn
í að opna bankareikning í Egg,
breska netbankanum, búast
forsvarsmenn bankans við að
bankinn nái takmarki sínu um
hallalausan rekstur í lok árs-
ins. Tapið fyrsta ársfjórðung-
inn nemur 37,9 milljónum
punda, sem er heldur betri nið-
urstaða en áður. Það er ásókn
viðskiptavina í kreditkort Egg,
sem ýta undir bjartsýni.
Í viðtali við Financial Times
segir Stacey Cartwright fjár-
málastjóri Egg að vonbrigði yf-
ir lítill ásókn í sparnaðarreikn-
inga hjá Egg ættu ekki að
hindra bankann í að ná tak-
marki sínu. Á fyrstu þremur
mánuðum ársins hefðu tæp-
lega 224 þúsund viðskiptavinir
bæst við, flestir til að fá kred-
itkort.
Þegar Egg fór á markað í
júní í fyrra fóru hlutabréfin á
160 pens, en eru nú 150 pens.
Þó gott sé fyrir bankann að fá
fleiri korthafa þarf þó meira til.
Því er vonast eftir að viðskipta-
vinir, sem sækja um kort, muni
einnig nýta sér tilboð bankans
um húsnæðislán, tryggingar og
fjárfestingar í sjóðum bankans.
Horfur Egg
góðar en
ekki tryggar
London. Morgunblaðið.
KAUPFÉLAG Skagfirðinga
var rekið með 180 milljóna
króna tapi í fyrra. Hagnaður af
reglulegri starfsemi eftir skatta
var 58,7 milljónir en tvær
færslur óviðkomandi rekstri
eru í reikningnum, segir í til-
kynningu frá félaginu. Annars
vegar var fært niður kaupverð
hlutafjár í Fiskiðjunni Skagfirð-
ingi hf. um 168 milljónir en
ástæða þess er sú að um dótt-
urfélag KS er að ræða. Þá eru
færðar til gjalda í samstæðu-
reikningi 60 milljónir vegna
dóms Hæstaréttar í máli milli
SR-mjöls og FISK vegna úreld-
ingar rúmmetra í fiskiskipi.
Rekstrarhagnaður KS fyrir
afskriftir og fjármagnsliði var
806,7 milljónir samanborið við
898 milljónir árið áður en það
var besta rekstrarár samstæð-
unnar. Veltufé frá rekstri var
jákvætt um 667 milljónir og
lækkuðu nettóskuldir um 167
milljónir.
Bókfært gengi hlutabréfa í
Fiskiðjunni Skagfirðingi er eft-
ir niðurfærslu kaupverðs 1,57
sem samsvarar um 80% hlut-
deild í eigin fé félagsins, eða alls
902 milljónir. Síðustu stóru við-
skiptin með bréf FISK voru á
genginu 4,4 en þá keypti FBA
10% sveitarfélags Skagafjarð-
ar.
Gott
rekstrar-
ár hjá KS
FARÞEGUM Flugleiða í millilanda-
flugi fjölgaði um 11,4% í mars 2001 í
samanburði við mars árið áður. Far-
þegar voru tæp 115 þúsund í ár en
tæp 103 þúsund í fyrra.
Farþegum til og frá Íslandi fjölgaði
um 1,5% en farþegum á leiðum félags-
ins yfir Norður-Atlantshafið, með við-
komu á Íslandi, fjölgaði um 21,2%.
Farþegum á viðskiptafarrými fjölgaði
um 5,6%. Sætanýting í mars var
77,5% eða tæplega tíu prósentustig-
um betri en í mars í fyrra, en hún var
þá 67,7%. Framboðið í ár var minna
en í fyrra en salan 13,3% meiri.
Þetta kemur fram í yfirliti Flug-
leiða yfir farþega og flutninga í mars.
Þar kemur einnig fram að farþegum í
innanlandsflugi Flugfélags Íslands,
dótturfélags Flugleiða, fækkaði um
4% frá því í sama mánuði í fyrra og
flutt tonn hjá Flugleiðum-Frakt, dótt-
urfélagi Flugleiða, voru 0,7% færri en
í mars í fyrra. Flugleiðir fluttu 7,5%
fleiri farþega í millilandaflugi í janúar,
febrúar og mars á þessu ári en í sömu
mánuðum á árinu 2000. Á þessum
fyrsta ársfjórðungi flutti félagið tæp-
lega 270 þúsund farþega í samanburði
við tæplega 250 þúsund í fyrra. Sæta-
framboð hefur á sama tíma verið
minnkað um 6,1% milli ára og var
sætanýtingin 64,9%. Þar munar 8,7
prósentustigum milli ára því sætanýt-
ing 2000 var 56,3%. Salan mæld í sæt-
iskílómetrum jókst um 8,5% milli ára.
