Morgunblaðið - 19.10.2001, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 19. OKTÓBER 2001 VERÐ Í LAUSASÖLU 190 KR. MEÐ VSK.
HREIN raunávöxtun lífeyrissjóða
á síðasta ári var neikvæð um 0,7%
miðað við neysluverðsvísitölu. Árið
1999 var raunávöxtun sjóða jákvæð
um 12%. Hrein eign lífeyrissjóð-
anna til greiðslu lífeyris í árslok
2000 nam 566 milljörðum en var
517 milljarðar í árslok 1999. Aukn-
ingin er 9,5% sem samsvarar 5,1%
raunaukningu.
Raunávöxtun lífeyrissjóða hefur
verið mjög góð á síðustu árum.
Stærsti almenni lífeyrissjóður
landsins, Lífeyrissjóður verslunar-
manna, skilaði t.d. 8,8% meðal-
ávöxtun á árunum 1995–1999.
Næststærstu sjóðirnir, Framsýn
og Sameinaði lífeyrissjóðurinn,
skiluðu 9,7% meðalávöxtun á þess-
um árum. Ávöxtun sjóðanna á síð-
asta ári er hins vegar almennt
mjög léleg. Meðalraunávöxtun allra
sjóðanna var neikvæð um 0,7%.
Ávöxtun stærstu sjóðanna er við
núllið. Lífeyrissjóður verslunar-
manna skilaði 1,1% raunávöxtun,
Lífeyrissjóður starfsmanna ríkisins
1,5%, Lífeyrissjóðurinn Framsýn
-0,6% og Sameinaði lífeyrissjóður-
inn -0,9%. Besta ávöxtun sýndu
Lífeyrissjóðurinn Skjöldur með
7,5%, Lífeyrissjóður Akraneskaup-
staðar 5,7%, Tryggingasjóður
lækna 4,9%, Lífeyrissjóður KEA
3,9% og Lífeyrissjóðurinn Hlíf
3,9%.
Einn sjóður var með 15,3%
neikvæða ávöxtun
Hins vegar sýndu margir sjóðir
neikvæða raunávöxtun. Verstu út-
komu sýndi séreignardeild Lífeyr-
issjóðs starfsmanna ríkisins með
15,3% neikvæða ávöxtun. Þar á eft-
ir koma A-deild Eftirlaunasjóðs
Hafnarfjarðarkaupstaðar -10,4%,
Lífeyrissjóður starfsmanna sveitar-
félaga -9,7%, Séreignalífeyrissjóð-
urinn -8,8%, Lífeyrissjóður Tann-
læknafélagsins -8,5%, Lífeyrissjóð-
ur verkfræðinga -7,9%, Lífeyris-
sjóður Eimskipafélagsins -7,7% og
Lífeyrissjóðurinn Eining -7,4%.
Athygli vekur léleg ávöxtun sér-
eignardeildar LSR, en meira en
helmingur af eign sjóðsins hefur
verið festur í hlutabréfum, en
hlutabréf gáfu almennt lélega
ávöxtun á síðasta ári.
Lífeyrissjóðirnir áttu um síðustu
áramót 181,5 milljarða í hlutabréf-
um, þar af 7,4 milljarða í óskráðum
félögum. Iðgjöld milli ára voru nær
óbreytt. Þau voru 49 milljarðar ár-
ið 1999 og 49,7 milljarðar í fyrra.
Gjaldfærður lífeyrir var 18,9 millj-
arðar en var 16,3 milljarðar árið
1999.
Af lífeyrissjóðum án ábyrgðar
annarra eru 39 innan þeirra marka
sem kveðið er á um í lögum en þrír
þeirra eru reknir með meira en
10% afgangi og þurfa því að huga
að aukningu réttinda. Þetta eru Al-
mennur lífeyrissjóður VÍB, Lífeyr-
issjóður arkitekta og tæknifræð-
inga og Lífeyrissjóður Suðurlands.
Verulegur halli er hins vegar á
flestum þeirra lífeyrissjóða sem
eru með ábyrgð ríkis og sveitarfé-
laga og brúar ábyrgð viðkomandi
aðila það sem á vantar.
Mikil umskipti urðu á síðasta ári í ávöxtun lífeyrissjóðanna
Raunávöxtun lífeyris-
sjóða neikvæð um 0,7%
LAMBHRÚTUR frá bænum Norð-
urhjáleigu í V-Skaftafellssýslu
var felldur nýlega í sláturhúsi SS
á Kirkjubæjarklaustri. Fallþungi
hrútsins, sem kom í heiminn í maí
á þessu ári, reyndist vera 31,1
kíló og fór hann í E-flokk. Til
samanburðar er meðalfallþungi
dilka hjá sláturhúsinu í kringum
15 kíló, að sögn Sigurlaugar Jóns-
dóttur sláturhússtjóra sem aldrei
hefur séð annan eins grip. Fyrir
slátrun vó hrúturinn um 70 kíló
Böðvar Jónsson, bóndi í Norð-
urhjáleigu, sagði við Morgun-
blaðið að lambhrúturinn hefði
þrifist vel og ærin mjólkað í sam-
ræmi við það. Hann sagði hrútinn
hafa fengið góðan dóm á hrúta-
sýningu og þótt efnilegur til að
setja á.
