Morgunblaðið - 03.05.2001, Blaðsíða 67

BRÉF TIL BLAÐSINS
MORGUNBLAÐIÐ FIMMTUDAGUR 3. MAÍ 2001 67
ÉG trúi því varla að bæjarstjórn
Garðabæjar láti verða af því að
leyfa að svokallað bryggjuhverfi fái
að rísa í Arnarnesvoginum.
Þetta virðast þeir ætla að gera
þrátt fyrir öflug mótmæli íbúa á
Arnarnesi og nálægum svæðum við
Voginn. Bryggjuhverfið verður á
stærð við 10 Laugardalsvelli, 7,3
ha, ekkert smávegis! Fyrirhugað
framkvæmdasvæði er m.a. á nátt-
úruminjaskrá og hefur mikið nátt-
úruverndargildi og full ástæða til
friðlýsingar.
Lóðir t.d. á Arnarnesinu eru allt
eignarlóðir, og íbúar þar hafa
byggt sín hús og sest þar að vegna
þess að þeir vilja búa í friði og
spekt við náttúru og menn. Það
datt engum í hug að sótt yrði að
þeim af hafi er þeir settust þar að.
Arnarnesvogur er afar hljóðbær,
þar af leiðandi myndi verða mikil
hljóðmengun er myndi endurkastast
frá þessu hverfi, (hæð húsa plús
landfylling verður ca 20 metra hátt).
Þarna ætla þeir sér að leyfa hverfi
fyrir um 1.800 manns, og bátaum-
ferð þar að auki.
Landrými er nægilegt í Garðabæ,
það er verið að skipuleggja tæplega
8.000 manna hverfi á Garðaholti,
það eru jafnmargir og búa nú í
bænum, öðru máli gildir víða er-
lendis þar sem rými vantar og þarf
að „troða“ húsum og fólki á fyllingu
í hafinu.
Bæjarstjórn er kosin af íbúum
Garðabæjar til að fara með mál
bæjarbúa og verður að taka tillit til
þeirra, þeir eru jú á launum hjá
okkur, eða hef ég misskilið það?
Ávallt er ýjað að draslinu kring-
um gömlu Stálvík og látið að því
liggja að íbúar vilji það ekki burt,
þetta er alger misskilningur, það
vilja allir láta lagfæra þar og
snyrta, það kemur landfyllingu ekk-
ert við.
Það var fundur í fél. eldri borgara
í Garðabæ 21.4. sl. þar sem Björgun
hf. kynnti bryggjuhverfið, þar voru
fá og loðin svör.
Sjálfstæðisflokkurinn hefur alltaf
haft meirihluta í Garðabæ til þessa,
en ansi er ég hrædd um að því ljúki
í næstu kosningum ef umtalað
hverfi fær að rísa á fyllingu, alla-
vega fá þeir ekki mitt, eða minnar
fjölskyldu atkvæði, þá framar.
Það er einhver fnykur af þessu
máli, getur verið að einhver hafi
fyllt í askana þeirra?
ÁSTA M. HÁVARÐARDÓTTIR,
Blikanesi 19, Garðabæ.
Bregst bæjarstjórnin?
Frá Ástu M. Hávarðardóttur:
HVAÐ á kærleikurinn sameigin-
legt með ytra formi tilbeiðsluat-
hafna. Ekkert að mínu mati, en
hugsanlega notar hver tilbeiðslu-
hópur sínar aðferðir til að minna
sinn hóp á hverjum hann tilheyrir.
Sumir nota krossa og aðrir nota
svokallað talnaband, sumir mála
blett á ennið, aðrir snúa sér í átt-
ina að sínum helgidómi og svo má
lengi telja. Gallinn við þessar ytri
skilgreiningar eru þær, að þessar
hjarðir renna stundum saman og
fremja óhæfuverk hver gegn ann-
arri, vegna vanhæfni við að túlka
hinn innri kjarna tilbeiðslunnar,
sem er grundvöllur allra trúar-
bragða, sem á annað borð kenna
sig við kærleikann, eða guð öðru
nafni.
Í mínum huga er það skýrt, að
kærleikurinn í sinni réttu og
dýpstu mynd er guðshugsjónin
sjálf, kærleikur og ástúð til alls
sem lifir og einnig það sem er
grundvöllur lífs, en það er efnið.
