Morgunblaðið - 06.05.2001, Blaðsíða 17

LISTIR
MORGUNBLAÐIÐ SUNNUDAGUR 6. MAÍ 2001 17
TILBOÐ ÓSKAST
Í Ford Windstar (7 manna) árgerð ‘98,
Nissan Frontier 4x4 P/U árgerð ‘98,
Dodge Van árgerð ‘93 (innréttuð ferðabifreið)
og aðrar bifreiðar,
er verða sýndar að Grensásvegi 9
þriðjudaginn 8. mai kl. 12-15.
Tilboðin verða opnuð á sama stað kl. 16
UMSÝSLUSTOFNUN VARNARMÁLA
SALA VARNARLIÐSEIGNA
DAVÍÐ Þór Jónsson lauk námi frá
djassdeild Tónlistarskóla FÍH á
dögunum með hæstu einkunn sem
gefin hefur verið þar á bæ. Einkunn-
ir segja sosum lítið um listræna
hæfileika og margur hefur verið
efnilegur alla ævi, en mér segir svo
hugur að Davíð Þór Jónsson eigi eft-
ir að skipa sér í fremstu röð nor-
rænna djassleikara og það fyrr en
síðar. Til þess hefur hann alla burði:
fína tækni og áslátt, gott formskyn
og rýþmíska tilfinningu en umfram
allt frjóa og skapandi hugsun.
Davíð Þór hefur fengist við margt
síðan hann hitaði upp fyrir helstu
djassrappsveit Norðurlanda, Alwayz
in Action Tomasar Balckmans á Rú-
Rek-djasshátíðinni 1995. Í fyrra var
hann ásamt tríóinu FLÍS (Davíð,
Valdimar og Helgi) fulltrúi Íslands í
norrænni djasskeppni er fram fór á
Jazzhátíð Reykjavíkur og nýlega lék
hann hérlendis með norsku gæða-
djasssveitinni Urban Connections.
Á fyrri hluta tónleikanna á
fimmtudagskvöldið ríkti píanótríó-
djass. Semsagt FLÍS.
Tríóið hóf leikinn á Take The
Coltrane og svo kom Jarrett, en
heldur var leikurinn hikandi þar til
kom að söngdansi Arthurs Schwartz:
You And The Song And The Music.
Það má að vísu greina sterk Jarrett-
hrif í leik Davíðs Þórs einsog svo
margra annarra, en hann leitar víða
fanga og það sem best er, hann
bræðir áhrifin í eigin mót og er í óða
önn að skapa sér persónulegan stíl.
Það vakti athygli í þessum dansi sem
víðar hversu Helga Svavari tromm-
ara hefur farið fram og hversu mús-
íkalskari trommuleikur hans er en
áður. John Zorn var næstur á dag-
skrá og þar var Valdimar Kolbeinn í
aðalhlutverki og bassasóló hans
traustur og jarðbundinn. Síðan var
endað á tveimur Coltraneópusum án
þess að Coltrane brygði þar fyrir að
gagni. Aftur á móti var Coltrane
heldur en ekki ríkjandi í fyrsta lagi
eftir hlé, en þá hafði saxófónsnilling-
urinn Jóel Pálsson bæst í hópinn.
Dajass nefndist ópusinn og var eftir
Davíð og dálítill McCoy kominn í
drenginn. Jóel Pálsson gæðir allt lífi
sem hann kemur nálægt og það gerði
hann svo sannnarlega í sólói sínum í
Dajass sem var Coltranelegra en
maður á að venjast hjá honum nú um
stundir. Í næsta verki var skipt um
svið. Jóel tók upp sópraninn og
ECMískur blær réði ríkjum. Ópus-
inn var einnig eftir Davíð og nefndist
Lag no. 2 á disknum. Þriðja verkið á
efnisskrá kvartettsins var eftir
trompetleikarann Dave Douglas:
Blue Heaven, sem heyra má á skífu
þeirri er hann tileinkaði píanódrottn-
ingunni Marry Lou Williams: Soul
On Soul. Fönkað í upphafi en braust
síðan undan fönkböndunum í sterkri
klassískri sveiflu að hætti Marry
Lou. Þarna léku þeir félagar vel
saman og sóló Davíðs skemmtilegur
– hann fór stundum svo um víðan völl
að minnti á Guðmund Ingólfsson. Í
kjölfar lags númer tvö þaut hart
bopp eftir tónateinunum: Rounders
Mood eftir trompetleikarann Booker
Little og Valdi tók bassasóló sem
hann byggði upp á göngubassa.
Semsagt aldrei lát á boppsveiflunni
þar. Svo var skipt um gír í ópus
Keith Jarretts, Late Night Willie, og
blá tilfinning í farvatninu. Aukalagið
var eftir Davíð Þór: RASK. Gletti-
lega skemmtileg tónsmíð á köflum.
Upphófst í stjörnumerki evrópskrar
samtímatónlistar og taylorísk yfir-
ferð í spuna höfundar, án þess að
stríðir hljómar gleddu/trufluðu
hlustandann. Kvartettinn lék sem
fyrr vel saman en var helst til tam-
inn.
Davíð á eftir að taka út þroska
sem tónskáld, en spuni hans er
spennandi og tónleikarnir voru þræl-
skemmtilegir. Það var fullt á Múl-
anum og líkuðu áheyrendum greini-
lega tónakræsingarnar vel.
Spennandi spuni
DJASS
M ú l i n n í H ú s i
m á l a r a n s
Jóel Pálsson tenór- og sópr-
ansaxófón, Davíð Þór Jónsson
píanó, Valdimar Kolbeinn
Sigurjónsson bassa og Helgi Svavar
Helgason trommur.
Fimmtudagskvöldið 3.5. 2001.
DAVÍÐ ÞÓR JÓNSSON
OG FÉLAGAR
Morgunblaðið/Jón Svavarsson
„Mér segir svo hugur að Davíð
Þór Jónsson eigi eftir að skipa
sér í fremstu röð norrænna
djassleikara,“ segir í dómnum. Vernharður Linnet
Hrein
sum
viðar-, rimla-,
strimla-, plíseruð-
og sólargluggatjöld.
Hlíðarhjalla 26, s. 897 3634.