Morgunblaðið - 22.11.2001, Qupperneq 18

AKUREYRI
18 FIMMTUDAGUR 22. NÓVEMBER 2001 MORGUNBLAÐIÐ
Frá Hrafnagilsskóla
Kennari óskast til forfallakennslu sem fyrst.
Einnig kemur til greina að ráða stuðningsfulltrúa.
Frá áramótum til vors vantar okkur einnig
tónmenntakennara (a.m.k. 2/3 starf)
til að leysa af í forföllum.
Upplýsingar gefa skólastjóri og aðstoðarskólastjóri
í síma 463 1137.
Handmáluð
eplabörn
sími 462 2900
Blómin
í bænum
VINNA við uppsetningu á nýrri
stólalyftu í Hlíðarfjalli við Ak-
ureyri gengur vel og samkvæmt
áætlun, að sögn Guðmundar Karls
Jónssonar forstöðumanns Skíða-
staða. Búið er að reisa lyft-
umöstrin og vinna við lokafrágang
í fullum gangi. Stefnt er að því að
vígja mannvirkið um miðjan næsta
mánuð.
Akureyrarbær festi fyrr á árinu
kaup á nýrri fjögurra sæta stóla-
lyftu af Doppelmayr gerð, sem
leysir af hólmi gamla tveggja sæta
stólalyftu. Nýja lyftan sem er ein
sú fullkomnasta og afkastamesta
hér á landi, flytur um 2.000 manns
á klst. en sú gamla, sem tekin hef-
ur verið niður flutti „aðeins“ um
450 manns á klst. Drifhjólið er
engin smásmíði, tæpir 5 metrar í
þvermál og um 5 tonn að þyngd.
Heildarkostnaður við lyftuna og
uppsetningu hennar er um 160
milljónir króna.
Enn hefur ekki snjóað mikið í
Hlíðarfjalli en í gærmorgun var
þar þó töluverð ofankoma. Guð-
mundur Karl sagðist bjartsýnn á
að hægt yrði að fara á skíði fljót-
lega og hann sagðist reyndar þeg-
ar hafa lagt inn snjópöntun á hjá
veðurguðunum. Með tilkomu nýju
lyftunnar batnar aðstaðan í Hlíð-
arfjalli til mikilla muna og þar á
bæ gætir töluverðrar eftirvænt-
ingar fyrir komandi skíðavertíð.
Síðasta vetur var slegið met í
Hlíðarfjalli en þá var þar opið í um
140 daga en gamla metið var frá
árinu 1978 en þá var opið í 130
daga. Skíðafólk gat verið á skíðum
vel fram í maímánuð síðastliðin,
auk þess sem skíðalandsliðið í
alpagreinum var þar við æfingar í
byrjun júní, við ágætar aðstæður.
Uppsetning á nýrri
stólalyftu gengur vel
Morgunblaðið/Kristján
TÖLUVERT uppistand varð vegna
dagskrár í Dalvíkurskóla sl. föstudag
í tengslum við Dag íslenskrar tungu.
Að sögn Önnu Baldvinu Jóhannes-
dóttur skólastjóra mætti verkfalls-
vörður frá tónlistarkennurum í skól-
ann með látum og stöðvaði
dagskrána. „Hér birtist verkfalls-
vörður sem ruddist inn í sal með
dónaskap og yfirgangi og stuðaði
bæði börn og fullorðna.“
Anna Baldvina sagði að dagskráin í
skólanum hefði verið þrískipt og um
það leyti sem hún var að byrja hefði
skólastjóri Tónlistarskólans á Dalvík
haft samband og óskað eftir því að
nemdur Tónlistarskólans flyttu ekki
tónlist við þetta tækifæri þar sem þeir
mættu ekki spila á opinberum vett-
vangi nema undir handleiðslu kenn-
ara sinna. Anna Baldvina sagðist hafa
orðið við þessari beiðni – í óþökk
barna, foreldra og kennara sem þarna
voru.
