Morgunblaðið - 17.05.2001, Blaðsíða 24
LANDIÐ
24 FIMMTUDAGUR 17. MAÍ 2001 MORGUNBLAÐIÐ
LIONSKLÚBBURINN Eðna á
Akranesi stóð fyrir „Öðruvísi balli
á Breiðinni“ í fjáröflunarskyni.
Sjö manna stórhljómsveit af Skag-
anum ásamt fjórum söngvurum sá
um að halda uppi fjörinu og gáfu
þau öll vinnu sína. Skemmst er frá
því að segja að hljómsveitin sló
rækilega í gegn, húsfyllir varð á
Breiðinni og mikið fjör.
Eðnukonur hafa ákveðið að
verja ágóða af skemmtuninni til
að styrkja nýja starfsemi barna-
iðjuþjálfa við Heilsugæslustöðina
á Akranesi. Nýlega hefur fengist
leyfi fyrir hálfri stöðu barna-
iðjuþjálfa við stöðina en enn vant-
ar allan búnað. Mjög mikil þörf
hefur verið fyrir þessa starfsemi
en nefna má að undanfarin misseri
hefur verið starfandi svokallað of-
virkniteymi á vegum heilsugæslu-
stöðvarinnar sem hefur sérhæft
sig í vandamálum ofvirkra barna.
Umrædd barnaiðjuþjálfun mun
styrkja þá starfsemi verulega og
einnig er mikil þörf á aðstoð iðju-
þjálfa við börn með ýmis önnur
þroskavandamál. Lkl. Eðna mun
gefa allt að kr. 400 þús. til bún-
aðarkaupa við hina nýju deild.
Búnaðarkaupin verða gerð í sam-
ráði við yfirlækni heilsugæslu-
stöðvarinnar og yfiriðjuþjálfa á
SHA.
Í fréttatilkynningu þakkar
Lionsklúbburinn Eðna öllum þeim
sem gáfu vinnu sína bestu þakkir
og þakkar gestum á Breiðinni
móttökurnat. Þess má geta að
næstu fjáraflanir á vegum Lkl.
Eðnu eru árleg perusala í byrjun
október og stefnt er að því að
halda hagyrðingakvöld með
haustinu.
„Öðruvísi ball
á Breiðinni“
Akranes
UM helgina sýndi Elínborg Kjart-
ansdóttir málmlistamaður verk sín
á Café Nielsen á Egilsstöðum. Á
sýningunni voru koparristur, skart-
gripir og skúlptúrar.
Elínborg vinnur einkum úr kop-
ar/eir og messing. Hún hefur frá
árinu 1989 starfað við hönnun á
skartgripum sem sýndir hafa verið
og seldir, aðallega í Bretlandi. Þá
hefur hún unnið veggskúlptúra,
koparristuportrett, víramyndir og
fjölbreytta nytjahluti. Nokkur af
stærstu fyrirtækjum landsins eiga
stór málmlistaverk eftir Elínborgu.
Þegar Morgunblaðið bar að
garði á Café Nielsen í veðurblíð-
unni, var búið að stilla sýningunni
upp utandyra á verönd kaffihúss-
ins, þar sem listakonan stóð og
fræddi gesti um handverk sitt. El-
ínborg sagðist aðspurð vera búin
að leggja stund á málmlist í rúman
áratug. „Ég byrjaði í útlöndum, bjó
í Chile í fjölda ára og hóf þar að
hanna skartgripi. Þetta var aðal-
lega messing- og koparskart og að
miklu leyti unnið sérstaklega eftir
pöntun frá aðallega breskum fyr-
irtækjum, t.d. Oasis. Myndirnar,
eða koparristurnar, eru aftur til-
tölulega nýjar hjá mér.“ Elínborg
flutti heim frá Chile fyrir rúmum
tveimur árum og segir það mikil
viðbrigði að skipta á Suður-Am-
eríku og Reykjavík. Fjölskyldu-
ástæður hafi ráðið mestu um vista-
skiptin. Elínborg er spurð um
dálæti sitt á kopar og segir þá að
hann sé svo fjölbreytilegur. „Þegar
koparinn er hitaður koma afar
mörg litbrigði fram og hann er því
mjög skemmtilegur efniviður. Kop-
arristur eru unnar í þrepum. Fyrst
er koparþynna skorin út, þá er hún
hituð og pússuð. Síðan er ákveðin
lakkáferð sett yfir svo koparinn
breyti sér ekki.“ Elínborg segir
fólk hafa tekið koparristunum
mjög vel og er ánægð með við-
brögðin við sýningunni að þessu
sinni. Hún leysti konur sem sóttu
sýninguna út með handunnum
skartgrip.
Sýningin fer víðar, því hún hefur
einnig verið á Höfn og fer næst í
Neskaupstað og Vopnafjörð.
