Morgunblaðið - 06.05.2001, Blaðsíða 4

Nýfundnalandi. Indriði Kristinsson,
hafnarstjóri í Þorlákshöfn, sagði
engum vandkvæðum bundið að
taka á móti þetta stóru skipi inn í
höfnina, það væri nýlega búið að
dýpka innsiglinguna og dýpið við
Suðurvararbryggjuna væri nægi-
legt. Indriði sagði að fljótlega yrði
farið í dýpkun inni í höfninni og við
Skarfaskersbryggju.
fyrirtæki sem eiga beitusmokkinn,
Dímon á 1400 tonn og Netasalan á
140 tonn, þessi fyrirtæki munu síð-
an dreifa beitusmokknum um allt
land og einnig til Færeyja og Græn-
lands.
Skipið, sem er um 7000 brúttó-
lestir og 135 metra langt, kom með
beitusmokkinn frá Falklandseyjum
en er búið að lesta hluta farmsins á
STÆRSTA skip sem komið hefur
til Þorlákshafnar kom með 1600
tonn af beitusmokk frá Falklands-
eyjum. Það er Ísfélag Þorláks-
hafnar sem tekur á móti skipinu og
verður farmurinn geymdur í frysti-
geymslu þeirra í Kuldabola.
Að sögn Guðmundar Gunn-
arssonar, framkvæmdastjóra Ís-
félags Þorlákshafnar, eru það tvö
Stærsta skip sem komið hefur til Þorlákshafnar
Morgunblaðið/Jón H. Sigurmundsson
Mikið hefur verið að gera við höfnina í Þorlákshöfn undanfarið. Hér er verið að taka á móti beitusmokki frá
Falklandseyjum úr stærsta skipi sem komið hefur til Þorlákshafnar.
1.600 tonn af beitusmokki
frá Falklandseyjum
Þorlákshöfn. Morgunblaðið.
FRÉTTIR
4 SUNNUDAGUR 6. MAÍ 2001 MORGUNBLAÐIÐ
VIKAN 29/4–5/5

SÖLUFÉLAG garð-
yrkjumanna, SFG, hefur
kært ákvörðun samkeppn-
isráðs um að SFG, Ágæti og
Mata hafi stundað ólöglegt
samráð og hamlað sam-
keppni á grænmetis-, kart-
öflu- og ávaxtamarkaðnum.

Á MÁNUDAG voru tíu ár
liðin frá því að Davíð Odds-
son tók við embætti for-
sætisráðherra. Hann hefur
gegnt því embætti lengur
samfellt en nokkur annar.

FJÓRIR sitja í gæslu-
varðhaldi vegna skotárásar
í Breiðholti sl. sunnudags-
kvöld. Málið er rannsakað
sem tilraun til manndráps.

RÚMLEGA 300 einkenn-
isklæddir lögreglumenn
gengu fylktu liði að Alþingi
á mánudag til að mótmæla
seinagangi í kjara-
viðræðum við ríkið.

Kostnaðaráætlun vegna
innréttinga á skrifstofum
Alþingis við Austurstræti
hljóðaði upp á 133 milljónir
en heildarkostnaður reynd-
ist 249,9 milljónir.

LÍKLEGT er að þorsk-
veiðiheimildir verði skorn-
ar niður á næsta fisk-
veiðiári en upplýsingar um
vöxt og viðgang þorsk-
stofnsins benda til minni
stofnstærðar.

LANDSVIRKJUN telur
að umhverfisáhrif Kára-
hnjúkavirkjunar séu innan
viðunandi marka í ljósi þess
ávinnings sem virkjun og
sala orkunnar myndi skila
þjóðinni.