„Ég vissi svo ekki annað en að allt
væri í lagi. Ég þurfti svo að bregða
mér frá en þegar ég kom til baka var
komið að elstu krökkunum með sína
stund en þá var allt orðið vitlaust á
svæðinu. Þá hafði birst hér verkfalls-
vörður, karlmaður frá Akureyri, sem
ruddist inn í salinn fullan af nemend-
um og kennurum með miklum dóna-
skap og ruddagangi. Verkfallsvörður-
inn vildi fá að vita hvort nemendur
Tónlistarskólans væru að flytja þarna
tónlist. Þar sem við höfðum ekki lista
yfir þá nemendur, tók hann þá
ákvörðun á staðnum að það yrði engin
tónlist flutt, ekkert hljóðfæri snert,
auk þess sem ekki mætti syngja.“
Anna Baldvina sagði að þarna
hefðu unglingar skólans ætlað að nota
potta og pönnur til að flytja sitt verk
sem þau hefðu samið á þessum degi
en sú uppákoma féll einnig undir
þetta bann verkfallsvarðarins.
Fékk alla upp
á móti sér
„Hann gerði þetta á þann hátt að
hann fékk alla upp á móti sér og sín-
um. Einnig átti hann tal við mig, að-
stoðarskólastjórann og tvo kennara
og sýndi okkur mikinn dónaskap. Á
sama tíma var hringt frá Skólastjóra-
félagi Íslands, sem hafði fengið til-
kynningu um verkfallsbrot í Dalvík-
urskóla. Þannig að það var býsna
fjörugt hér þessa stund. Eftir að haft
var samband suður, við mann í samn-
inganefnd tónlistarkennara, var verk-
fallsvörðurinn kallaður í burtu.“
Anna Baldvina sagði að tilkynning-
in um að þörf væri á verkfallsverði í
skólann hefði komið frá Eiríki Steph-
ensen, fyrir orð Hlínar Torfadóttur,
skólastjóra Tónlistarskóla Dalvíkur,
en að þau hefðu verið saman á fundi
þarna um morguninn. „Eftir að ég
hafði stöðvað tónlistarflutninginn
óskaði ég eftir því við Hlín að hún
kæmi í skólann til að ræða við reiða
kennara og sár börn. Það var túlkað á
þann hátt á þessum fundi að ástæða
þótti að senda verkfallsvörð í skólann.
Það hefði alveg getað gengið ef mað-
urinn hefði hagað sér öðruvísi. Þetta
var allt mjög leiðinlegt af því að við
vorum ekki að fremja neitt verkfalls-
brot,“ sagði Anna Baldvina.
Verkfallsvörðurinn
fékk röng skilaboð
Hlín Torfadóttir, skólastjóri Tón-
listarskóla Dalvíkur, sagði að skóla-
stjóri Dalvíkurskóla hefði leitað eftir
því að hún kæmi til viðræðna við
kennara skólans, þar sem viðbrögðin
væru slík. Sjálf hefði hún ekki haft tök
á að fara á staðinn og því hefði verið
ákveðið að senda mann á staðinn til
viðræðna og til að útskýra sjónarmið
tónlistarkennara. Hlín sagði að sá að-
ili hefði fengið röng skilaboð og sagði
miður hvernig fór. Að öðru leyti vísaði
hún á Eirík G. Stephensen, skóla-
stjóra Tónlistarskóla Eyjafjarðar og
stjórnarmann í Félagi tónlistarkenn-
ara.
Eiríkur sagði að þegar hann hefði
frétt af því að óánægja væri á meðal
kennara á Dalvík vegna þess að tón-
listarnemar mættu ekki koma fram á
skólaskemmtun grunnskólans hefði
hann haft samband við verkfalls-
stjórn tónlistarkennara á Norður-
landi og óskað eftir því að einhver yrði
sendur á staðinn til að kanna aðstæð-
ur og skýra málið fyrir viðstöddum.