Morgunblaðið/Steinunn Ásmundsdóttir
Nokkrir af messingskúlptúrum Elínborgar Kjartansdóttur á verönd
Café Nielsen á Egilsstöðum.
Málmverk á veröndinni
Egilsstaðir
BÆNDUR á Suðurlandi og þjón-
ustuaðilar tóku vel boði búrekstrar-
deildar KÁ og Bújöfurs-Búvéla hf.
þegar þessi fyrirtæki kynntu nýja
aðstöðu á Austurvegi 69 á Selfossi,
sem tekin hefur verið í notkun og
myndar eins konar þjónustumiðstöð
við bændur og búrekstur á Suður-
landi. Um er að ræða verslun bú-
rekstrardeildarinnar með helstu
rekstrarvörur til landbúnaðar og síð-
an þjónustuskrifstofu og stóran sýn-
ingarsal Bújöfurs-Búvéla. Í húsnæð-
inu er einnig verslun Stillingar hf.
með varahluti og þjónustuvörur.
Vöruúrvalið hjá búrekstrardeild-
inni hefur verið aukið. Að sögn Stef-
áns Más Símonarsonar fram-
kvæmdastjóra er markmiðið fyrst og
fremst að vera með allar helstu
rekstrarvörur til landbúnaðar auk
þeirra hefðbundnu vara sem alltaf
hafa verið í boði, s.s. fóður, áburð og
girðingarefni.
„Við höfum bætt vöruúrvalið svo
sem í vinnufötum, garðyrkjuvörum
og málningu í samstarfi við Sjöfn.
Þar sem nýju húsakynnin eru mun
rýmri en áður var höfum við enn
frekari möguleika í framtíðinni að
bæta okkur og auka vöruframboðið
enn frekar frá því sem nú er. Þetta
er liður í þeirri stefnu okkar að færa
búrekstrardeildir KÁ í nútímalegra
horf eins og gert var á Hvolsvelli í
vetur, frá því að vera pakkhús í al-
vöru verslanir til að þjóna bændum
og öðrum,“ sagði Stefán.
Sýningarsalur Bújöfurs-Búvéla
rúmar vel 8-10 dráttarvélar og einn-
ig eru þar til sýnis ýmis tæki til jarð-
vinnslu og heyskapar. Dráttarvél-
arnar eru af gerðinni Valtra Valmet
frá Finnlandi. Bændur kunnu greini-
lega vel að meta þessa nýju aðstöðu
fyrirtækjanna og sýndu aðstöðunni
og möguleikunum mikinn áhuga.
Bætt aðstaða bú-
rekstrardeildar
Selfoss
Morgunblaðið/Sig. Jónss.
Fjöldi fólks kom í móttöku hjá þjónustumiðstöðinni á Austurvegi 69 á
Selfossi.
LÍMTRÉ hf. hóf að reisa hús Sam-
göngusafns Íslands þann 9. maí við
Byggðasafnið í Skógum. Á staðnum
var átta manna vinnuflokkur Lím-
trés undir stjórn Kára Arnórssonar
verkstjóra með tveimur bygging-
arkrönum frá Gunnari Jónssyni ehf.
Á öðrum degi voru allar sperrur
reistar og mynd hússins, sem verð-
ur 510 fermetrar að stærð, komin
fram. Kári sagði sína menn vera
orðna vana að reisa slík risahús og
vænti þess að húsið yrði frágengið
af þeirra hendi fyrir lok mánaðar-
ins.
Þórður Tómasson, safnvörður
Byggðasafnsins í Skógum, sagði að
Samgöngusafn Íslands í Skógum
myndi sóma sér vel við hlið
Byggðasafnsins og kalla á aukið
starf við bæði söfnin og mikla aukn-
ingu gesta, en árlega sæktu nú
heim Byggðasafnið um 30 þúsund
manns.
Kostnaðaráætlun 78 milljónir
Sverrir Magnússon, fram-
kvæmdastjóri Byggðasafnsins og
umsjónarmaður með byggingunni,
sagði að allar áætlanir um bygg-
inguna virtust ætla að standast,
einnig fjárhagsáætlunin, sem gerði
ráð fyrir uppkomnu húsi Sam-
göngusafnsins fyrir 78 milljónir.
Sýningarmunum yrði safnað til
hússins þegar eftir að það væri
reist og ráðgert væri að vígja Sam-
göngusafnið með fyrstu sýningu í
júní 2002. Búið væri að ráða sýn-
ingarhönnuð þeirrar sýningar,
Björn G. Björnsson, leiktjalda- og
sýningarhönnuð, og væri mikils
vænst af störfum hans.
Morgunblaðið/Halldór Gunnarsson
Þórður Tómasson safnvörður ásamt Gunnari Jónssyni, sem var við vinnu á staðnum með tvo byggingarkrana.
Holt
Hús Samgöngusafns
rís í Skógum