Böðvar átti fleiri væn lömb sem
hann ákvað að slátra ekki að
þessu sinni. „Ég hef aldrei fengið
svona þungt lamb og ekki heyrt
dæmi af slíkum fallþunga hér í
sveitinni,“ sagði Böðvar en fregn-
ir hafa þó borist af vænni dilkum
á síðustu árum. Þannig vó dilkur
frá bænum Hóli við Dalvík 32,4
kíló í sláturhúsi KEA fyrir tveim-
ur árum.
Risalambhrútur vó
rúm 70 kíló við slátrun
NÝTT hitamet í Reykjavík í októ-
bermánuði var staðfest síðdegis í
gær, þegar hiti mældist 15,6 gráð-
ur. Gamla metið var frá því á mánu-
dag, en þá mældist hitinn 15,3 gráð-
ur, sem var það hæsta sem mælst
hefur í október frá upphafi mæl-
inga. Til samanburðar má nefna að
á árunum 1961–1990 komst hiti í
október í Reykjavík hæst í 13,6
gráður.
Samkvæmt upplýsingum Veð-
urstofu Íslands hefur hlýtt loft frá
Bretlandseyjum ráðið miklu um
hitastigið að undanförnu. Víðáttu-
mikil lægð vestur af Írlandi dældi
hlýja loftinu upp að landinu með
þeim afleiðingum að mjög hlýtt
varð, einkum á Suðvesturlandi.
Veðurstofan spáir áfram góð-
viðri næstu daga á Suðvesturlandi.
Suðaustanáttir að undanförnu
hafa flutt með sér margar sjaldséð-
ar fuglategundir upp að ströndum
landsins og í gær sást m.a. til hör-
finku, sem aldrei hefur sést hér-
lendis fyrr svo vitað sé. Hörfinkan
sást við Hrossabithaga á Höfn í
Hornafirði. Einnig sást til hlýra-
þrastar, mjög sjaldgæfs fugls frá
Ameríku, vallskvettu og bláheiðar.
Morgunblaðið/RAX
Þessir strákar nutu októberblíðunnar í gær í Árbæjarlauginni, enda var sannkallaður sumarylur í lofti og hitamet slegið í Reykjavík í annað sinn.
Hitamet
í Reykjavík
slegið í
annað sinn
Í KJÖLFAR athugunar Fjármálaeft-
irlitsins á verklagi, áhættustýringu og
innra eftirliti þriggja líftrygginga-
félaga og nokkurra vátryggingamiðl-
ara var Ríkislögreglustjóra gerð
grein fyrir málum í tveimur tilvikum,
annars vegar í tengslum við vátrygg-
ingafélag en hins vegar vátrygginga-
miðlun. Fjórir vátryggingamiðlarar
hafa skilað inn starfsleyfi sínu í fram-
haldi af athugunum Fjármálaeftirlits-
ins og starfsleyfi eins vátrygginga-
miðlara var afturkallað. Þetta kemur
fram í ársskýrslu Fjármálaeftirlitsins
og í máli Páls Gunnars Pálssonar, for-
stjóra Fjármálaeftirlitsins, á þriðja
ársfundi eftirlitsins í gær.
Fjármálaeftirlitið hefur haft
áhyggjur af verklagi við sölu líftrygg-
inga og telur nauðsynlegt að fylgjast
vel með starfsemi líftryggingafélaga
og vátryggingamiðlara.
Á tímabilinu 1. júlí 2000 til 30. júní
2001 gerði FME úttekt á starfsemi
þriggja líftryggingafélaga. Í mörgum
tilvikum var að mati FME ástæða til
að bæta „upplýsingagjöf og almenn
vinnubrögð þessara aðila.“ Hefur
Fjármálaeftirlitið komið á framfæri
athugasemdum og ábendingum sem
miðast að þessu, m.a. með dreifibréfi
til vátryggingamiðlara.
Fjármálaeftirlitið ítrekaði einnig
að það teldi að vátryggingafélögum
bæri að rökstyðja iðgjöld í lögboðnum
ökutækjatryggingum ítarlega fyrir
almenningi. Fjármálaeftirlitið telur
jafnframt að þörf sé á auknu gegnsæi
í rekstri og reikningsskilum vátrygg-
ingafélaga.
Fjármálaeftirlitið
skoðar vátryggingar
Ríkislög-
reglustjóra
tilkynnt um
tvö mál

Kallar eftir/20