SMÁSÖLUÁLAGNING
á innfluttum jarðaberjum
var allt að 157% á miðviku-
dag. Verð hefur lækkað síð-
an.
Krónan fellur
GENGI krónunnar lækkaði um rúm
6% á miðvikudag en þá voru metvið-
skipti á gjaldeyrismarkaði. Við lok við-
skipta var gengisvísitala íslensku krón-
unnar 141,54 en um síðustu áramót var
vísitalan 120,95. Hækkun vísitölunnar
þýðir lækkun á gengi krónunnar. Á
föstudag var gengisvísitalan komin í
140 stig.
Verð á bifreiðum og utanlandsferð-
um hækkaði í kjölfar gengisfalls krón-
unnar og búist er við því að verðlag á
matvörum og fleiru hækki einnig.
Forsvarsmenn nokkurra af stærstu
fyrirtækjum landsins segja að gengis-
lækkunin hafi slæm áhrif á gengi fyr-
irtækjanna. Gengislækkunin bitni helst
á þeim fyrirtækjum sem hafi eingöngu
tekjur í íslenskum krónum en gjöld og
skuldir í erlendri mynt.
Hækkun á bensínverði
OLÍUFÉLÖGIN hækkuðu öll verð á
bensínlítranum um 6,60 krónur á
þriðjudaginn. Félögin sögðu þetta
nauðsynlegt vegna lækkandi gengis
krónunnar gagnvart dollar og vegna
hækkunar á heimsmarkaðsverði.
Á fimmtudag hækkaði Olíufélagið hf.
verðið aftur um 3,40. Daginn eftir
hækkaði Olíuverslun Íslands verðið á
sama hátt. Skeljungur hefur ekki tekið
ákvörðun um frekari hækkanir.
Rannsókn á
smásölumarkaði
Í SKÝRSLU Samkeppnisstofnunar um
matvörumarkaðinn og verðlagsþróun í
smásöluverslun kemur fram að á árun-
um 1996 til 2000 minnkaði samkeppni í
kjölfar samruna og álagning jókst á
matvörumarkaði. Tvö fyrirtæki ráða nú
2/3 hlutum smásölumarkaðarins en þau
réðu 45% markaðarins árið 1996.
Samkeppnisstofnun hyggst hefja
rannsókn á einstökum fyrirtækjum á
smásölumarkaði.
INNLENT
Vara við vígbúnaðar-
kapphlaupi
KÍNVERJAR vöruðu á miðvikudag
við nýju vígbúnaðarkapphlaupi ef
Bandaríkjastjórn hætti ekki við um-
deild áform sín um að koma upp gag-
neldflaugavarnakerfi en Rússar sögð-
ust vera tilbúnir að ræða við banda-
ríska embættismenn um áformin.
Kínverjar og Rússar svöruðu þannig
ræðu sem George W. Bush Banda-
ríkjaforseti flutti á þriðjudagskvöld.
Hann hvatti þá til þess að ABM-sátt-
málinn frá 1972, sem takmarkar gagn-
eldflaugavarnir, viki fyrir nýjum
samningi til að gera Bandaríkjunum
kleift að verjast hugsanlegum eld-
flaugaárásum óvinveittra ríkja í þriðja
heiminum eða árásum sem kynnu að
verða gerðar fyrir mistök. Embættis-
menn í Washington sögðu að Donald
Rumsfeld varnarmálaráðherra hefði
gefið skipun um að allri samvinnu um
varnarmál við Kínverja yrði hætt í bili.
Kínverjar hafa neitað að skila banda-
rískri njósnaflugvél sem varð að nauð-
lenda á Hainan-eyju fyrir skömmu.
Vaxandi ágreiningur
í Ísrael
VAXANDI ágreiningur er í ísraelsku
ríkisstjórninni um afstöðuna til Palest-
ínumanna. Birtist hann meðal annars í
mjög ólíkum yfirlýsingum þeirra Ar-
iels Sharons, forsætisráðherra og leið-
toga Likud-flokksins, og Shimon Per-
esar, utanríkisráðherra og leiðtoga
Verkamannaflokksins. Peres átti á
fimmtudag viðræður við George W.
Bush Bandaríkjaforseta í Washington
og sagði að þeim loknum að hann hefði
heitið að beita sér fyrir nýjum frið-
arviðræðum.
Fjölþjóðleg nefnd undir forystu
Bandaríkjamanna lagði á föstudag
fram drög að skýrslu um átök Ísraela
og Palestínumanna og hvatti Ísraela til
að stækka ekki byggðir gyðinga á her-
numdu svæðunum.

JÓHANNES Páll II páfi
hóf á föstudag sögulega
heimsókn til Grikklands
og bað guð að fyrirgefa
rómversk-kaþólsku kirkj-
unni syndir hennar gagn-
vart grísk-kaþólsku kirkj-
unni eftir klofning þeirra
fyrir tæpum 1000 árum.

POUL Nyrup Rasm-
ussen, forsætisráðherra
Danmerkur, hefur hafnað
þeim óskum Anfinns
Kallsbergs, lögmanns
Færeyinga, að samið
verði aftur til þriggja ára
um framlag danska rík-
isins til Færeyja. Fram-
vegis verði aðeins samið
til eins árs í senn.

HER Makedóníu hóf á
fimmtudag nýja sókn
gegn albönskum skæru-
liðum eftir að þeir felldu
tvo stjórnarhermenn.

