Morgunblaðið - 19.10.2001, Blaðsíða 23

ERLENT
MORGUNBLAÐIÐ FÖSTUDAGUR 19. OKTÓBER 2001 23
HÆTT er við, að átök og innanlandsófriður hefjist
aftur í Makedóníu ef stjórnvöld standa ekki við
þau fyrirheit, sem gefin voru með undirritun frið-
arsamninga milli þeirra og albanskra skæruliða.
Kom þetta fram hjá æðstu yfirmönnum Atlants-
hafsbandalagsins, NATO og Evrópusambandsins
í gær.
Robertson lávarður, framkvæmdastjóri NATO,
og Javier Solana, utanríkismálastjóri ESB, komu
til Skopje, höfuðborgar Makedóníu, í gær til að
reyna að koma friðarferlinu af stað en Makedón-
íuþing þráast enn við að tryggja albanska minni-
hlutanum í landinu eðlileg réttindi.
Friðarsamningarnir, sem undirritaðir voru í
ágúst, bundu enda á misserislöng átök milli
stjórnarhersins og skæruliða, sem afhentu síðan
eftirlitsmönnum NATO meira en 4.000 vopn. Það
gerðu þeir gegn því, að Albanir í landinu, þriðj-
ungur landsmanna, fengju full réttindi á við slav-
neska meirihlutann. Makedóníuþing hefur samt
ekki enn tekið nauðsynlegar stjórnarskrárbreyt-
ingar á dagskrá.
Með þeim á að taka af skarið um, að öll þjóð-
arbrot í landinu njóti sömu réttinda en meirihluti
slavanna vill, að tekið sé fram, að þeir séu stærsta
þjóðarbrotið og þar með óbeint það mikilvægasta.
Harðlínumenn í þeirra röðum boðuðu í gær til
fundar til að mótmæla friðarsamningunum.
Óttast friðslit í Makedóníu
Skopje. AP.
Reuters
Robertson lávarður, framkvæmdastjóri NATO.
Þráast við að veita Albönum réttindi
BRESKUR yfirréttur hafnaði því í
gær, að kona, sem þjáist af banvæn-
um hrörnunarsjúkdómi, eigi rétt á
að deyja með hjálp eiginmanns síns.
Úrskurðaði rétturinn að eig-
inmaður konunnar komist ekki hjá
ákæru ef hann hjálpar konu sinni að
kveðja þennan heim.
Mál þetta er hið fyrsta í Bretlandi
þar sem dómstólar eru beðnir um að
skera úr um lögmæti líknardráps.
Konan, sem heitir Diane Pretty og
er 42 ára, tveggja barna móðir, hef-
ur notið stuðnings mannréttinda-
samtaka og fjölskyldu sinnar.
Fyrir rétti sagði lögmaður
Pretty, að bresk stjórnvöld væru að
dæma hana til ómannúðlegrar og
niðurlægjandi meðferðar með því
að hafna rétti hennar til að deyja
með sæmd. Með því móti væri brotið
gegn lögvernduðum mannrétt-
indum hennar.
Neitað um
réttinn til
að deyja
Lundúnum. AFP.
FIMM ráðherrar tveggja flokka
mótmælenda í stjórn Norður-Ír-
lands tilkynntu í gær, að þeir ætluðu
að segja af sér á
miðnætti. Skýrði
David Trimble,
leiðtogi Sam-
bandsflokksins,
frá þessu.
Þrír ráðherr-
anna eru í Sam-
bandsflokknum
en tveir í Lýð-
ræðislega sam-
bandsflokknum,
helsta harðlínuflokki mótmælenda.
Sagði Trimble, að ástæðan fyrir af-
sögninni væri sú, að IRA, Írski lýð-
veldisherinn, hefði svikið fyrirheit
um að afvopnast og héldi áfram of-
beldisverkum. Það væri brot á sam-
komulaginu, sem kennt væri við
föstudaginn langa, og óviðunandi af
hreyfingu, sem ætti ráðherra í
stjórn.
Í stjórninni verða eftir fimm ráð-
herrar, allir kaþólskir.
Norður-Írland
Mótmæl-
endur hætta
í stjórn
Belfast. AFP.
David Trimble
SPÆNSKA lögreglan handtók í
fyrrinótt sjö félaga í basknesku
hryðjuverkasamtökunum ETA. Er
það mikið áfall fyrir samtökin en
meðal hinna handteknu er Asier
Altuna, frammámaður í Batasuna,
stjórnmálaarmi samtakanna. Þá
var einnig lagt hald á 64 kíló af
sprengiefni.
Sumir hinna handteknu eru
grunaðir um aðild að morðum og
morðtilræðum og í húsakynnum
Altuna fannst stolin bifreið, sem
búin hafði verið fölsuðum númer-
um. Líklegt þykir, að hana hafi átt
að nota við sprengjutilræði.
Spænsk yfirvöld segja, að þetta
sýni, að ETA og Batasuna séu einn
og sami hryðjuverkahópurinn. Yf-
irvöld á Spáni hafa hert mjög róð-
urinn gegn ETA eftir hryðjuverkin
í Bandaríkjunum og þau og stjórn-
völd víðar segjast ekki ætla að líða
það lengur, að hryðjuverkahópar
haldi heilu samfélögunum í gísl-
ingu.
ETA-sam-
tökum
greitt
þungt högg
♦ ♦ ♦
♦ ♦ ♦