Morgunblaðið - 25.04.2001, Blaðsíða 2

FRÉTTIR
2 MIÐVIKUDAGUR 25. APRÍL 2001 MORGUNBLAÐIÐ
8 SÍÐUR
Sérblöð í dag www.mb l . i s
Möltubúar eru sýnd veiði
en ekki gefin / C2
Rosenborg hefur áhuga
á Stefáni / C1
4 SÍÐUR
 Í VERINU í dag er m.a. fjallað um sölu á sjávaraf-
urðum í Bandaríkjunum og Kanada, hátt fiskverð í
Þýskalandi og rætt við eigendur Beitis, H. Ólafssonar í
Vogunum.
TRILLAN Kló RE-147 strandaði á
grynningum við Grundarfjarð-
arhöfn um hádegið í gær. Verið er
að vinna að því að lengja norð-
urgarð hafnarinnar og hafði möl
verið dælt upp við endann á garð-
inum. Skipstjórinn á Klónni virðist
ekki hafa áttað sig á því og sigldi
bátnum í strand á malarrifinu.
Hafsteinn Garðarsson hafn-
arvörður segir að bauja hafi verið
sett út til að vara sjófarendur við
rifinu. Skipstjórinn á Klónni hafi
ekki verið kunnugur á þessum slóð-
um og því miður hafi hann ekki átt-
að sig á hættunni. Báturinn lenti
því á rifinu á talsverðri ferð.
Hafsteinn segir að svo virðist
sem litlar skemmdir hafi orðið á
bátnum en þó eigi eftir að kanna
það nánar.
Strandaði á uppfyllingu
fyrir hafnarmannvirki
Morgunblaðið/Guðlaugur Albertsson
Kló RE á strandstað í Grundarfirði í gær.
BJARNI Ásgeir Jónsson, fram-
kvæmdastjóri og aðaleigandi
Reykjagarðs hf. í Mosfellsbæ og á
Hellu, hefur ákveðið að selja fyrir-
tækið sem fjölskylda hans á alfarið.
Kaupandi er Fóðurblandan hf.
ásamt fleiri fjárfestum. Bjarni Ás-
geir staðfesti þetta í samtali við
Morgunblaðið. Kaupverð fæst ekki
uppgefið.
Reiknað er með að nýir eigendur
taki við rekstrinum 1. júní næstkom-
andi en Bjarni Ásgeir mun fyrst um
sinn starfa sem framkvæmdastjóri
Reykjagarðs, eða í sex mánuði, og
vera nýjum eigendum til ráðgjafar í
aðra sex mánuði til viðbótar. Ekki
stendur til að gera breytingar á
starfsmannahaldi að öðru leyti en
alls starfa um 100 manns hjá Reykja-
garði.
„Aðrir óskuðu eftir því að kaupa
hlut í fyrirtækinu og við vorum tilbú-
in að skoða það. Endirinn varð sá að
tilboð kom í öll hlutabréfin og við
tókum því,“ segir Bjarni Ásgeir.
Erfið ákvörðun
Hann hefur starfað í rúma tvo ára-
tugi við kjúklingarækt og aðra mat-
vælaframleiðslu en þar áður rak
hann gróðrarstöðina Garðshorn í
nokkur ár, enda garðyrkjufræðingur
að mennt. Reykjagarður hf. var
stofnaður árið 1971 sem garðyrkju-
stöð á Reykjum en þróaðist síðan yf-
ir í ræktun á kjúklingum og fleiri ali-
fuglum.
„Auðvitað er að það skrítin tilfinn-
ing að ætla að fara að hætta þessu.
Það tók mann nokkurn tíma að taka
þessa ákvörðun. Ákvörðunin var erf-
ið en maður stendur við hana. Við er-
um með gott fyrirtæki og starfsfólk
sem staðið hefur með okkur í gegn-
um þykkt og þunnt. Sviptingar hafa
verið miklar og samkeppnin hörð á
þessum markaði. Maður hefur
kynnst ýmsu á þessum rúmu tuttugu
árum. En eftir langa baráttu var
komin viss þreyta í mann. Ekki hefur
verið ákveðið hvað tekur við hjá mér
að þessu loknu, maður kann enn ým-
islegt fyrir sér,“ segir Bjarni Ásgeir.
Mikilvægur viðskiptavinur
Um tíma hafði Reykjagarður uppi
áform um að flytja starfsemina til
Borgarness en ekkert varð af því. Í
staðinn var ákveðið að stækka slát-
urhúsið á Hellu og byggja nýtt út-
ungunarhús í Mosfellsbæ. Þar stend-
ur til að auka stofnræktina en leggja
á meiri áherslu á kjúklingaeldið á Ás-
mundarstöðum í Rangárvallahreppi.
Bjarni Pálsson, framkvæmda-
stjóri Fóðurblöndunnar, hafði for-
göngu um kaupin á Reykjagarði. Í
samtali við Morgunblaðið vildi hann
ekki gefa upp hvaða fleiri fjárfestar
væru með honum í þessum viðskipt-
um. Lagði Bjarni áherslu á að ekki
væri búið að skrifa endanlega undir
kaupsamninga heldur viljayfirlýs-
ingu um kaupin með þeim fyrirvara
að áreiðanleikakönnun á fyrirtækinu
skili jákvæðri niðurstöðu.
Spurður um ástæðu fyrir áhuga
Fóðurblöndunnar á rekstri Reykja-
garðs sagði Bjarni Pálsson það ekki
stefnu Fóðurblöndunnar að fjárfesta
í framleiðendum.
