Morgunblaðið - 19.10.2001, Blaðsíða 17

Morgunblaðið/Jón Svavarsson
Slökkviliðsmenn eru skrúbbaðir og skolaðir í búningum sínum í eiturefnavagninum.
SLÖKKVILIÐIÐ á Keflavíkurflug-
velli notar sérstakan vagn til að
afeitra slökkviliðsmenn eftir
eiturefnaútköll. Þeir æfðu í vikunni
sérstaklega viðbrögð vegna grun-
samlegs pósts sem kynni að inni-
halda miltisbrand.
Slökkviliðið innréttaði eiturefna-
vagninn fyrir um það bil tveimur ár-
um, að sögn Halldórs Vilhjálmssonar
þjálfunarstjóra. Í honum eru þrjár
sturtur. Þegar slökkviliðsmenn
koma úr útköllum vegna eiturefna
eða lífrænna efna, svo sem miltis-
brands, eru þeir skrúbbaðir með
sápu í fyrstu sturtunni, í fullum her-
klæðum, og fara síðan stig af stigi í
gegn um sturturnar um leið og þeir
fækka fötum og koma afeitraðir út
hinum megin.
Eytt úr þvottavatninu
Þvottavatninu er safnað í tunnur
sem eru undir vagninum og taka sér-
fræðingar að sér að eyða efnunum úr
því. Halldór segir að það sé ábyrgð-
arhluti að skola svona efnum niður í
holræsin, eins og sést á fréttamynd-
um frá Bandaríkjunum, því þau geti
verið skaðleg náttúrunni og jafnvel
borist aftur í fólk.
Æfingin í vikunni var regluleg æf-
ing vegna hugsanlegra eiturefna-
slysa. Í henni var þó að sögn Hall-
dórs sérstaklega hugað að við-
brögðum við miltisbrandssmiti sem
fólk kynni að fá úr pósti.
Viðbrögð við miltisbrandi
Keflavíkurflugvöllur
SUÐURNES
MORGUNBLAÐIÐ FÖSTUDAGUR 19. OKTÓBER 2001 17
Snegla listhús
Til
hamingju
með 10 ára
afmælið
„MÉR líður mjög vel á Íslandi því
að hér get ég andað,“ segir Birgitta
Jónsdóttir Klasen, nuddari í Kefla-
vík. Hún á íslenskan föður en bjó í
Þýskalandi þar til á síðasta ári að
hún ákvað að flytjast „heim“ til Ís-
lands.
Birgitta hefur komið víða við á
lífsleiðinni en hún er fædd og upp-
alin í Þýskalandi og átti þýska móð-
ur sem lést fyrir nokkrum árum.
Faðir hennar er aftur á móti Íslend-
ingur, Jón H. Jónsson, og býr í
Keflavík. Birgitta fluttist hingað til
lands fyrir rúmu ári. Sjálf segist
hún þar með hafa sagt skilið við
þann hluta lífsins sem átti sér stað í
Þýskalandi og að hún sé nú komin
heim, því hún sé mun meiri Íslend-
ingur í sér en Þjóðverji.
„Ég ætla að sækja um íslenskan
ríkisborgararétt á næsta ári en það
finnst mér stór þáttur í því að koma
heim,“ segir Birgitta, sem talar
ótrúlega góða íslensku þótt hún
hafi ekki dvalið lengi hérlendis.
Hún starfar sem nuddari í lík-
amsræktarstöðinni Lífsstíl í Kefla-
vík og nuddar þar Keflvíkinga
ásamt gestum Hótels Keflavíkur.
Auk þess er hún einu sinni í viku í
Baðhúsi Lindu í Reykjavík.
Sálfræðimeðferð og nudd
Birgitta er útskrifuð úr námi í
náttúrulækningum, svæðameðferð,
sálfræðilegri ráðgjöf og sálfræði-
meðferð, auk þess sem hún hefur
lokið 1. og 2. námi í reiki. „Ég tengi
alla þessa þekkingu saman í með-
ferð á fólki og árangurinn hefur
reynst ótrúlega góður, jafnt fyrir
líkama og sál,“ segir Birgitta. Hún
er einnig með kennsluréttindi í
svæðameðferð og ZILGREI sem er
meðferð á öndun og líkamsstöðu en
slík meðferð hefur ekki áður verið í
boði hér á landi.