Hið guðlega gerir efnið sér und-
irgefið og myndar lífsskilyrði hvar
sem við verður komið í veröldinni.
Lífið er eilíft, lífsviljinn er sterkur
og ætlun guðs er lifandi alheimur.
Hin ytri skilyrði í veröldinni gefa
ekki tilefni til að vera bjartsýnn á
að nokkur hnöttur geti myndast,
hvað þá sól eða vetrarbraut (sólna-
safn).
Hið flókna samspil náttúrunnar,
allt frá því að efnið er í formi ryk-
korna og ískristalla svífur um
geiminn án tilgangs og eiginlegrar
tilveru og þar til það verður að
myndarlegu sólkerfi með lífvæn-
legum hnöttum innan borðs sem
gefa öll skilyrði til lífsmyndunar er
ekki
sjálfgefið. Heimsfrægir vísinda-
menn og hugsuðir hafa margsinnis
látið í ljós undrun á þessum furðu-
verkum náttúrunnar og bæta við,
það er eins og einhver vitvera
stjórni þessu öllu saman, aðrir
segja guðleg forsjón. Hver og einn
getur spurt sig þeirrar spurningar,
hvað er mikilvægara í augum ein-
staklings sem hefur náð að þrosk-
ast og þróast í átt að guðsstigi og
langt inn á það stig, en einmitt
sköpun lífs? Erum við ekki einnig
að skapa líf með mökun og fóstra
það til sjálfsbjargar og til fullorð-
insára? Hvað getur hið guðlega
gert annað en að skapa og hugsa
um það líf sem það skóp og koma
því til manns og vits. Vegna mikils
vanskilnings á eðli guðdómsins og
kærleikans setja menn þessa æðstu
hugsjón í bása og hengja á hana
klafa, sem gerir fólki erfitt með að
fóta sig í þessari fjölbreyttu flóru
og tekur því þá einu rökréttu af-
stöðu, að neita að viðurkenna til-
vist guðs eða guða. Aðrir saka hið
guðlega fyrir bölið er það verður
fyrir, sumir leggja allt sitt traust á
trúna og formin og kyngja öllu sem
hendir það í lífinu sem eitthvað er
hið guðlega hefur ætlað því.
Svona má lengi telja, en hefur
einhverjum af þessum hópum dott-
ið í hug að kortleggja guðshug-
myndina og athuga hvað hún á
sameiginlegt við það líf sem hver
og einn er að lifa hvern dag? Mín
trú er sú að þegar það er gert sjái
hver og einn, að guð er eitt og at-
hafnir mannanna eru annað. Líkt
og kærleiksrík móðir hugsar um og
sinnir barninu sínu frá fæðingu til
fullorðinsára getur hún ekki borið
ábyrgð á gerðum þess, þrátt fyrir
allan kærleikann sem hún ber til
afkvæmisins. Því þrátt fyrir allt
hefur barnið sjálfstæðan vilja,
hugsanir og ákvarðanatöku og ber
einnig ábyrgð á eigin hegðun. Vís-
indamaðurinn og hugsuðurinn dr.
Helgi Pjeturss lét svo ummælt í
upphafi síðustu aldar að guð og
kærleikur væru hluti hins efnislega
heims eins og maðurinn og þeir,
þ.e. guðirnir, ættu sér langan lífs-
og þroskaferil að baki og ættu þeir
engin endimörk í þroskaviðleitni.
Öll trúarbrögð sem fram hafa kom-
ið í sögu jarðarinnar eiga sér upp-
tök utan þessa sólkerfis og væru
þau tilkomin vegna sambands við
háþroska guðlegar verur annarra
lífhnatta í geimnum, tilkomið
vegna skilyrða til hugsanaflutnings
er viðkomandi trúarhöfundar urðu
aðnjótandi að, eða sköpuðu.
ATLI HRAUNFJÖRÐ,
Marargrund 5, Garðabæ.
Guð og kærleikurinn
Frá Atla Hraunfjörð:
AÐ frumkvæði velunnara barna-
blaðsins Æskunnar var í vetur unnið
að sérstæðu verkefni: Þeirri hug-
mynd komið á framfæri við fyrirtæki
að þau gæfu börnum bók í sumargjöf.
