Morgunblaðið - 18.10.2001, Síða 4
SAMNINGANEFND launanefndar
sveitarfélaga og samninganefnd Fé-
lags tónlistarkennara, FT, hittust á
fundi í húsakynnum sáttasemjara í
gær og eiga aftur fund í dag. Sigrún
Grendal Jóhannesdóttir, formaður
FT, segir að staðan sé mjög slæm og
horfur séu á því að verkfall tónlistar-
kennara hefjist á mánudag.
Þegar atkvæðagreiðsla um boðun
verkfalls fór fram voru 415 tónlistar-
kennarar á kjörskrá. Sigrún segir að
verði verkfall snerti það fyrst og
fremst um 11.000 nemendur í tónlist-
arskólum og foreldra þeirra eða for-
ráðamenn sem hafi greitt fyrir þá
viðkomandi gjöld. Hún segir að lög-
fræðingar félagsins hafi sagt að skól-
um sé ekki skylt að endurgreiða
skólagjöld komi til verkfalls, en það
sé í höndum hvers atvinnurekanda
fyrir sig að ákveða hvað hann geri.
Eins snerti verkfall framhalds-
skólanemendur sem eru með tónlist-
arnám sem valgreinar og ennfremur
falli niður kennsla þar sem tónlistar-
kennarar sinni forskólakennslu í
grunnskólum en gjarnan sé um að
ræða samstarfsverkefni grunnskóla
og tónlistarskóla.
Sigrún segir að verði verkfall geti
það orðið mjög afdrifaríkt fyrir tón-
listarkennslu og starfsemi tónlistar-
skóla til framtíðar. Margir tónlistar-
kennarar séu þegar farnir til
annarra starfa og skortur sé á tón-
listarkennurum. Hún segist óttast að
þetta hafi sérstaklega slæm áhrif í
sveitarfélögum á landsbyggðinni, því
þar séu þeir einstaklingar sem sinni
tónlistarkennslu jafnframt mjög
framtakssamir í tómstunda-, félags-
og almennu menningarlífi á hverjum
stað. Það hafi því mikil áhrif ef þessir
einstaklingar fáist ekki lengur til
starfa úti á landi.
Vantar enn um 20% hækkun á
tilboði samninganefndar
Að sögn Sigrúnar var farið yfir
kröfur FT í gær en í dag á hún von á
viðbrögðum launanefndar sveitarfé-
laga. Hún segir að tónlistarkennarar
geri þá kröfu fá sambærileg laun og
framhaldsskólakennarar en þessir
hópar voru með svipuð laun fram til
ársins 1995. Til samanburðar má
nefna að nýútskrifaðir tónlistar-
kennarar hafa rúmlega 102 þúsund
krónur í byrjunarlaun á mánuði en
sambærileg laun framhaldsskóla-
kennara eru rúmlega 175 þúsund
krónur á mánuði.
„Við viljum fá leiðréttingu á þess-
um mun,“ segir Sigrún og bætir við
að miðað við tilboð samninganefndar
sveitarfélaga vanti enn um 20% upp
á að tónlistarkennarar nái launum
framhaldsskólakennara.
Tónlistarnám 11.000
nemenda í uppnámi
Snertir meira en 11.000 nem-
endur í tónlistarskólum og for-
eldra þeirra.
Kemur við framhaldsskólanem-
endur sem eru með tónlistarnám
sem valgreinar.
Kennsla fellur niður þar sem tón-
listarkennarar sinna forskóla-
kennslu í grunnskólum.
415 tónlistarkennarar voru á
kjörskrá þegar atkvæðagreiðsla
um boðun verkfalls fór fram og
samþykktu um 95% þeirra verk-
fall.
Samningaviðræður hafa staðið
yfir með hléum frá því í fyrra-
haust.
