Morgunblaðið - 25.04.2001, Blaðsíða 23

ERLENT
MORGUNBLAÐIÐ MIÐVIKUDAGUR 25. APRÍL 2001 23
VANTRAUSTSTILLÖGU á
hendur Viktor Jústsjenkó, for-
sætisráðherra Úkraínu, sem til
stóð að bera
upp á úkr-
aínska þing-
inu í gær og
gæti hafa fellt
ríkisstjórn-
ina, var frest-
að fram á
fimmtudag.
316 af 450
þingmönnum
samþykktu
eftir hvassar umræður að
fresta atkvæðagreiðslu um
vantrauststillöguna sem hangið
hefur yfir stjórn Jústsjenkós í
heila viku. Tíu þingmenn
greiddu atkvæði á móti frest-
uninni.
Jústsjenkó, sem er fyrrver-
andi stjórnarformaður úkr-
aínska seðlabankans, er fallinn
í ónáð hjá kommúnistum,
áhrifamiklum kaupsýslumönn-
um og fleiri hagsmunahópum.
Hafa róttækar efnahagsum-
bótaaðgerðir stjórnarinnar
kallað þessa óvild yfir forsætis-
ráðherrann.
Gúsinskí
birtar nýjar
ákærur
RÚSSNESKIR saksóknarar
hafa lagt til nýrrar atlögu að
því að fá fjölmiðlajöfurinn
Vladimír Gúsinskí framseldan
frá Spáni. Lagði ríkissaksókn-
araembættið í Moskvu fram
nýjar ákæru um peningaþvætti
á hendur Gúsinskí og fól rúss-
nesku Interpol-skrifstofunni að
gefa út nýja alþjóðlega hand-
tökuskipun. Greindi Interfax-
fréttastofan frá þessu í gær.
Gúsinskí var látinn laus úr
stofufangelsi í Sotogrande á
Spáni eftir að spænskur dóm-
stóll hafnaði fyrri framsals-
beiðni rússneskra stjórnvalda
sl. miðvikudag. Hann hugðist
fara til Ísrael í gær, en hann
hefur bæði rússneskan og ísr-
aelskan ríkisborgararétt. Lög-
menn Gúsinskís í Moskvu
sögðu hinar nýju ákærur vera
„uppspuna“. Gúsinskí telur
ákærurnar á hendur sér lið í
herferð Kremlarvaldsins gegn
fjölmiðlaveldi sínu; með þeirri
herferð vilji valdhafarnir
skrúfa fyrir alla óþægilega
gagnrýni á sig.
Fordæma
aftöku
McVeigh
ALÞJÓÐLEGU mannrétt-
indasamtökin Amnesty Int-
ernational gáfu í gær út yfirlýs-
ingu, þar sem fyrirhuguð
aftaka Timothy McVeighs, sem
kallaður hefur verið „Okla-
homa-sprengjumaðurinn“, er
fordæmd og varað við því að
hún gæti gert hann að píslar-
votti og skapað hættu á að aðrir
öfgamenn reyndu að herma
ódæðisverk hans eftir.
McVeigh var dæmdur til dauða
fyrir að hafa staðið að sprengi-
tilræði við alríkisbygginguna í
Oklahomaborg árið 1995, sem
varð 168 manns að bana. Til
stendur að taka hann af lífi með
banvænni sprautu, með hans
eigin samþykki, hinn 16. maí
nk.
STUTT
Jústsjenkó
fær gálga-
frest
Viktor
Jústsjenkó
Stjórnarandstöðuflokkar á hægri og
vinstri vængjum hafa krafist skýr-
inga á deilum Jan Trøjborg, varn-
armálaráðherra Danmerkur, og yf-
irmanns danska heraflans, Christian
Hvidt. Trøjborg setti ofan í við Hvidt
í vikunni sem leið eftir að sá síðar-
nefndi greiddi atkvæði í hermála-
nefnd Evrópusambandsins í trássi
við fyrirskipun ráðherra.
Hvidt hefur ekki svarað þessum
ásökunum og krefjast stjórnarand-
stæðingar þess nú að varnarmála-
ráðherrann geri nánari grein fyrir
málinu, ekki síst hvað varði þátttöku
Dana í hernaðarsamstarfi Evrópu-
sambandsins.
Atkvæði Hvidts réð úrslitum er
Finni var tekinn fram yfir Ítala sem
formaður hermálanefndarinnar.
Sagður hafa greitt atkvæði
með góðvini sínum
Trøjborg fullyrðir að hann, svo og
utanríkisráðuneytið, hafi gert Hvidt
það ljóst fyrir fundinn að honum
bæri að greiða atkvæði með fulltrúa
NATO-lands en Hvidt hafi skellt
skollaeyrum við því. Fullyrt hefur
verið í dönskum fjölmiðlum að
finnski herforinginn sem um ræðir
sé góðvinur Hvidt.
