Morgunblaðið - 22.11.2001, Blaðsíða 29

LISTIR
MORGUNBLAÐIÐ FIMMTUDAGUR 22. NÓVEMBER 2001 29
REYKJAVÍK: Ármúla 11 - Sími 568-1500
AKUREYRI: Lónsbakka - Sími 461-1070
Model 6834
Gifsskrúfvél 470 W O = 4 x 57 mm
Tilboðsverð
Í UMFJÖLLUN sem birtist í dag-
blaðinu Tagesspiegel fyrir skömmu
vekur þýski blaðamaðurinn Henryk
Broder athygli á söngleiknum um
Gunnar á Hlíðarenda, sem sýndur
var í miðaldaskálanum í Sögusetr-
inu á Hvolsvelli í sumar. Þá hefur
Sögusetrið fengið boð frá aðstand-
endum tónlistarhátíðarinnar Nord-
ischer Klang í Greifswald í Þýska-
landi um að flytja söngleikinn í maí
á næsta ári.
Að sögn Arthúrs Björgvins Bolla-
sonar, forstöðumanns Söguseturs-
ins á Hvolsvelli sem stendur að upp-
setningu söngleikjarins, hafa
þýskir fjölmiðlar sýnt starfsemi
Sögusetursins nokkurn áhuga, og
er það aðstandendum þess mikil
hvatning, að svo þekktur blaðamað-
ur sem Henryk Broder er hafi
fjallað um verkið. „Um er að ræða
stærsta dagblað Berlínarborgar og
er Broder m.a. einn af virtustu
greinahöfundum þýska vikuritsins
Der Spiegel,“ segir Arthúr. „Þá
munum við að öllum líkindum flytja
söngleikinn á tveimur til þremur
stöðum í Þýskalandi næsta sumar.
Hæst ber þar vitanlega Nordischer
Klang tónlistarhátíðina, sem haldin
verður í maí á næsta ári. Okkur
barst nýlega boð frá þeim og er
gert ráð fyrir að söngleikurinn
verði sýndur á leiksviði í frægum
kastalarústum í Greifswald.“ Verð-
ur hann þar fluttur með þýskum
textum í þýðingu Arthúrs Björg-
vins.
Henryk Broder ferðaðist hingað
til lands í sumar og kynnti sér starf-
semi Sögusetursins á Hvolsvelli.
Skemmtileg sviðsmynd og
röskur hópur flytjenda
Í umsögninni í blaðinu sem birtist
undir fyrirsögninni Hetjan Gunnar
(„Gunnar – der Held“) lýsir blaða-
maðurinn ánægjulegri kvöldstund í
stílfærðum miðaldaskálda seturs-
ins, þar sem hann naut hefðbundins
íslensks kvöldverðar við langborð
og hlýddi á söngleikinn við nokkurs
konar miðaldastemmningu. Lýsir
hann m.a. skemmtilegri útfærslu
sviðsmyndar og röskum hópi flytj-
enda úr Karlakór Rangæinga, með
þá Jón Smára Lárusson og Gísla
Stefánsson fremsta í flokki.
Söngleikurinn, sem leikstýrt er
af Svölu Arnardóttur, ber yfir-
skriftina „Gunnar“ og var sýndur
við góða aðsókn í Sögusetrinu á
Hvolsvelli sl. sumar. Hann er
byggður á ljóðum Guðmundar Guð-
mundssonar um ævi og örlög Gunn-
ars á Hlíðarenda en tónlistin er eft-
ir Jón Laxdal tónskáld.
Ljósmynd/Önundur
Söngmenn og leikendur úr röðum Karlakórs Rangæinga í lokaatriði
söngleikjarins Gunnars sem settur er upp á vegum Sögusetursins.
Hróður Gunnars
á Hlíðarenda
berst víða
Gallerí Reykjavík
Málverkasýning Guðmundar
Björgvinssonar er framlengd fram
á laugardag.