Verkfall hefur
víðtæk áhrif
FRÉTTIR
4 FIMMTUDAGUR 18. OKTÓBER 2001 MORGUNBLAÐIÐ
VIÐ lítið hús við Hátún í Reykjavík
eru nokkur gríðarstór tré. Eitt þess-
ara trjáa er þó sérstakara en önnur
því á því vaxa fagurgræn epli og
hafa þau aldrei verið fleiri eða
myndarlegri en í ár. Eigandi hússins
og trjánna er Þórarinn Gíslason sem
hefur búið þar um tólf ára skeið.
Eplatréð á sér nokkra sögu sem
Þórarinn segir að honum sé því mið-
ur ekki nógu kunnug. Gamall maður
hafi hins vegar sagt honum að það
sé frá Kristmanni Guðmundssyni
rithöfundi komið, sem hafði dvalist
lengi í Noregi, þaðan sem tréð er
upprunnið.
„Það hefur aldrei verið svona
mikið af eplum síðan ég kom,“ segir
Þórarinn ánægður en segist þó ekki
hafa haldið yfirlit yfir hversu mörg
kíló hafi komið af trénu í sumar.
„Nei, það hef ég ekki gert en ég þarf
kannski að fara að halda dagbók yf-
ir þetta til að geta talið þetta fram.
Skatturinn verður að fá sitt,“ segir
hann og kímir. Full karfa af mynd-
arlegum eplum, sem Þórarinn sýnir
blaðamanni, er þó til óræks vitnis
um að uppskeran hefur verið dágóð
í ár.
Sætsúr á bragðið
Það kemur í ljós að eplin hafa að-
dráttarafl fyrir fleiri en forvitna
blaðamenn því þrjú myndarleg epli,
sem voru framarlega á trénu, hurfu
rétt áður en ljósmyndara Morg-
unblaðsins bar að garði. Þórarinn
segir þetta ekki í fyrsta sinn sem
eplin freisti vegfarenda. „Í fyrra
voru nokkur epli, miklu minni en
þetta, og þá komu tveir drengir sem
stukku hér inn í garðinn og hrifsuðu
þau og hlupu svo í burtu. En ég hef
nú ekkert verið að vesenast í þessu
heldur bara látið þetta vera,“ segir
hann.
En hvernig bragðast svo góðgæt-
ið? „Það er svolítið beiskt þegar
maður bítur í það og þá fyllist munn-
urinn af munnvatni. Þetta er svona
súrsætt bragð,“ segir Þórarinn.
Eplin eru þó ekki það eina sem
vex í garði Þórarins. Auk eplatrés-
ins er þar gríðarstórt gullregn og
sírena sem Þórarinn segir að fylli
garðinn af angan um tveggja vikna
skeið á sumrin. Og í einu horni
garðsins er lítið gróðurhús þar sem
Þórarinn ræktar rósir og jarðarber.
„Ég fékk einar þrjár skálar af jarð-
arberjum út úr gróðurhúsinu í sum-
ar. Þau eru ekki mjög stór en þetta
voru um þrír lítrar,“ segir hann. Þá
er ótalinn rabarbarinn sem Þór-
arinn sýður sultur úr eftir eigin upp-
skriftum og graslaukur sem hann
segir að sé hreint yndislegur með
grænmeti.
Garðyrkjan er síðari tíma áhuga-
mál hjá Þórarni en hann hætti að
vinna fyrir fjórum árum. „Áhuginn
vaknaði fyrst og fremst þegar ég
flutti í húsið. Ég hef verið mestan
hluta ævinnar til sjós en þetta hefur
lánast afskaplega vel sem ég hef
verið að gera í garðinum.“
Hann tekur undir að það sé tölu-
verð vinna að halda plöntunum við.
„Jújú, en það er alveg eins með trén
og okkur sjálf, við þurfum að láta
skerða hár okkar til að halda því í
réttu horfi,“ segir hann að lokum.
Morgunblaðið/Golli
Þórarinn hjá eplatrénu sem skartaði fjölda epla í haust.
