Morgunblaðið - 09.09.2001, Side 48

48 SUNNUDAGUR 9. SEPTEMBER 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
KJÖR sjúkraliða hafa verið merki-
lega lítið í umræðunni að undan-
förnu. Sjúkraliðar eru eini hópurinn
innan BSRB sem enn er ekki búið að
semja við og þau laun sem farið er
fram á eru síst of há miðað við
menntun og ábyrgð. Nú verða
sjúkraliðar að gera sér að góðu lægri
laun en ófaglærðs starfsfólks sjúkra-
húsanna. Vegna bágra kjara þess
hóps er þó sífellt sjaldgæfara að sjá
innfædda Íslendinga í störfum ófag-
lærðra starfsmanna þar á bæ. Byrj-
unarlaun sjúkraliða eru 89.000.
Menntunarkröfur sjúkraliða eru
þriggja ára nám á framhaldsskóla-
stigi. Það væri fróðlegt að vita hvaða
laun tíðkast hjá stéttum með sam-
bærilega menntun þar sem karlar
eru í meirihluta. Það er eðlilegt að al-
menningur geri sér takmarkaða
grein fyrir því hvað í sjúkraliðastarf-
inu felst. Samninganefnd ríkisins
ætti þó að hafa kynnt sér þessa
þætti. Sem hjúkrunarfræðingur
þekki ég starf sjúkraliða náið og veit
af eigin raun að ábyrgð þeirra er
mikil og starf þeirra vandasamt. Oft
hefur maður orðið var við ranghug-
myndir og hálfgerða lítilsvirðingu
gagnvart hjúkrunar- og umönnunar-
stéttum. Það er misskilningur ef fólk
heldur að það sé nóg að vera góð-
hjörtuð kona og það er lítilsvirðing
við sjúklinga ef fólk álítur að um of-
menntun hjúkrunar- og umönnunar-
stétta sé að ræða. Á fáum sviðum er
þróunin eins ör og á sviði heilbrigð-
isvísinda. Veikari sjúklingar eru nú
meðhöndlaðir og krafan um fram-
leiðni hefur skilað sér í styttri legu-
tíma. Á legudeildunum liggja fleiri
mikið veikir sjúklingar. Þetta leggur
auknar byrðar á herðar hjúkrunar-
liðs. Í raun ættu þessar stéttir að
njóta mjög góðra launakjara þegar
litið er til þess að mikill og fyrirsjá-
anlegur skortur er á faglærðu fólki,
starfssviðið er sérhæft og án þessa
fólks skapast fljótt neyðarástand í
þjóðfélaginu. Ýmsum öðrum stéttum
hefur orðið vel ágengt með jafnvel
aðeins einn þessara þátta til að öðl-
ast góð launakjör. Sjúkraliðar eru
atvinnumenn á sínu sviði og það ber
að meta. Sú töf sem hefur orðið á lag-
færingum á kjörum sjúkraliða hefur
nú þegar haft mikil áhrif en greini-
legt er að holskefla uppsagna er
framundan verði ekki úr bætt. Nú er
vitað að margir sjúkraliðar hafa sagt
upp störfum sínum. Það er greinilegt
að fæstir þeirra koma aftur til starfa
nema veruleg launaleiðrétting verði
gerð. Maður sér að fólk er í fullri al-
vöru að leita fyrir sér um vinnu og
margir sem maður hefur rætt við eru
nú þegar búnir að ráða sig annað.
Það þarf ekki að leita lengi til þess að
finna starf sem er betur metið til
launa. Með því fólki sem hverfur til
annarra starfa hverfur í mörgum til-
fellum þekking sem mótuð er af ára-
langri reynslu. Þar við bætist að sí-
fellt erfiðara verður að fylla í skörð
þeirra sem hverfa til annarra starfa.
Heilbrigðisstarfsfólk innir af hendi
hugsjónastarf. Það er til marks um
ákveðið siðleysi að beita því sem rök-
um fyrir því að greiða minni laun.
Það er sú hugsun að misnota sér góð-
vild annarra. Hugsjón heilbrigðis-
starfsfólks beinist sem betur fer í
flestum tilfellum að velferð sjúk-
lingsins og aðstandenda hans. Það er
ekki hægt að gera þá kröfu að heil-
brigðisstarfsfólk beri meiri um-
hyggju fyrir afkomu launagreiðand-
ans en aðrir launþegar.
ÁSGEIR VALUR SNORRASON,
Stóragerði 16, Reykjavík.
Hugsjónastarf í þágu
sjúkra, ekki ríkissjóðs
Frá Ásgeiri Vali Snorrasyni:
ÉG geri ráð fyrir því að fólkið hér í
Reykjavík muni það að hér voru rán-
dýrar kosningar um hvort hafa ætti
flugvöll í Vatnsmýri eður ei og það
var margendurtekið að kosningin
væri um það að hann ætti að vera til
ársins 2016. Eftir kosningarnar, sem
voru illa sóttar enda vildi fólk úr
Sjálfstæðisflokki ekki kjósa og fram-
sóknarfólk var bæði með og á móti
og gat þess vegna ekki kosið, var út-
koman sú að munur var mjög lítill en
þó samþykkt að völlurinn ætti að
fara. Þá komu allskonar spekingar
og fundu vellinum stað allt frá Álfta-
nesi og út í Engey og aðrir í miðjum
Skerjafirði. Mánudaginn 16. júlí síð-
astliðinn kom mynd af borgarstjór-
anum í Fréttablaðinu með sitt fal-
lega bros og ráðhúsið og nokkrar
endur í bakgrunni. Þar segir borg-
arstjóri, þegar hún er spurð hvort
það sé ekki í andstöðu við þann vilja
sem kom fram í kosningunum að
gera ráð fyrir flugvelli í Vatnsmýr-
inni til 2024 eins og gert er ráð fyrir í
drögum að aðalskipulagi og meira en
það: „Það er ekki útilokað að hafa
eina flugbraut áfram eftir 2024 ef
menn vilja það.“ Ég spyr nú bara í
einfeldni minni: Getum við hér í
Reykjavík tekið mark á borgarstjóra
ef hann skiptir um skoðum sýknt og
heilagt, kannski með annarri hverri
tunglfyllingu? Vonandi er flugvallar-
málið undantekning enda hef ég ekki
séð eða heyrt það í öðrum málum.
Þeir sem halda því fram endalaust að
völlurinn þurfi að vera til fyrir fólkið
á landsbyggðinni því að það þurfi að
sækja allt til Reykjavíkur eru ekki í
takt við tímann. Einn maður með
tölvu á nokkrum stöðum á landinu
getur annast viðskipti við höfuðborg-
arsvæðið, svo einfalt er það, enda
fara svona samskipti fram milli landa
svo þau ættu að rúmast á hólmanum
hér innanlands. Ef fólk er að fara til
útlanda þá gæti það flogið til Kefla-
víkur ef innanlandsflugið væri komið
þangað, svo einfalt er það. En það er
nægur tími til að hugsa um það fyrir
þá sem þá lifa og þess njóta.
GUÐMUNDUR BERGSSON,
Sogavegi 178, Reykjavík.
Hringsnúningur
borgarstjórans
Frá Guðmundi Bergssyni: