Morgunblaðið - 22.11.2001, Síða 41

MORGUNBLAÐIÐ FIMMTUDAGUR 22. NÓVEMBER 2001 41
SUÐURLANDSBRAUT 54
(BLÁA HÚSIÐ Á MÓTI SUBWAY)
SÍMI 533 3109
ATH! Nýr opnunartími:
Mán.-fös. kl. 12-18,
lau. kl. 10-16
FIMMTUDAGSTILBOÐ
Tilboð á barnakuldaskóm
Teg.: HPH4430/6501
Stærðir: 23-35/28-34
Litir: Svart
Verð áður 4.995
Verð nú 2.995
Teg.: HPHGSKY8660
Stærðir: 25-35
Litur: Litur Blátt, rautt
Verð áður 3.495
Verð nú 1.995
FYRSTA danskeppni vetrarins fór
fram í Íþróttahúsinu við Strandgötu í
Hafnarfirði sl. sunnudag. Það var
Dansíþróttafélag Hafnarfjarðar sem
stóð að þessari keppni sem nefnd er
Lottó-danskeppnin. Fimm dans-
íþróttafélög tóku þátt í keppninni og
voru skráðir keppendur um 150.
Dansáhugafólk bíður fullt eftir-
væntingar eftir fyrstu keppnum vetr-
arins. Þær keppnir eru sérstaklega
áhugaverðar sökum þess að framfar-
ir keppenda eru einna ljósastar í
þeim. Keppendur hafa oft á tíðum æft
stíft um sumar og haust og mætt til
leiks fullir sjálfstrausts og tilhlökk-
unar að sýna árangur erfiðisins.
Þessi keppni var sérstaklega áhuga-
verð nú í ár vegna þess að nú er stutt í
Norðurlandamót sem haldið verður
hér á landi fyrstu helgina í desember.
Keppnin var sett upp með mjög
þægilegu andrúmslofti, salurinn fal-
legur og hátíðlegur og skemmtiatriði
brutu danskeppnina þægilega upp;
voru hvorki of löng né of stutt. Það
sem mér fannst einna skemmtilegast
við þau var hve mikið að börnum og
unglingum tók þátt í þessum atrið-
um, jafnt keppendur sem og áhuga-
fólk um dans. Eins voru mjög
skemmtileg sýningaratriði eins og
freestyle og breikdans. Þessi tvö at-
riði voru vel útfærð og fögnuðu áhorf-
endur dönsurunum með dúndrandi
lófataki. Eins sýndi línudansahópur
skemmtilega takta.
Í danskeppninni var keppt í 12
flokkum í nær öllum aldursflokkum,
frá börnum I B upp í flokki fullorð-
inna F. B-flokkar eru fyrir keppend-
ur sem aldrei hafa keppt fyrr, A–D
eru fyrir þá sem hafa keppt áður, K
fyrir þá sem stunda dans af krafti
sem keppnisíþrótt. Allir þessir flokk-
ar keppa í dansi með grunnaðferð.
Svo var einnig keppt í F-flokki sem
keppir með frjálsri aðferð.
Almennt séð var þessi dagur ákaf-
lega ánægjulegur og árangur kepp-
enda góður. Það sem mér finnst þó
standa upp úr eru þær framfarir sem
keppendur hafa sýnt frá síðasta
keppnistímbili. Yngstu keppendurnir
og þeir sem stytzt eru komnir eiga
hrós skilið fyrir sín spor, þau voru
stór og mikilvæg. Þessir keppendur
stóðu sig með stakri prýði.
Í flokknum börn II K sigruðu
Haukur Freyr og Hanna Rún. Þeim
hefur farið gríðarlega fram síðan ég
sá þau síðast. Fótavinnan þeirra hef-
ur farið mörg skref fram á við, sem
skilar sér í fallegum dansi og mun
betri dansstöðu. Sérstaklega miklar
framfarir fannst mér þau sýna í fóta-
vinnu í suður-amerísku dönsunum.
Arnar Már og Helena hafa einnig
tekið stórstígum framförum og voru
vel að öðru sætinu komin.
Í flokknum, Unglingar I K, sigruðu
Björn Ingi og Ásta Björg með nokkr-
um yfirburðum að mínu mati. Dans
þeirra var léttur og áreynslulaus og
mikið vandað til verksins. Fannar
Helgi og Edda Guðrún stóðu sig
mjög vel og eru orðin miklu léttari og
dansstaðan þeirra afslappaðri, þar
ber að þakka góðri fótavinnu. Í flokki
Unglinga I-F sigruðu Jónatan Arnar
og Hólmfríður. Glæsilegt par, sem
dansar frá hjartanu. Þau hafa bætt
fótavinnuna mjög, en betur má þó,
sérstaklega í suður-amerísku döns-
unum. Stundum fannst mér eins og
þau kláruðu ekki þungaflutning í
dönsum eins og cha cha og rúmbu.
Þið kunnið og getið þetta! Í öðru sæti
í sígildu samkvæmisdönsunum voru
Baldur Kári og Erna. Þau gerðu
nokkuð vel en voru að mínu mati tölu-
vert frá sínu bezta. Þau deildu öðru
sætinu með Birni Einari og Herdísi
Helgu í suður-amerísku dönsunum,
þau dönsuðu með því bezta sem ég
hef séð til þeirra, mjög kraftmikil,
þyrftu e.t.v. að fínpússa hjá sér bæði
fætur og hendur. Í flokki Unglinga II
F, sigruðu Friðrik og Sandra Júlía
mjög óvænt í báðum greinum. Að
öðrum pörum ólöstuðum eru Friðrik
og Sandra samt það par sem mér
finnst standa upp úr hvað varðar
framfarir frá því í fyrra, sérstaklega í
sígildu samvæmisdönsunum. Dans-
staða þeirra er orðin miklu betri og
afslappaðri og fótavinna mjög til fyr-
irmyndar. Í öðru sæti voru Davíð Gill
og Helga, ákaflega keppnisreynt par.
Mér fannst þau góð og það kom mér
svolítið á óvart að þau skyldu ekki
sigra a.m.k. í suður-amerísku döns-
unum. Mér fannst þau vera farin að
dansa mun meira sem par, heldur en
áður og vera töluvert kraftmikil í suð-
ur-amerísku dönsunum. Quickstepp-
ið var eitthvað skrýtið hjá ykkur! Í
flokki áhugamanna, F, sigruðu Ísak
og Helga Dögg í báðum greinum.
Ísak og Helga hafa oft dansað betur
en þau gerðu á sunnudag og held ég
að þar sé um að kenna einbeitingar-
skorti eða svolitlu kæruleysi. Sér-
staklega fannst mér þetta áberandi í
sömbunni og jive-inu. Ísak og Helga
Dögg eru frábært danspar og án efa
það par Íslands sem langmestum
frama hefur náð á erlendri grundu og
mikils er vænst af þeim á komandi
Norðurlandamóti.
Gunnar Hrafn og Sigrún Ýr voru í
öðru sæti og dönsuðu býsna vel, ég
vildi þó sjá betri fótavinnu í cha, cha
og rúmbu, mér fannst svona stundum
eins og verið væri að „búa til“ hreyf-
ingar, með góðri fótavinnu koma þær
bara! Flokkur fullorðinna var sá
flokkur sem mér fannst bera af hvað
varðar vandaða fótavinnu, í flokknum
voru reyndar ekki nema tvö pör, sem
bæði eiga hrós skilið. Þessi pör
mættu vera mjög mörgum til fyrir-
myndar hvað varðar fótavinnu. Björn
og Bergþóra María sigruðu og Jón og
Ragnhildur voru í öðru sæti.
Í lokin var svo valið Lottó-par
keppninnar, en það er það par sem er
stigahæst úr samanlögðum greinum
og það voru Haukur Freyr Haf-
steinsson og Hanna Rún Óladóttir
sem urðu Lottó-par ársins 2001.
Dagurinn var eins og fyrr segir
mjög ánægjulegur og flestir hafa án
efa verið ánægðir með sitt framlag til
hans. Starfsmenn keppninnar stóðu
sig vel og gekk skipulagið vel fyrir sig
í alla staði. Keppnisstjórinn Auður
Haraldsdóttir danskennari var að
sögn mjög sátt við daginn og kepp-
endur og síðast en ekki síst við áhorf-
endur sem voru fjölmargir.
Dansíþróttafélög og þjálfarar
Dansíþróttafélag Hafnarfjarðar
(DÍH), þjálfað af Dansskóla Dans-
íþróttafélags Hafnarfjarðar. Gull-
toppur (GT) þjálfað af Dansskóla
Jóns Péturs og Köru. Dansíþrótta-
félag Kópavogs (DÍK) þjálfað af
Dansskóla Sigurðar Hákonarsonar.
Dansíþróttafélagið Ýr þjálfað af
Dansskóla Heiðars Ástvaldssonar.
Danfélgaið Hvönn (HV) Jóhann
Gunnar Arnarsson.
Úrslit
Börn I B
Róbert O. Gíslas./Ásta Ákad. DÍH
Egill S. Harðars./Guðríður Daníelsd. DÍK
Andri F. Péturss./Halldóra Baldvinsd. DÍK
Heiður Hallgrímsd./Ingibjörg A. Hall-
grímsd. GT
Anita R. Hilmarsd./Þórdís A. Björnsd. DÍH
Friðrik Þ. Bjarnas./Sólrún Stefánsd. DÍK
Lilja R. Ragnarsd./Unnur R. Sveinsd. DÍH
Börn I A/D
Sigurþór Björgvinss./Telma R. Sigurðard.
DÍK
Davíð Ö. Pálss./Elísabet Jónsd. DÍK
Sigtryggur Haukss./Eyrún Stefánsd. GT
Pétur G. Magnúss./Jóna K. Benediktsd. DÍK
Hörður Ö. Harðars./Guðrún Arnalds DÍK
Ragnar I. Péturss./Sara K Rúnarsd. DÍK
Kristján E. Auðunss./Ingibjörg A. Berg-
þórsd. GT
Kristján Kristjánss./Anný Hermannss. DÍK
Börn I K
Alex F. Gunnarss./Vala B. Birgisd. DÍK
Sigurður M. Atlas./Sara R. Jakobsd. DÍH
Börn II B/D
Sigríður D. Ásgeirsd./Gunnhildur Ólafsd.
DÍH
Elfa R. Sigurðard./Sigríður B. Björnsd. DÍH
Sólrún L. Norðfjörð/Íris D. Haraldsd. DÍH
Rúnar Á. Hedin/Jórunn Jacobsen DÍH
Sigríður S. Hlynsd./Steinunn Viktorsd. DÍH
Steinunn A. Baldvinsd./Sunneva Hjartard.
DÍH
Börn II A
Magnús A. Kjartanss./Ragna B. Bernburg
DÍK
Torfi B. Birgiss./Telma Ólafsd. GT
Júlí H. Halldórss./Rakel S. Björnsd. GT
Sigurður Brynjólfss./Rakel Magnúsd. DÍK
Ólafur B. Tómass./Telma Ýr Arnarsd. DÍK
Gísli B. Sigurðss./Hildur Sæmundsd. GT
Þorgeir Logas./Elva M. Njálsd. DÍH
Njáll P. Þorsteinss./Telma R. Einarsd. DÍH
Íris D. Andrésd./Þórdís Þorvaldsd. DÍH
Börn II K
Haukur F. Hafsteinss./Hanna R. Ólad. HV
Arnar M. Einarss./Helena Jónsd. DÍK
Guðmundur F. Böðvarss./Yrsa P. Ingólfsd.
DÍH
Unglingar I A/D
Alexander Mateev/Olga E. Þórarinsd. GT
Ingimar F. Marinóss./Alexandra Johansen
GT
Jón G. Guðmundss./Þórunn A. Ólafsd. DÍK
Kristín Ýr Sigurðard./Ólöf Á. Ólafsd. Ýr
Haraldur Ö. Harðars./Áslaug Daníelsd. DÍK
Unglingar I K
Björn I. Pálss./Ásta B Magnúsd. GT
Fannar H. Rúnarss./Edda G. Gíslad. DÍK
Eyþór S. Þóbjörnss./Ásrún Ágústsd. HV
Adam E. Bauer/Þóra B. Sigurðard. GT
Unglingar I-F, sígildir samkv.
Jónatan A. Örlygss./Hólmfríður Björnsd. GT
Baldur K. Eyjólfss./Erna Halldórsd. GT
Björn E. Björnss./Herdís H. Arnalds GT
Unglingar I-f suður-amerískir
Jónatan A. Örlygss./Hólmfríður Björnsd. GT
Baldur K. Eyjólfss./Erna Halldórsd. GT
2 Björn E. Björnss./Herdís H. Arnalds. GT
Unglingar II-F sígildir samkv.
Friðrik Árnas./Sandra J. Bernburg GT
Davíð G. Jónss./Helga Björnsd. GT
Davíð M. Steinarss./Sóley Emilsd. GT
Jónþór Jónss./Hjördís Ö. Ottósd. HV
Unglingar II-F, suður-amerískir
Friðirk Árnas./Sandra J. Bernburg GT
Davíð G. Jónss./Helga Björnsd. GT
Jónþór Jónss./Hjördís Ö. Ottósd. HV
Björn V. Magnúss./Björg Halldórsd. GT
Ungmenni/Áhugamenn
F sígildir samkv.
Ísak H. Nguyen/Helga D. Helgad. HV
Ungmenni/Áhugamenn
F-suður-amerískir
Ísak H. Nguyen/Helga D. Helgad. Hv
Gunnar H. Gunnarss./Sigrún Ýr Magnúsd.
GT
Fullorðnir F-sígildir samkv.
Björn Sveinss./Bergþóra M. Bergþórsd. DÍH
Jón Eiríkss./Ragnhildur Sandholt GT
Skráðir keppendur
150 í fyrstu dans-
keppni vetrarins
DANS
Íþróttahúsinu Strandgötu
Hafnarfirði
Sunnudagur 18. nóvember 2001
LOTTÓDANSKEPPNI
Ljósmynd/Jón Svavarsson
Erna Halldórsdóttir og Baldur Kári Eyjólfsson.
Hanna Rún Óladóttir og Haukur Freyr Hafsteinsson.
Jóhann Arnarsson