Þessa þrjá mánuði fjölgaði farþegum
til og frá Íslandi nokkuð, en mest
munar um 14% fjölgun farþega á leið-
unum yfir Norður-Atlantshafið.
Farþegum í innanlandsflugi Flug-
félags Íslands fjölgaði um 3,9% á
fyrsta ársfjórðungi og fluttum tonn-
um hjá Flugleiðum-Frakt fjölgaði um
8,9%.
Farþegum Flugleiða
fjölgaði um 11,4% í mars
SÆNSKA fjarskiptafyrirtækið Er-
icsson og japanski raftækjaframleið-
andinn Sony hyggjast taka höndum
saman á farsímamarkaði og kallast
nýja fyrirtækið Sony-Ericsson
Mobile Communication. Það tekur til
starfa 1. október næstkomandi og
verða höfuðstöðvar þess í London.
Starfsmenn verða 3.500 talsins en
Sony og Ericsson munu eiga jafnan
hlut í fyrirtækinu.
Nýja fyrirtækið byggir á sérþekk-
ingu Ericsson á fjarskiptamarkaði
jafnt og sérþekkingu Sony á raftækni
með áherslu á rannsóknir, þróun,
hönnun, markaðsmál og dreifingu, að
því er forstjóri Ericsson, Kurt Hell-
ström, sagði á blaðamannfundi í gær.
Hellström lagði áherslu á að Ericsson
væri leiðandi í tækni varðandi þriðju
kynslóð farsíma þar sem símar fá
meiri flutningsgetu í sambandi við
Netið og geta virkað líkt og lófatölvur.
Forstjóri nýja fyrirtækisins verður
Katsumi Ihara, framkvæmdastjóri
hjá Sony, en hann mun skapa nýtt
vörumerki fyrir framleiðsluna. Ekki
hefur verið tekið fram hversu miklu
fjármagni verður veitt í nýja fyrir-
tækið.
Ericsson og Sony
í samstarf
FYRIR einkavæðingu og skráningu
hlutabréfa olíufélagsins Statoil á
markað verður kostað til einnar
stærstu auglýsingaherferðar og
markaðssetningar í Noregi nokkru
sinni. Að viðbættri fjármálaráðgjöf í
tengslum við einkavæðinguna mun
norska ríkið nota yfir sem sam-
svarar tíu milljörðum íslenskra
króna til verksins.
Fimmtán fjármálaráðgjafar fá
allt að átta milljarða í sinn hlut, þ.e.
ef fjórðungur bréfa Statoil verður
skráður á markað, hlutafjárútboðið
verður vel heppnað og viðunandi
markaðsvirði fæst á fyrirtækið. Al-
mannatengslafyrirtækið Woldsdal
& Partnere og auglýsingastofan
JBR McCann hafa verið ráðin til að
sjá um upplýsingagjöf og auglýs-
ingaherferðir og er kostnaðurinn
við það metinn á sem samsvarar um
tveimur milljörðum íslenskra króna.
Aftenposten greinir frá því að
stjórnarformaður almannatengsla-
fyrirtækisins Woldsdal & Partnere
er enginn annar en Harald Norvik,
fyrrverandi forstjóri Statoil, en
hann situr einnig í stjórn fjölmargra
annarra fyrirtækja.
Dýrt markaðsstarf
vegna skráningar
Ósló. Morgunblaðið.
ÍSLANDSBANKI-FBA hf. skilaði
639 milljónum króna í hagnað fyrstu
þrjá mánuði ársins samkvæmt óend-
urskoðuðu árshlutauppgjöri en til
samanburðar var hagnaður bankans
662 milljónir króna fyrir allt árið
2000.
Afkoma Íslandsbanka-FBA á
fyrsta ársfjórðungi er í samræmi við
áætlanir um hagnað ársins 2001, að
því er segir í tilkynningu, en gert er
ráð fyrir að hagnaður ársins í heild
nemi 3.561 milljón króna.