„Reykjagarður er mikilvægur og
stór viðskiptavinur Fóðurblöndunn-
ar, enda stærsti kjúklingaframleið-
andi landsins. Við viljum reyna að
vernda okkar viðskipti og hafa áhrif
á það hvað gerist með þetta fyrir-
tæki. Við lítum á Reykjagarð sem
góðan fjárfestingarkost. Fyrirtækið
hefur náð góðum árangri, bæði á
markaði og í umhverfismálum að
undanförnu,“ sagði Bjarni.
Bjarni Ásgeir Jónsson selur allan sinn hlut í Reykjagarði
Fóðurblandan og
fleiri fjárfestar kaupa
HÉRAÐSDÓMUR Vestfjarða sýkn-
aði á mánudag karlmann af ákæru
um fjölmörg kynferðisbrot sem hann
framdi gegn ungum frænda sínum
þegar sá síðarnefndi var fimm til ell-
efu ára gamall.
Maðurinn játaði að hafa framið
brotin en var sýknaður þar sem sök-
in var fyrnd en síðasta brot var fram-
ið árið 1986.
Brot fyrnast á 10 árum
Í dómnum segir að samkvæmt
þeim lögum, sem voru í gildi þegar
brotin voru framin, hafi þyngsta
refsing fyrir samræði við barn yngra
en 14 ára verið 12 ára fangelsi. Sam-
kvæmt ákvæðum þeirra laga varðaði
það sex ára fangelsi að hafa kynferð-
ismök við persónu af sama kyni.
Þegar ekki liggur þyngri refsing
en 10 ára fangelsi við brotum fyrnist
sök á 10 árum. Síðasta brotið átti sér
stað árið 1986 en málið var kært til
lögreglu árið 1999. Brotin voru því
fyrnd samkvæmt þeim lögum sem
voru í gildi þegar þau voru framin.
Í bótakröfu mannsins segir að
kynferðisbrotin hafi haft veruleg
áhrif á líf hans og tilvist og valdið
honum ómældum sársauka og van-
líðan. Misnotkunin hafi haft áhrif á
menntun hans og starfsferil og leitt
hann tímabundið í óreglu með alvar-
legum afleiðingum.
Í sálfræðimati á hinum ákærða er
m.a. sagt að greina megi á persónu-
leika ákærða að hann hafi orðið fyrir
einelti á barnsaldri og hafi sjálfur
orðið fyrir kynferðislegri misnotkun
þegar hann var barn. Í dómnum
kemur fram að ekkert benti til þess
að börnum hans væri hætta búin eða
að þau hefðu orðið fyrir kynferðis-
legri misnotkun. Þá kemur fram að
andleg líðan hans nú einkennist af
mikilli spennu, depurð og orkuleysi.
Þetta setji mark á andlegt heilsufar
hans og sambýliskonu og fjölskyldu
þeirra.
Bótakröfu brotaþolans var vísað
frá dómi.
Erlingur Sigtryggsson héraðs-
dómari kvað upp dóminn.
Játaði á sig fjölmörg kynferðisbrot
Sýknaður þar
sem brotin
voru fyrnd
EF Goði hf. nær samningum við
Norðlenska matborðið ehf. má bú-
ast við því að kjötvinnslunni á
Kirkjusandi verði lokað en um 50 til
70 starfsmenn vinna þar. Þetta kom
fram í samtali Morgunblaðsins við
Kristin Geirsson, framkvæmda-
stjóra Goða, en fyrirtækið hefur
þegar tilkynnt að það muni loka
kjötvinnslunni á Selfossi, þar sem
um 20 manns starfa, í lok júní.
„Við erum að fara í gegnum hag-
ræðingaraðgerðir,“ sagði Kristinn.
„Það hefur ekki alveg skilað sér öll
veltan sem við gerðum ráð fyrir.
Þess vegna höfum við of mikla af-
kastagetu og það lofar ekki góðu í
afkomu fyrirtækja. Þess vegna
verðum við að minnka hana.“
Kristinn sagði að ekki væri ljóst
hvort starfsmönnum kjötvinnslunn-
ar á Kirkjusandi yrðu boðin störf
hjá fyrirtækinu enda væri málið
ekki komið það langt. Hann sagði
að ef kjötvinnslunni þar yrði lokað
yrði það gert seint á þessu ári.
Að sögn Kristins á kjötvinnslan á
Selfossi minnstu samleiðina með
fyrirtækinu og því hafi verið ákveð-
ið að loka henni. Af þeim 20 starfs-
mönnum sem vinna hjá kjötvinnsl-
unni á Selfossi verða 2 til 5
mögulega boðin störf hjá fyrirtæk-
inu á Hellu og í Faxafeni í Reykja-
vík.
Kristinn sagði að ef samningar
næðust við Norðlenska matborðið
yrði stór hluti kjötvinnslunnar flutt-
ur norður á Akureyri og Húsavík.
Goði hf. í viðræðum við Norðlenska
Framtíð kjöt-
vinnslu á Kirkju-
sandi óljós
LÖGREGLAN í Reykjavík hafði
mikinn viðbúnað í Foldahverfi í
Grafarvogi í gærkvöld og lokaði m.a.
nokkrum götum vegna hótana
manns. Umsátursástandinu lauk
hins vegar eftir eina og hálfa klukku-
stund er maðurinn gaf sig fram við
lögreglu af fúsum og frjálsum vilja.
Viðbúnaður
vegna
hótunar
♦ ♦ ♦