„Þetta eru eðlileg viðbrögð þó að
skólastjóri grunnskólans hafi verið
búinn að tilkynna að hann hefði stöðv-
að allan tónlistarflutning þeirra.“
Eiríkur sagði að verkfallsvörðurinn
hefði fengið þau skilaboð að grunur
væri að um verkfallsbrot gæti verið
að ræða á Dalvík. „Hann bregst þann-
ig við að stöðva allan tónlistarflutning
þar til sannað hefur verið hvort um
tónlistarnema sé að ræða og lítum við
svo á að grunnskólinn eigi að sjá um
að þær upplýsingar séu til staðar ef
um efasemdir er að ræða. Verkfalls-
vörður veit ekki hvort tónlistarnemar
eru flytjendur þegar hann kemur á
staðinn og er eðlilegt að hann stöðvi
allan tónlistarflutning þar til hið rétta
kemur í ljós. Það er nóg að einn með-
limur í hljómsveit sé í tónlistarnámi til
að um verkfallsbrot sé að ræða,“ sagði
Eiríkur.
„Ruddist inn í sal með
dónaskap og yfirgangi“
Verkfallsvörður tónlistarkennara stöðvaði
tónlistarflutning nemenda í Dalvíkurskóla
SVEITARSTJÓRN Eyjajarðarsveit-
ar samþykkti á fundi sínum í fyrra-
kvöld ályktun vegna kjaradeilu tón-
listarkennara og sveitarfélaga. Þar
segir að tónlistarkennsla hafi um ára-
bil verið frekar rýr í skólastarfi víða á
landsbyggðinni, en breyting orðið þar
á síðustu ár. Mörg sveitarfélög leggi
nú metnað sinn í að auka þennan þátt
í menntun og uppeldi barna og ung-
linga. Tónlistarskólarnir hafi laðað til
sín fólk sem lagt hafi sitt af mörkum
til að efla almennt tónlistarlíf í sveit-
arfélögunum og styrkt grunninn að
fjölbreyttara menningar- og félagslífi.
„Tónlistarskólarnir gegna því ekki
eingöngu skólahlutverki heldur jafn-
framt hlutverki menningarstofnunar
sem stuðlar að vexti og viðgangi sam-
félagsins í víðara samhengi,“ segir í
ályktun sveitarstjórnar Eyjafjarðar-
sveitar.
Telur hún að áframhaldandi kjara-
deila stefni tónlistarkennslu og tón-
listaruppeldi, ekki síst á landsbyggð-
inni í alvarlega hættu og skorar því á
aðila málsins að setjast þegar að
samningaborðinu og leita allra ráða til
að leiða deiluna til lykta með farsæl-
um hætti.
Leitað verði leiða
til að leysa
deiluna farsællega
Sveitarstjórn Eyjafjarðarsveitar
um kjaradeilu
VIÐBÓTARFJÁRMAGN sem heil-
brigðisráðuneytið hefur lagt Fjórð-
ungssjúkrahúsinu á Akureyri, FSA,
til vegna gerviliðaaðgerða gerir að
verkum að fleiri slíkar aðgerðir verða
gerðar í ár en á því síðasta. Fjár-
magnið er eingöngu vegna efnis-
kostnaðar, en mannskapur, húsnæði
og aðstaða er til staðar.
Þorvaldur Ingvarsson, lækninga-
forstjóri FSA, sagði að nú stefndi í að
gerðar yrðu 150 gerviliðaaðgerðir í
ár, eða um 30 fleiri en í fyrra.
Unnt yrði að gera 200 til 250 gervi-
liðaaðgerir á ári hverju ef deildin væri
rekin á fullum afköstum allt árið. Ár-
viss væri að yfir sumarmánuðina
hægði hins vegar á starfsemi sjukra-
húsanna.
Þorvaldur sagði að fyrir hendi
væru góð aðstaða og mannskapur,
þannig að ánægjulegt væri að fé hefði
fengist til að hægt væri að nýta það
sem fyrir er og létta á þann hátt á bið-
listum eftir gerviliðaaðgerðum.
„Við erum fullkomlega í stakk búin
til að taka þátt í að leysa þau vanda-
mál sem við blasa hvað varðar landið í
heild. Það gildir ekki bara um gervi-
liðaaðgerðirnar, heldur má þarna líka
nefna t.d. almennar skurðlækningar
og kvensjúkdóma,“ sagði Þorvaldur.