Þrátt fyrir þetta lýsti Trøjborg því
yfir að ekki væri ástæða til að víkja
Hvidt frá og að héðan í frá myndi
fulltrúi Dana ekki greiða atkvæði í
nefndinni ef líkur væru til þess að
það hefði úrslitaáhrif á niðurstöðuna.
Tveimur vikum áður hafði ráð-
herrann lýst því yfir í viðtali við
Berlingske Tidende að Hvidt væri
fyllilega treystandi til að notast við
eigin dómgreind þegar hann greiddi
atkvæði í nefndinni.
Nú hafa stjórnarandstæðingar
krafist þess að Trøjborg geri nánari
grein fyrir fyrirskipunum sínum og
svari því einnig hvers vegna Hvidt
var látinn greiða atkvæði þar sem
Danir séu ekki fullgildir meðlimir í
varnarsamstarfi ESB.
Ráðherra setur ofan í við yfirmann danska heraflans
Deilt um þátttöku Dana í
hernaðarsamstarfi ESB
Kaupmannahöfn. Morgunblaðið.
VÍSINDAMÖNNUM hefur
tekist að greina genamengi
tveggja afbrigða af bakteríum
sem þróað hafa varnir gegn
sýklalyfjum. Er þetta talinn
mikilvægur áfangi í baráttunni
við „ofurbakteríur.“
Vísindamenn hafa haft
áhyggjur af því að ýmis bakt-
eríuafbrigði hafa þróað vörn
eða ónæmi fyrir sýklalyfjum.
Hópi vísindamanna við Junt-
endo-háskóla í Tókýó hefur nú
tekist að kortleggja genamengi
tveggja afbrigða af klasakokk-
um, sem orsaka mikinn hluta
sýkinga sem verða innan
veggja sjúkrahúsa, og nú er því
unnt að hefja vinnu við þróun
nýrra lyfja sem unnið geta bug
á þeim.
Bakteríuafbrigðin eru nefnd
eftir þeim tegundum sýklalyfja
sem þau hafa þróað ónæmi fyr-
ir, annarsvegar methicillin-
ónæm og hins vegar vancomyc-
in-ónæm. Bæði afbrigðin eru
talin mjög hættuleg, einkum
það síðarnefnda. Að sögn vís-
indamannanna virtust hlutar af
erfðaefni bakteríanna vera
fengnir frá öðrum lífverum –
jafnvel úr mönnum – og gæti
það skýrt hversu vel þeim hef-
ur tekist að aðlagast umhverf-
inu og verjast sýklalyfjum.
Áfangi í
barátt-
unni gegn
„ofurbakt-
eríum“
VERIÐ er að hefja umfangsmikla
rannsókn í aðildarríkjum Evrópu-
sambandsins á meintum andlegum
og líkamlegum skaða sem glasa-
börn verði fyrir. Alls verða rann-
sökuð 1.500 börn en eldri rann-
sóknir benda til þess að börnunum
sé hættara við minni háttar lík-
amlegri afmyndun, hægari þroska
og andlegu álagi, að því er segir í
Berlingske Tidende.
Rannsökuð verða fimm ára börn
sem verða til við glasafrjóvgun þar
sem einni sæðisfrumu er sprautað
inn í egg. Samkvæmt öðrum rann-
sóknum virðist þessi aðferð auka
líkur á því að börnin fæðist t.d. með
afmyndaðan eyrnasnepil, sam-
grónar tær og þess háttar. Þá virð-
ast þau þroskast hægar.
Rannsóknin verður gerð í Sví-
þjóð, Bretlandi, Grikklandi og
Belgíu auk Danmerkur en for-
sprakki hennar er breski barna-
læknirinn Alistair Sutcliff. Hann
kveðst áhyggjufullur vegna áhrif-
anna á börnin; þeim sé hættara við
að fæðast með afmyndun og að ekki
megi gleyma því andlega ástandi
sem foreldrarnir séu í þegar barnið
loksins fæðist. Áralangar árangurs-
lausar tilraunir til að eignast barn
setji sín spor.
„Nokkrir sálfræðingar hafa látið
að því liggja að þessi börn séu undir
miklu álagi vegna stöðu fjölskyld-
unnar og að það hafi á einn eða
annan hátt áhrif á þau,“ segir lækn-
irinn í samtali við Berlingske
Tidende.
Ekki liggur fyrir hvenær rann-
sókninni lýkur.
Rannsókn á andlegum og líkam-
legum áhrifum glasafrjóvgunar
Kaupmannahöfn. Morgunblaðið.