Hagnaður bankans fyrir skatta
nam 901 milljón króna en var 928
milljónir króna allt árið í fyrra. Um-
skipti urðu frá fyrra ári í afkomu af
verðbréfaeign. Í fyrra var gerð sér-
stök afskrift af fjárfestingarverð-
bréfum að fjárhæð 1.657 milljónir
króna til að mæta gengistapi sem
orðið hafði. Það sem af er þessu ári
hefur engin slík afskrift verið gerð
en gengishagnaður af annarri fjár-
málastarfsemi var 344 milljónir
króna fyrstu þrjá mánuði ársins sem
er nokkuð undir áætlun. Allt árið í
fyrra var sambærileg tala 47 millj-
ónir króna. 134 milljóna króna tap
var af hlutabréfum og öðrum eign-
arhlutum.
Eignir bankans við lok tímabilsins
námu alls tæpum 319 milljörðum
króna og höfðu þær aukist um 7,3%
frá áramótum, eða um 22 milljarða.
Eigið fé bankans jókst um 312 millj-
ónir króna og arðsemi eigin fjár var
18,7%, sem mun vera í samræmi við
markmið en arðsemin var 6,8% árið
2000. Þá jukust útlán um 4,7% á
tímabilinu en innlán um 7,6%. Áætl-
að CAD-hlutfall bankans nemur um
9,6% en bankinn gerir ráð fyrir að
CAD-hlutfallið verði 10,2% í lok árs-
ins. Áætlað framlag í afskrifareikn-
ing útlána nam 336 milljónum króna,
eða 0,5% af meðalstöðu heildarfjár-
magns. Í fréttatilkynningu bankans
segir að vanskil hafi verið mjög lítil í
sögulegu samhengi undanfarin miss-
eri, en svo virðist sem þau séu að
aukast á ný. Áætlanir bankans geri
þó ráð fyrir að framlag í afskrift-
areikning verði áfram hlutfallslega
hið sama, enda hafi gæði útlána verið
að aukast á undanförnum árum.
Í tilkynningunni kemur fram að
markvisst hafi verið unnið að því að
hagræða og draga úr rekstrarkostn-
aði bankans. Ljóst sé að aðgerðir í
kjölfar sameiningar bankanna séu að
skila árangri og þess megi vænta að
sú stefnumótunarvinna „sem nú á
sér stað muni styrkja innviði bank-
ans enn frekar til framtíðarsóknar“.
Bjarni Ármannsson, bankastjóri
Íslandsbanka-FBA, segir afkomu
tímabilsins vera í í takt við áætlun
bankans og gefi ekki tilefni til endur-
skoðunar hennar. Einnig sé arðsemi
eigin fjár félagsins í samræmi við
markmið þess.
Hann segir mun betri afkomu nú
miðað við árið í fyrra eiga rætur að
rekja til áhrifa sem bankinn varð fyr-
ir vegna verulegra verðlækkana á
markaði í fyrra. „Þeim er ekki fyrir
að fara í sama mæli nú þrátt fyrir að
fjámálamarkaðir hafi áfram verið að
þróast með óhagstæðum hætti
fyrstu þrjá mánuði ársins“, segir
Bjarni, enda hafi bankinn minnkað
talsvert áhættu af fjárfestingum sín-
um. „Á sl. ári vorum við að tapa á
fjárfestingum og lækkunum á mark-
aðsverðbréfum. Því er ekki fyrir að
fara í sama mæli nú, þrátt fyrir óhag-
stæða þróun á fjármálamörkuðum
almennt fyrstu þrjá mánuði ársins.
Þá höfum við dregið úr kostnaði með
hagræðingu og virku kostnaðarað-
haldi.“ Á sama hátt telur hann að
megi skýra verulega aukningu á arð-
semi eigin fjár, úr 6,8% á árinu 2000 í
18,7% á fyrsta ársfjórðungi 2001.
Uppgjör Íslandsbanka-FBA fyrir fyrsta ársfjórðung 2001
Morgunblaðið/Golli
Innlán jukust um 7,6% hjá Íslandsbanka-FBA hf. á fyrstu þremur mánuðum ársins, en útlán um 4,7%. Efnahags-
reikningur bankans stækkaði um 7,3% á tímabilinu og námu heildareignir 319 milljörðum króna í lok mars.
Nær sami hagnaður
og allt árið í fyrra
Skinnaiðnaður hf.