Hann sagði að erlendar samanburð-
arrannsóknir hefðu leitt í ljós að ár-
angur á FSA væri síst verri en annars
staðar. „Við teljum okkur því geta
sýnt fram á með vísindalegum hætti
að við gerum þessar aðgerðir jafnvel
og aðrir,“ sagði Þorvaldur.
Fleiri íbúar Suðvesturlands
en áður í aðgerð norður
Júlíus Gestsson, forstöðulæknir á
bæklunar- og slysadeild FSA, sagði
að í september síðastliðnum hefði allt
útlit verið fyrir að dregið yrði saman
hvað varðar þennan þátt í starfsemi
deildarinnar. Fjárveiting heilbrigðis-
ráðuneytisins hefði gert að verkum að
nú væri unnt að halda gerviliðaað-
gerðunum áfram og fleiri slíkar að-
gerðir yrðu gerðar í ár en í fyrra.
Þörf fyrir gerviliðaaðgerðir er brýn
en alls eru um 500 manns á landinu
öllu á biðlista eftir aðgerðum. Þar af
eru um 60 á biðlista FSA. Júlíus sagði
að bróðurpartur þeirra, sem biðu eftir
gerviliðaaðgerðum, byggi á suðvest-
urhorni landsins. Um 15% þeirra sem
þar búa hafa á síðustu árum sótt
þessa þjónustu til Akureyrar, en að
sögn Júlíusar er hlutfallið á bilinu 20–
25% í ár, þannig að þeim íbúum þessa
landshlutar sem sækja læknisþjón-
ustu norður hefur fjölgað umtalsvert.
„Við höfðum gert samdráttaráætl-
un fyrir starfsemina í haust, en það er
ánægjulegt að viðbótarfjármagn
fékkst og við getum tekið þátt í að
létta á biðlistunum,“ sagði Júlíus, en
að jafnaði eru gerðar 5 gerviliðaað-
gerðir á viku á bæklunardeild FSA.
Aðgerðum
fjölgar umtals-
vert milli ára
Viðbótarfjármagn til FSA
vegna gerviliðaaðgerða
SEX tilboð frá fjórum fyrirtækjum
bárust í tölvuþjónustu fyrir Akur-
eyrarbæ. Skyggnir átti lægsta til-
boðið en fyrirtækið bauð um 41,5
milljónir króna fyrir fjögurra ára
tímabil.
Skrín átti næstlægsta tilboðið,
tæpar 48 milljónir króna, en Anza
sendi inn þrjú tilboð á bilinu 48,6–59
milljónir króna. Þá bauð Þekking –
Tristan um 55 milljónir króna. Bæj-
arráð samþykkti á síðasta fundi sín-
um að ganga til viðræðna við lægst-
bjóðanda.
Fyrirtækin fjögur sendu einnig
inn tilboð í tölvuþjónustu Heilsu-
gæslustöðvarinnar á Akureyri en
bæjarráð samþykkti að fresta samn-
ingsgerð vegna hennar. Gunnar Frí-
mannsson, verkefnastjóri hjá Akur-
eyrarbæ, sagði að þar sem rekstur
Heilsugæslustöðvarinnar væri sam-
starfsverkefni bæjarins og heil-
brigðisráðuneytisins þyrfti að leita
samráðs við ráðuneytið áður en til
ákvörðunar kemur. Skyggnir átti
einnig lægsta tilboðið í tölvuþjón-
ustu Heilsugæslustöðvarinnar, rúm-
ar 7 milljónir króna, sem er mun
lægri upphæð en hin fyrirtækin
buðu.
Anza hefur haft tölvuþjónustu
Akureyrarbæjar með höndum síð-
astliðið ár. Gunnar sagði að ekki
hefði verið um að ræða óánægju
með þjónustu Anza heldur hefði
rekstrarfyrirkomulagi þjónustunnar
verið breytt verulega og ýmsir
þættir verið teknir inn sem ekki
voru í útboðinu í fyrra. Því hefði
bæjarráð talið ástæðu til þess að
bjóða verkið út á nýjan leik.
Skyggnir
bauð lægst
Útboð á tölvuþjónustu
fyrir Akureyrarbæ og
Heilsugæslustöðina