MOHAMMED Khatami,
hinn umbótasinnaði for-
seti Írans, hefur ákveðið
að gefa kost á sér til end-
urkjörs í kosningum í
næsta mánuði.

TONY Blair, forsætis-
ráðherra Bretlands, ruddi
á fimmtudag brautina
fyrir þingkosningar í júní
með því að lýsa yfir að
stríðið við gin- og klaufa-
veikina væri í þann mund
að vinnast.

DENNIS Tito, fyrsti
geimferðalangur heims,
neitaði því á föstudag að
hann flæktist fyrir áhöfn
Alþjóðlegu geimstöðv-
arinnar. Hann er sagður
hafa greitt sem svarar
um tveimur milljörðum
króna fyrir ferðina þang-
að.
ERLENT
KJARADEILA sjómanna og útvegs-
manna var rædd á ríkisstjórnarfundi
á föstudag en engar ákvarðanir voru
teknar um að stjórnvöld gripu inn í
deiluna. Á forystumönnum hennar er
að heyra að slíkt inngrip sé ekki á döf-
inni. Davíð Oddsson forsætisráðherra
segir það alvarlegt ef forystumenn
samningsaðila eru ófærir um að
semja um kjör umbjóðenda sinna.
Davíð segir að stjórnvöld hafi verið
harðlega gagnrýnd fyrir lagasetningu
á verkfall sjómanna á undanförnum
árum og þau taki mið af þeirri gagn-
rýni.
„Við höfum verið skammaðir fyrir
það margoft að skera þessa menn nið-
ur úr snörunni. Báðir aðilar hafa gert
það; núna síðast þegar við reyndum
að bjarga loðnunni, sem tókst reynd-
ar ágætlega. Þá þóttust þeir vera
komnir afar langt í þessum samning-
um sínum, sem við vissum reyndar að
var tóm vitleysa, sem hefur síðan
sannast. Þessir aðilar virðast vera
gjörsamlega ófærir um að semja um
kjör sín. Það hlýtur að vera alvarlegt
fyrir umbjóðendur þeirra að hafa að-
ila í forsvari sem ekki geta samið,“
sagði Davíð Oddsson í samtali við
Morgunblaðið.
Halldór Ásgrímsson sagðist ekki
sjá neinar forsendur fyrir því að
stjórnvöld færu að hafa afskipti af
deilu sjómanna og útvegsmanna.
Hann sagði að það væri vissulega ekki
bjart yfir deilunni en það gæti hins
vegar stundum birt hratt til í svona
kjaradeilu. Hann sagði mikilvægt að
allir aðilar legðust á eitt um að finna
leiðir að samkomulagi. „Þetta er orðið
eitthvert lengsta verkfall sem ég man
eftir og er komið langt út fyrir eðlileg
mörk,“ sagði Halldór.
Halldór og Davíð sögðust ekki vilja
leggja neinn dóm á hvort grundvöllur
væri fyrir ríkissáttasemjara að leggja
fram miðlunartillögu. Sáttasemjari
yrði að meta hvort forsendur væri
fyrir slíkri tillögu.
Sáttasemjari telur ekki
forsendu fyrir sáttatillögu
Þórir Einarsson ríkissáttasemjari
kannaði á fimmtudag hjá forystu-
mönnum viðsemjenda í kjaradeilu
sjómanna hvort grundvöllur væri fyr-
ir innanhússtillögu til lausnar deil-
unni. Niðurstaðan var sú að svo
reyndist ekki vera.
Innanhússtillaga er sett fram
gagnvart samninganefndunum sjálf-
um og þarf því ekki að bera undir
félagsmenn. Hún þarf því ekki að
vera eins nákvæm og hnitmiðuð í
orðavali og miðlunartillaga. Þórir seg-
ir að kannað hafi verið ítarlega meðal
forystumanna allra deiluaðila hvort
flötur væri á því að leggja fram innan-
hússtillögu. Svo hafi hins vegar ekki
reynst vera, enda mikið borið í milli
varðandi einstök atriði.
„Það var mitt mat eftir viðræður
við deiluaðila að ekki væri grundvöll-
ur fyrir því að leggja fram tillöguna,
enda fyrirséð að hún yrði felld. Staðan
er því óbreytt og í raun er staðan í
þessum viðræðum grafalvarleg,“ seg-
ir Þórir.
Davíð Oddsson forsætisráðherra um verkfall sjómanna
Verkfallið komið út
fyrir eðlileg mörk