Aldrei fleiri epli
en nú í haust
Morgunblaðið/Golli
Þó að eplin séu ekki jafnstór og
þau sem maður á að venjast út
úr búð eru þau mjög gómsæt og
frísk á bragðið.
Með myndarlegt eplatré í garðinum
LÖGREGLAN í Reykjavík krafðist í
gær gæsluvarðhalds yfir þrítugri
konu sem grunuð er um innbrot í apó-
tek í borginni að undanförnu. Brotist
var inn í Laugarnesapótek við Kirkju-
teig um kl. 1.30 í fyrrinótt auk þess
sem brotist var inn í Heilsubrunninn
sem er í sama húsi.
Samkvæmt upplýsingum frá lög-
reglu var rúða brotin í útihurð og
tvær hurðir spenntar upp. Ekki er
vitað til þess að nokkru hafi verið stol-
ið. Þá var brotist inn í Borgarapótek í
Álftamýri aðfaranótt þriðjudags og
þaðan stolið morfínlyfjum. Tilraunir
voru síðan gerðar til að brjótast inn í
þrjú apótek til viðbótar þá um nóttina
og á mánudagskvöld.
!"
#
Grunuð um ítrekuð
innbrot í apótek
FJÖLDI lána til lífeyrissjóðsfélaga
hefur aukist nokkuð á milli ára og
eru dæmi um að hjá einstökum líf-
eyrissjóðum hafi lánum fjölgað um
30% fyrstu sex mánuði þessa árs
miðað við sama tímabil í fyrra.
Á heimasíðu Lífeyrissjóðs versl-
unarmanna, stærsta lífeyrissjóðs
landsins, kemur m.a. fram að lán-
um til sjóðfélaga hafi fjölgað um
28% milli áranna 2000 og 2001.
„Fjárhæð lánveitinganna nam
2.057 milljónum á fyrstu 6 mán-
uðum ársins [2001] en 1.585 millj-
ónum á sama tímabili 2000 sem er
30% hækkun milli ára.“
Hrafn Magnússon, fram-
kvæmdastjóri Landssamtaka líf-
eyrissjóða, staðfestir í samtali við
Morgunblaðið að lífeyrissjóðslán-
um hafi fjölgað milli ára og segir
skýringuna m.a. þá að fólk sé í
auknum mæli að skuldbreyta óhag-
stæðum bankalánum í lífeyris-
sjóðslán.
Undir þetta tekur Haukur Haf-
steinsson, framkvæmdastjóri Líf-
eyrissjóðs starfsmanna ríkisins, en
þar hefur lánum fjölgað um 30% á
fyrstu sjö mánuðum þessa árs mið-
að við sama tímabil í fyrra. „Það
hefur reyndar orðið stöðug aukn-
ing á lífeyrissjóðslánum undanfar-
in þrjú ár,“ segir hann og telur
helstu skýringuna þá að meiri eft-
irspurn sé almennt eftir lánsfé í
þjóðfélaginu en áður. „Að hluta til
er þetta líka vegna þess að menn
hafa verið að skuldbreyta óhag-
stæðum bankalánum í lífeyris-
sjóðslán.“
Mikil eftirspurn vegna þenslu
Auk þess bendir hann á að ávallt
hafi mikil eftirspurn verið eftir líf-
eyrissjóðslánum þegar mikil
þensla sé á fasteignamarkaði. „Á
undanförnum árum hefur verið
mikil þensla á fasteignamarkaðin-
um eins og kunnugt er og það
kemur fram í þessari auknu eft-
irspurn.“
Aðspurður hvort vísbendingar
séu um að farið sé að draga úr um-
sóknum um lífeyrissjóðslán segir
hann svo vera. „Við tökum eftir því
að heldur hefur dregið úr umsókn-
um á síðustu vikum en þó þarf að
horfa yfir lengra tímabil til að geta
sagt til um það með vissu.“
Dæmi um 30% fjölgun
fyrstu sex mánuðina
Lánum til lífeyrissjóðsfélaga fjölgað nokkuð milli ára