Morgunblaðið - 18.08.2001, Side 23

AP
NÝTT loftskip af gerðinni Zeppelin NT kemur hér
inn til lendingar í grennd við bæinn Mainau við
stöðuvatnið Bodensee í Suður-Þýzkalandi. Loft-
skipið hélt í sína fyrstu ferð með borgandi farþega á
miðvikudaginn og var það í fyrsta sinn sem Zeppelin-
far flutti farþega frá því risaloftskipið „Hindenburg“
brann upp til agna við New York fyrir meira en 60
árum.
Fyrirtækið Deutsche Zeppelin Reederei (DZR) í
Friedrichshafen við Bodensee, þar sem Ferdinand
von Zeppelin greifi smíðaði fyrsta loftskipið fyrir
101 ári, hyggst halda úti áætlanaflugi með farþega
sex sinnum á dag, fimm daga vikunnar. Farþega-
rými nýja loftskipsins, sem ber nafnið Bodensee, tek-
ur allt að 19 manns. Einnar stundar útsýnisflug kost-
ar frá 600 mörkum á mann, andvirði 27.000 króna.
Burðarbelgur Zeppelin NT-loftskipsins er fylltur
helíum, ekki hinu háeldfima vetni sem notað var
fram að Hindenburg-slysinu árið 1937.
Zeppelin flýgur á ný
ERLENT
MORGUNBLAÐIÐ LAUGARDAGUR 18. ÁGÚST 2001 23
AÐDÁENDUR Elvis Presley í Jap-
an geta fljótlega hlýtt á safndisk með
lögum rokkkóngsins, sem forsætis-
ráðherra lands-
ins, Junichiro Ko-
izumi, hefur valið.
„Við gerum ráð
fyrir að aðdáend-
ur Koizumis muni
líka kaupa þenn-
an Elvis-disk,“
sagði Katsumi
Miyata, talsmað-
ur útgáfufyrir-
tækisins BMG
Funhouse, í viðtali við AFP-frétta-
stofuna.
Frá því Koizumi tók við forsætis-
ráðherraembættinu í apríl sl. hafa
vinsældir hans slegið öll met. Til að
mynda hefur sala í lítilli verslun við
höfuðstöðvar flokks hans, Frjáls-
lynda demókrataflokksins, á minja-
gripum með myndum af ráðherran-
um aukist til muna.
Geisladiskinum, sem ber heitið
„Junichiro Koizumi kynnir: Uppá-
halds Elvis-lögin mín“, verður dreift
í búðir í Japan næstkomandi mið-
vikudag. Á umslagi disksins verður
mynd af ráðherranum brosandi við
hlið Elvis.
Í yfirlýsingu sem Koizumi sendi til
aðdáendaklúbbs Elvis í maí sl. segir
hann: „Ég á afmæli hinn 8. janúar
eins og Elvis. Það er eitt af því sem
ég er stoltur af.“
Koizumi gefur
út Elvis-disk
Junichiro
Koizumi
Tókýó. AP.
SÆNSKIR fornleifafræðingar
hafa fundið fjöldagröf nærri
borginni Uppsölum sem þeir
telja að
geymi leifar
sænskra
bændaher-
manna sem
féllu í orr-
ustu við
danska
kónginn árið
1520. Í gröf-
inni, sem er
um hundrað
fermetrar að stærð, er að finna
bein nokkurra hundruða
manna og telja fornleifafræð-
ingarnir að þar séu fundnir her-
menn Stens Sture yngri sem
storkaði dönsku konungsvaldi á
fyrri hluta 16. aldar en beið að
lokum lægri hlut.
Á þeim tíma var Kalmarsam-
bandið enn við lýði og lutu öll
Norðurlöndin einum konungi,
sem sat í Kaupmannahöfn. Sví-
ar voru ósáttir við sitt hlut-
skipti og vildu hafa meira að
segja um stjórn Svíþjóðar.
Bændur gegn málaliðum
Her Stens var aðallega skip-
aður bændum og öreigum en
aðallinn var að miklu leyti á
bandi Danakonungs. Sten gat
ekki leitt herinn í orrustunni
við Uppsali vegna þess að hann
hafði misst fótinn nokkrum vik-
um áður og var óskipulagður
bændaskarinn auðveld bráð
fyrir alþjóðlegan málaliðaher
Kristjáns II. Í kjölfarið fóru
hreinsanir Kristjáns konungs
þar sem fjöldi andstæðinga
hans voru pyntaðir og líflátnir
og fékk sá atburður nafnið
Stokkhólmsblóðbaðið. Ungur
maður að nafni Gustav Eriks-
son Vasa slapp undan dönskum
böðlum og leiddi þjóð sína í
uppreisn. Árið 1523 var Gustav
Vasa krýndur konungur Sví-
þjóðar og þar með hófst upp-
gangstími ríkisins sem lauk
ekki fyrr en Svíar biðu lægri
hlut fyrir Rússum í Norður-
landaófriðnum mikla 1700 –
1721.
Forn fjölda-
gröf finnst
í Svíþjóð
Stokkhólmi. AP.
Kristján II
Danakonungur
M O N S O O N
M A K E U P
litir sem lífga
Gullsmiðir