Morgunblaðið - 19.10.2001, Síða 47

BRÉF TIL BLAÐSINS
MORGUNBLAÐIÐ FÖSTUDAGUR 19. OKTÓBER 2001 47
ÉG VIL ekki trúa því að óreyndu, að
þið viljið verða þess valdandi, að ég
hætti að trúa á guð minn og skapara,
sem þó hefur veitt mér meiri gæsku
en ég á skilið. Undanfarin ár hef ég
rembst við það, eins og rjúpan við
staurinn, að biðja drottin vorn og
frelsara að leiða ykkur af þeirri braut,
sem þið hafið valið ykkur í lífinu, að
koma vitinu fyrir ykkur og lyfta ykk-
ur upp úr þeirri ljónagryfju, sem þið
hafið fallið í! Ég er sannfærður um, að
ykkur hafi ekki verið úthlutað það lít-
illi skynsemi í upphafi, í æsku og á
þroskaárunum, að þið vitið ekki hvað
forðast beri og hvað ekki, til að öðlast
heilbrigt og ánægjulegt líf.
Þjófar og ræningjar hafa alltaf ver-
ið til meðal manna, frá upphafi vega.
Þeirra er oftar en einu sinni getið í
Biblíunni. En vímuefnaneytendur
eru alveg nýtt fyrirbrigði, sem ekki
þekktist í mínu ungdæmi. Þá komust
menn í vímu með því að vinna hörðum
höndum fyrir fjölskyldur sínar, sofna
þreyttir á kvöldin og vakna eldhressir
að morgni, tilbúnir að hefja heiðarleg
störf á ný. Það var kallað að lifa heil-
brigðu lífi. Nú er öldin önnur og mað-
ur les ekki svo dagblöðin og hlustar á
fréttir í útvarpi og sjónvarpi, að ekki
sé minnst á svo og svo marga ung-
linga og fólk á öllum aldri, sem tekið
er með talsvert magn af fíkniefnum,
bæði til eigin neyslu og sem söluvarn-
ing. Ósjálfrátt verður manni óglatt,
þegar maður heyrir slíkar fréttir og
verður hugsað með hrolli til þeirra
ógæfumanna, sem með ásetningi
skapa sér slíkar hremmingar og ekki
síður til aðstandenda þeirra: For-
eldra, annarra ættingja og vina, sem
hlýtur að líða hörmulega, vitandi það,
að þið vímuefnaneytendurnir eruð að
steypa ykkur í algjöra glötun.
Maðu hefur alltaf álitið sauð-
kindina vera eina af heimskustu
skepnum veraldar, samt mundi hún
aldrei láta sér til hugar koma, að inn-
byrða ótilneydd slíkt magn af eitri og
þið dælið í líkama ykkar daglega, vit-
andi það (ef þið beitið almennri skyn-
semi), að slíkt eyðileggur ekki ein-
ungis heilsu ykkar, heldur ekki síður
sálina, sem öllu ræður um skynsam-
lega hugsun.
Elskulega íslenska æska, látið ekki
örfáa, óprúttna og vellauðuga dóp-
sala, sem hlæja að heimsku ykkar,
leiða ykkur til freistni, með því að
telja ykkur trú um, að þeir séu að vísa
ykkur veginn til eilífrar sælu, með því
að neyta þessara hættulegu efna, sem
þeir hafa á boðstólum og eru vísir
með að gefa ykkur fyrstu skammt-
ana, til að koma ykkur á bragðið, en
þá verðið þið eins og fiskar í neti, sem
eiga fáar leiðir til undankomu. Spyrn-
ið við fótum, áður en allt verður um
seinan, því hægara er í að komast en
úr að fara!
Ég ætla enn um sinn að biðja guð
um að frelsa ykkur frá þeim vágesti,
sem eiturlyfin eru, og ef það ber eng-
an sýnilegan árangur á næstu miss-
erum skelli ég skuldinni á ykkur fyrir
að koma því til leiðar, að ég hætti að
treysta guði mínum og skapara, til að
miskunna sig yfir mig og öll börnin
sín á voru landi!
Fyrir löngu hafði ég gert mér vonir
um, að okkar fámenna þjóð, sem býr
á fagurri eyju, langt norður í höfum,
gæti verið laus við þann ófögnuð, sem
eiturlyfin eru, en nú sé ég, að sú von
mín hefur ekki orðið að veruleika. En
eins og við höfum margoft áður upp-
rætt alls konar mein í þjóðfélaginu á
okkur, fyrr eða síðar, að takast, að
uppræta umrætt þjóðarböl. Við höf-
um lifað af móðuharðindi, eldgos,
stríðsógnir, svartadauða og margt
enn verra, svo ég er bjartsýnn á, að
með guðs hjálp og nægilegri upp-
fræðslu í skólum og á heimilum get-
um við einnig upprætt þetta vanda-
mál í eitt skipti fyrir öll. Því fyrr, því
betra.
SIGURGEIR ÞORVALDSSON
Mávabraut 8c, Keflavík.
Elskulegu þjófar og
vímuefnaneytendur
Frá Sigurgeiri Þorvaldssyni:
„Elskulega íslenska æska,“ seg-
ir í greininni, „látið ekki
óprúttna dópsala leiða ykkur til
freistni.“ Myndin er sviðsett.