Sýningin er opin virka daga kl.
12–18 og laugardaga kl. 11–16.
Sýning framlengd
GUITAR Islancio
III er þriðji disk-
ur tríósins og
fást þeir hér við
íslenska tónlist í
léttdjössuðum
útsetningum líkt
og á fyrri disk-
um. Meginuppistaðan er íslensk
þjóðlög sem hafa sungið sig inn í ís-
lensku þjóðina gegnum árin, t.a.m. Á
Sprengisandi, Sofðu unga ástin mín,
Ó, mín flaskan fríða og Þorraþræll.
Tríóið er skipað Birni Thoroddsen,
gítar, Gunnari Þórðarsyni, gítar, og
Jóni Rafnssyni, kontrabassa.
Útgefandi er Ómi, Edda – miðlun og
útgáfa. Upptökur fóru fram í BT-
stúdíói í ágúst sl. Stjórnandi upptöku
var Björn Thoroddsen. Verð: 2.399 kr.
Þjóðlög
♦ ♦ ♦
Nýlistasafnið Trúbadúrar og tón-
listarmenn votta Megasi virðingu
sína kl. 21 á listþinginu Omdúrman –
margmiðlaður Megas. Fram koma:
Gímaldin & Loftur Hafþór Ólafsson
(Súkkat), Gísli Víkingsson & Rúnar
Marvinsson, Hermann Stefánsson
og Jón Hallur Stefánsson.
Múlinn, Húsi Málarans Kvintett-
inn Meski heldur tónleika kl. 21.
Kvintettinn skipa þeir Davíð Þór
Jónsson, píanó, Eiríkur Orri Ólafs-
son, trompet, Leifur Jónsson, bás-
únu, Valdimar Kolbeinn Sigur-
jónsson, kontrabassa, og Matthías
Hemstock, trommur. Kvintettinn
leikur tónlist úr eigin sarpi ásamt
lögum eftir Eric Dolphy, Joe Lov-
ano og fleiri.
Verslunin Sand, Kringlunni Sýn-
ing á verkum Vignis Jóhannssonar
verður opnuð í dag og mun hún
standa til 14. desember.
Kaffi tár, Kringlunni Hör, perlur,
kaffi nefnist textílsýning Arnþrúðar
Aspar sem opnuð verður kl. 19. Sýn-
ingin stendur til 2. desember.
Goethe-Zentrum, Laugavegi 18
Þýska kvikmyndin „Beim nächsten
Kuß knall ich ihn nieder“ (One More
Kiss And He Is Dead) frá árinu 1995
sem verður sýnd (með enskum
texta) kl. 20.30.
Hér segir af Reinhold Schünzel,
vinsælum leikara og leikstjóra á
þriðja og fjórða áratug 20. aldar,
sem þrátt fyrir gyðinglegan upp-
runa sinn fékk í upphafi að starfa
áfram í Þýskalandi nasismans. Í
verkum sínum sveigði hann þó hvað
eftir annað að nasistastjórninni svo
að hann varð loks að yfirgefa landið
og halda til Hollywood.
Leikstjórn og handritsgerð er í
höndum Hans-Christoph Blumen-
berg, en hann fékk þýsku kvik-
myndaverðlaunin árið 1996 fyrir
handritsgerðina.
Skólabær Íslenska málfræðifélagið
býður til spjallkvölds kl. 20. Á dag-
skrá verða reglur um íslenska staf-
setningu og þá einkum kostir og
gallar við auglýsingu mennta-
málaráðuneytisins frá 1974 og 1977.
Fundarstjóri verður Margrét Guð-
mundsdóttir en frummælendur eru
Baldur Sigurðsson dósent við Kenn-
araháskóla Íslands, Erna Erlings-
dóttir prófarkalesari og Sigurlín
Hermannsdóttir ritstjóri á þing-
fundasviði Alþingis.
Í DAG