„Ég stefni að því að geta blandað
saman sálfræðimeðferð og nuddi
hér á Íslandi eins og ég gerði í
Þýskalandi, en fyrst verð ég að
læra tungumálið og kynnast ís-
lenskri menningu betur. Það er
nefnilega þónokkur munur á ís-
lenskri og þýskri menningu. Ég
vona að ég nái því markmiði fljót-
lega til að ná enn betri árangri fyrir
viðskiptavini mína.“
Kortleggur líffærin í iljum
Í svæðanuddmeðferðinni byrjar
hún á því að opna líkamann og
virkja orkustöðvar hans, með léttu
nuddi á iljum, ökklum, kálfum og
baki, en þannig finnur hún hvað
það er sem líkami hvers og eins
þarfnast. „Þannig fæ ég líkamann
líka til þess að slaka á og vinna með
mér í sjálfri meðferðinni. Þá get ég
byrjað á þrýstipunktameðferð á ilj-
um og ökklum, en hvert líffæri lík-
amans er hægt að kortleggja á
þessu svæði. Með því að þrýsta á
þessa punkta kem ég hverju líffæri
í gang og hjálpa því til að hreinsa
sig og virka betur. Þetta er áhrifa-
rík og hagkvæm aðferð því að hún
tekur á orsökum vanlíðunar fólks í
stað þess að stöðva einungis ein-
kennin,“ segir Birgitta.
Meðferð sem þessa er hægt að
nota á alla aldurshópa og sem aðal-
eða hliðarmeðferð í ýmsum bráðum
og langvinnum veikindum, að henn-
ar sögn, auk þess sem nota má með-
ferðina til þess að auka almenna
vellíðan en bati finnst jafnt meðan á
meðferð stendur og að henni lok-
inni.
Hér get ég andað
Morgunblaðið/Sigríður Hjálmarsdóttir
Birgitta Jónsdóttir Klasen
nuddar Keflvíkinga í Lífsstíl.
Reykjanesbær
SBK hf. hefur keypt umboðsskrif-
stofu Ferðaskrifstofu Íslands í
Keflavík og tekur við umboði fyrir
Úrval-Útsýn og Plúsferðir um
næstu áramót. Skrifstofan verður
flutt til SBK í Grófinni 2-4.
Ferðaskrifstofa Íslands hf. aug-
lýsti nýlega eftir rekstraraðila eða
umboðsmanni til að taka við skrif-
stofu sinni í Keflavík. Nú hafa
náðst samningar við SBK, að sögn
Einars Steinþórssonar, fram-
kvæmdastjóra SBK hf.
Fullt
ferðaskrifstofuleyfi
„Við munum sameina reksturinn
okkar rekstri og flytja skrifstofuna
hingað,“ segir Einar. Ferðaskrif-
stofan er nú á Hafnargötu 15 og
mun starfsfólkið flytjast með starf-
seminni til SBK í Grófinni.
Skrifstofa Úrvals-Útsýnar hefur
fullt ferðaskrifstofuleyfi og mun
það færast yfir til SBK. Því fylgir
heimild til að gefa út farseðla fyrir
flugfélög um allan heim.
SBK hefur verið að færa út kví-
arnar í ferðaþjónustu á undanförn-
um árum. Það er í sérleyfisakstri,
hópferðaakstri og annast almenn-
ingssamgöngur. Í tengslum við
rútubílareksturinn býður það sér-
stakar ferðir undir heitinu Dekur
og djamm. Þá rekur fyrirtækið
bílaleigu og á aðild að fyrirtækinu
sem gerir út Hafsúluna til hvala-
skoðunar. Einar segir að tími hafi
verið kominn til að stíga næsta
skref og telur að ferðaskrifstofan
falli ágætlega að starfseminni.
Hann telur að einkum verði lögð
rækt við heimamarkaðinn, að þjóna
Suðurnesjamönnum sem best.
Ferðaskrifstofa Íslands mun
kaupa hlut í SBK hf. í tengslum við
þessi viðskipti og eignast um það
bil 7% í fyrirtækinu, að sögn Ein-
ars.
SBK kaupir
skrifstofu
Úrvals-
Útsýnar
Keflavík
FÓLK Í FRÉTTUM