Undirtektir voru mjög góðar og fjöldi
fyrirtækja tók þátt í verkefninu. Þau
gáfu börnum á starfssvæði sínu úr-
valsbók sem hæfði aldri barnanna.
Tilgangurinn var að örva lestrar-
áhuga, nauðsynlegan grunn að hvers
konar námi, og minna á hinn góða og
gamla sumargjafasið. Í bréfi til for-
eldra barnanna voru þeir hvattir til að
lesa fyrir ung börn sín og fylgjast með
þeim lesa. Einnig var þar nefnt að bók
væri góð gjöf – á sumardaginn fyrsta
og af mörgu öðru tilefni.
Bækurnar keyptu fyrirtækin hjá
Æskunni ehf. en bókaútgáfa fyrir-
tækisins var stofnuð til að styðja
barnablaðið Æskuna, eina íslenska
barnablaðið með fjölbreyttu efni.
Æskan leggur áherslu á að kynna
barnamenningu, vera vettvangur fyr-
ir margs konar efni frá börnum og
vinna að forvörnum á ýmsan hátt, auk
þess að miðla fróðlegu og skemmti-
legu efni.
Að þessu sinni var einkum unnið
með fyrirtækjum utan höfuðborgar-
svæðisins en þeim sem út undan urðu
verður að sjálfsögðu gefinn kostur á
þátttöku í svipuðu verkefni. Ekki er
ólíklegt, með hliðsjón af undirtektum
fyrirtækja og vegna hrifningar
barnanna sem hlutu sumargjöfina, að
þetta verði árlegur viðburður.
F.h. velunnara Æskunnar,
KARL HELGASON.
Bók í sumargjöf – frá
fyrirtækjum til barna
Frá Karli Helgasyni:
UNDIRRRITUÐ dvöldu um
páskana á þessum nýja áfangastað
Plúsferða í Tyrklandi.
Þetta var fyrsta ferðin til þessa
staðar, flogið var með Flugleiðum
beint til Dalaman-flugvallar í suð-
vestur hluta Tyrklands.
Þegar ekið er frá flugvellinum
þessa 90 km til strandbæjarins
Marmaris liggur leiðin í gegnum
skógi vaxin svæði, fallegar sveitir og
lítil þorp, þar sem tíminn virðist
standa í stað.
Umhverfi Marmaris er sagt með
því fegursta í Tyrklandi, en þarna
vex furuskógur niður að ströndinni,
þar sem eyjar, víkur og vogar mynda
fallega umgjörð um bæinn sem er
ákaflega líflegur.
Þarna búa að staðaldri um 20 þús-
und manns, en á síðustu 20-30 árum
er búið að byggja þarna upp, að vest-
rænum hætti, aðstöðu fyrir ferða-
menn og yfir ferðamannatíman
margfaldast því íbúatalan.
Við vorum fyrsti hópurinn sem
þarna kom til dvalar á þessu ári og
þetta snemma þýðir ekki að reikna
með sól og blíðu alla daga, en nóg er
við að vera þótt veðrið sé ekki eins og
best verður á kosið.
Íbúðir, þrif og þjónusta öll er mjög
góð og íbúar mjög alúðlegir í alla
staði. Af veitingahúsum er úr nógu
að velja og tyrknesk matreiðsla
hreint frábær.
Þeir sem hafa gaman af rölti um
verslunargötur hafa þarna úr nógu
að moða á litríku svæði í gamla bæn-
um. Verðlag þarna er ótrúlega hag-
stætt bæði á varningi og mat.
Þá er hafnarsvæðið áhugavert og
gaman að rölta þar um og virða fyrir
sér þann hluta mannlífsins.
Af skoðunarferðum sem í boði
voru fórum við til borgarinnar Efes-
us sem er fornfræg, en búið er að
grafa upp hluta borgarinnar sem er
ótrúlega heillegur og mikil upplifun
að bera augum.
Þjónusta fararstjóra Plúsferða
var með miklum ágætum, takk fyrir
okkur.
PÁLÍNA S. DÚADÓTTIR,
JÓHANN G. LANDMARK.
Esjubraut 8, Akranesi.
Marmaris
Frá Pálínu og Jóhanni:
Gull
er gjöfin
Gullsmiðir
BÓKANIR Í SÍMUM: 551 5103 & 551 7860